Genesisi 21:7 - Bhiblia Yo Sawuleka

⁷ Sara a to ya masoni ngu kuwomba, a txi khene: “I mani a nga ti womba ka Abrahamu ti to Sara a na mamisa mwanana kani? Aniko ni m'velekete mwanana wa m'zambi, kukumbani kwakwe.”

Genesisi 21:7 Referans Kwoze

Isaya 66:8

I mani a khalako kupfa mhaka yo nga eto kani? I mani wu a khalako kuwona to fana ni tiya kani? Ina ditiko di nga sikota kuvelekwa ngu ditshiku dimwedo kani? Ku ndi na tumbunuka mafu ngu diganda dimwedo kani? Kambe Siyoni a ti ti lumwa, se a velekile vanana vakwe.

2 Vatesalonika 1:10

mbimo yi a nota ka edo ditshiku, kasi ku ta dhumiswa hagari ka vasawuleki vakwe, ni ku ta xamalwa hagari ka vale va nga kholwa kwakwe, kufana ni nanu mi nga amukela wufakazi wathu.

Vaefesu 3:10

kasiku wu txi ziviswa konkuwa ka mimoya ya wuthangeli ni ya wukoma wa madhawa a nzumani, ngu kona hawa ka mthumo wa Dibanza, wutxhari wa tixaka to tala wa Txizimu,

Mitengo 23:23

Nguko kha wu ngaho wurindi wo wukela Jakobe. Hambi wuñanga wo dingana kuwukela Israyeli. Yata mbimo yi ku no wombwa ngu Jakobe ni Israyeli ngu txikhati txa kona. Njitxani txi nga mbi mahwa ngu Txizimu!

Masalmo 86:10

Nguko ngawe wekha u ku Txizimu! Ngawe u ku wa hombe, u mahako sidiwukiso!

Masalmo 86:8

Kha si nga ho sizimu si si dinganako ni nawe, Mkoma; kuwalo wu a sikotako kumaha ati awe u mahako.

Isaya 49:21

Se u na khawe mbiluni kwako: I mani a nga ni velekela wuwa kani? Nguko ni ti si nga ni vanana, ni di nokha; ni ti ti khumbi, ni khukha; sekoko, i mani a ngani wunjela vava kani? Wona taku ani ni ti sate nokha; se avava va ti ti hani kani?

Genesisi 17:17

Sekoko Abrahamu a to ti wisa hahatshi ngu mbanza na a txi seka, nguko a txi ti wotisa mbiluni kwakwe, a txi khene: “Ina wamwamna wu a ku ni 100 wa malembe a nga ngadi e veleka mwanana kani? Ni Sara wu a ku ni mtxhanu ni mune wa magumi a malembe, a nga ngadi e veleka mwanana kambe kani?”

Genesisi 18:13

Aniko Mkoma a wombile ka Abrahamu, a txi khene: Ngu kutxani Sara a sekako, a txi khene: Ina ngu ditshuri ni nga veleka mwanana, konkuwa ni nga kumba kani?

Genesisi 21:8

Se mwanana a to kula, e lekiswa kumama; sekoko Abrahamu a to maha m'buso wa hombe, ka ditshiku di Isaake a nga lekiswa kumama.

Jeremiya 20:15

A na rukwe m'thu wu a nga bika mahungu amanene ka tate wangu, a txi khene: U veleketwe txizambyana, e m'tsakisa ngutu.

1 Vafumeli 3:21

Se mbimo yi ni nga wuka ni mixo, kasi kumamisa mwanana wangu, ni wona to a fite; se mbimo yi ni nga mxolisisa mixo yile, kuwonekile ti to i ti si nga ene mwanana wangu.

1 Vafumeli 11:20

Se ndiya ya Tafinesi a to veleka mwanana wa mfana i ku Genubhate, a to wunjwa ngu Tafinesi m'tini ka Faro; se Genubhate a zumbile m'tini ka Faro, kumweko ni vanana va Faro.