Genesisi 21:30 - Bhiblia Yo Sawuleka

³⁰ Abrahamu a to xamula a txi khene: “Amukela sinvutana siya sa mtxhanu ni simbidi ni ku ningako ngu manza angu, kasiku si maha txikombiso txa ku ni fakazela ku ngani ni nga kela txisima txiya.”

Genesisi 21:30 Referans Kwoze

Genesisi 31:52

Mmumbu wuwa i fakazi, dirigwi diya i fakazi, kasiku ani ni si sikoti kutshawunyeta mmumbu wuwa ni txi ta kheyo kwako, niku nawe khu na mbi tshawunyeta mmumbu wuwa ni dirigwi diya, u txi ta kheno kwangu, ngu mapimo o biha.

Joxuwa 24:27

Joxuwa a wombile kambe ka vathu a txi khene: “Wonani dirigwi diya di na va fakazi yi yi no hi mangalela athu, nguko dona di engisile otshe mapswi awa Mkoma a nga hi gela; di na va fakazi kwathu, kasiku, anu mi; si kaneti Txizimu txanu.”

Genesisi 21:28

Abrahamu a to phawusa mtxhanu wa sinvutana ni simbidi sa mikati sa mtxhambi, e si veka ngu phuho.

Genesisi 21:29

Abhimeleki a to wotisa ka Abrahamu, a txi khene: “U phawusela txani sinvutana siya sa mtxhanu ni simbidi kani?”

Genesisi 26:15

Sisima sotshe si si nga ti ketwe ngu sithumi sa Abrahamu, tate wakwe, Vafilista va to si kuletela, ve si tata ngu mafu.

Genesisi 26:18

Isaake a to kuha sisima si si nga ti ketwe ngu sithumi sa Abrahamu tate wakwe, asi Vafilista va nga ti si kuletete, msana ka kufa ka Abrahamu, se va to si ninga kambe ona matina ale tate wakwe a nga ti si ningile.