Genesisi 21:33 - Bhiblia Yo Sawuleka

³³ Abrahamu a to phaya mndonga wa mtamargera, kona Bherisebha, se koneho a to dhumisa ditina da Mkoma Txizimu txo mbi na magwito.

Genesisi 21:33 Referans Kwoze

1 Timoti 1:17

Kwakwe Mkoma wa totshe timbimo, Txizimu txo mbi na kufa, txo mbi wonwa ngu maso, ka txona Txizimu txa tximwetxo dwe, kudhumiswa ni kupfaliswa si nave ka txona ngu malembe ni malembe. Amen.

Isaya 40:28

Khu ti zivi, khwa tipfa taku, Txizimu txa yotshe mbimo, Mkoma, M'vangi wa magwito a mafu, kha karali, hambi kurereka kani? Mapimo akwe kha ma na mpimo.

Masalmo 90:2

Na ku sinzi kuhumelela mimango, ku sinzi kumaheka mafu ni ditiko dotshe, kukhukhela ka kale, kala kupinduka, awe u Txizimu!

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Varoma 16:26

aniko se wu nga sala kuwonekeliswa ngu Mibhalo ya Vaprofeti, nga tiya mlayo wa Txizimu txo mbi na magwito, wu nga lavisa tona, mlayo wu wu nga rurutelwa ka yotshe mifumo, kasiku yona yi txi londetela kukholwa.

Genesisi 12:8

A di khukhile konaho a to ya ka mmango wu wu ku ngu didhawa da wutxani ka Bheteli, eho a to emisa ditenda dakwe, Bheteli ku txi zumbela mswa-ditambo, se Ayi, ku ti zumbela didhawa da wutxani. Koneho Abramu a to akela Mkoma txiluvelo, atxi khozela kona ditina da Mkoma.

Genesisi 4:26

Nene Sete a mani mwanana, awu a nga mraya ku i Enosi; sekoko ku to khata kukhozelwa Mkoma.

Dhewuteronome 33:27

Txizimu txa yotshe mbimo, mbuthavelo wako. Mawoko a txona nzivhuno sako kala kupinduka; txona txo tovela valala masoni kwako, txi txi kha txona: Va lovise!

Varoma 1:20

Nguko asi sa Txizimu si si wonwiko ngu maso, i ku mtamo wa txona wo mbi na magwito ni wuzimu wa txona, eso sa ti wonekisa amu ka mithumo ya txona, kukhukhela kuvangwani ka ditiko; ngu konaho kha va na nzila yodanga ngu yona.

Amosi 8:14

Ava va xambanyako ngu wubihi wa Samariya va txi kha vona: Ndinene ngutu kuhanya ka txizimu txako awe Dhani; kambe ndinene ngutu kuhanya ka nzila ya Bherisebha; vonavo va nawa, kha va na mbi khukha kambe.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Valamuli 3:7

Se vanana va ka Israyeli va to maha kubiha masoni ka Mkoma, ve divala Mkoma, Txizimu txawe, aniko ve thumela Vabhahali ni Asterote.

Dhewuteronome 16:21

U nga phaye mindonga yo phaxela ka yona, hafuhi ni txiluvelo txi u no akela Mkoma, Txizimu txako.

Genesisi 26:33

Se txisimetxo, Isaake a txi dhani ku i Sebha. Ngu konaho di khukhelako kona ditina da didhoropa, daku i Bherisebha, kala ka ditshiku da nyamsi.

Genesisi 26:25

Sekoko Isaake a to aka txiluvelo koneho, e dhumisa ditina da Mkoma, a txi zima ditenda dakwe; se sithumi sa Isaake, si to kela txisima kona hale.

Genesisi 26:23

Koneyo, Isaake a to khukha a txi ya Bherisebha.

Vahebheru 13:8

Jesu Kristu ngeneyo wammweyo, nyamnova, nyamsi ni yotshe mbimo.

Genesisi 21:32

Va to maha txitumelelano kona Bherisebha; Abhimeleki a to khukha, kumweko ni Fikoli, mthangeli ya dibutho dakwe da yimbi, ve tshumelela ditikoni ka Vafilista.

Eksodha 15:18

Mkoma a na fuma, kala kupinduka, ngu ha ku si gwitiko!

Dhewuteronome 32:40

Ani na guleta dianza dangu di komba nzumani, ni xambanya ni txi khani: Ngani wu ni hanyako kala kupinduka!

Masalmo 93:2

Mkoma, txikhalo txako txa wukoma, txi tsani kukhukhela makhatoni, nguko awe waho kala kupinduka!

Habhakuki 1:12

Ina hi nga awe yotshe mbimo Mkoma, Txizimu txangu, ni Msawuleki wangu kani? Athu kha hi na mbi fa. Awe Mkoma, u m'vekete kumaha mlamuli, kambe awe Dirigwi, u mmahile makhato a txi tsayiso.