Biblia Todo Logo
Bib sou entènèt

- Piblisite -




Genesisi 21:22 - Bhiblia Yo Sawuleka

22 Se ku to maheka taku, ka yona yile mbimo, Abhimeleki ni Fikoli, mthangeli wa dibutho dakwe da yimbi, e womba-womba ni Abrahamu, a txi khene: “Txizimu txi ni nawe, ka totshe ti u ti mahako.

Gade chapit la Kopi




Genesisi 21:22
22 Referans Kwoze  

Abhimeleki a txi ta ngu Gerara a to wona Isaake, a di ni Okozati, mndoni wakwe, ni Fikoli, mthangeli yakwe ya dibutho da yimbi.


Se Mkoma a to khene ka Joxuwa: Nyamsi ni na khata ku kukulisa masoni ka votshe va ka Israyeli, kasi kuve ziva tito, ni na va kumweko ni nawe, nga kule ni ngava kumweko ni Mosi.


Vona va to xamula, va txi kha vona: “Ha ti wona ngu ditshuri ti to Mkoma Txizimu, a ni nawe, se hi khathu: Ta laveka ti to athu ni nawe hi txi xambanyelana, hi txi maha txitumelelano hagari kwathu.


Koneyo, Abrahamu a txi womba ngu msikati wakwe Sara, a txi khene i ndiyakwe, se Abhimeleki mfumeli wa Gerara e ruma kuya teka Sara.


Mi nga fumweni ngu male kuhanyani kwanu. Tsakani ngu si mi ku naso, nguko Mkoma apune a wombile a txi khene: “Kha ni na mbi thuka ni kuleka, kha ni na mbi nga va ni ku kutshotsha.”


makungo a mbilu yakwe, ma na humeleliswa ha kubasani, se a na namisa mbanza, e khozela Txizimu, e womba a txi khene: Kha ditshuri Txizimu txiho hagari kwanu.


Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?


Sungani motshe txikungo, aniko kha txi na mbi maheka, wombani dipswi, kambe kha di na mbi tsana; nguko Txizimu txi ni nathu.


Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.


“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)


A womba tiya Mkoma wa Mabutho a Tiyimbi: Ka ditshiku donedo, ku na maheka taku, digumi da vavamna, va totshe tidimi ta matiko, ve ñola ha ka mrungo wa txyambalo txa M'judha, va txi kha vona: Hi na tsula ni nanu, nguko ha tolovela kupfa taku, Txizimu txi ni nanu.


Mkoma a wombisa tiya: Mthumo wa Egipta, ni dibhindu da Vaetiyopiya, ni Vasabhi, vathu va txiemo txo lapha, si na pinda sita kwako, si na kulumba; va na kulondeta, va nata va di sungilwe ngu titxhini, kambe va nata khizama masoni kwako; va na maha mikombelo yawe kwako, va txi kha vona: Kha ditshuri Txizimu txi kwako, kha ku na tximwani txizimu kambe.


Se Solomoni, mwana Dhavhidha, a to tsana amu ka mfumo wakwe; aniko Mkoma, Txizimu txakwe, a ti ni nene, atxi mkulisa ngutu.


Sekoko Labhani a to mxamula a txi khene: “Ngako ni di mani mathomo masoni kwako, zumba ni nani. Ni zivisilwe ngu txiwoniso ti to Txizimu txi ni katekisile ngu mhaka yako.


Abrahamu a to kombelela Abhimeleki ka Txizimu, se Txizimu txi to holisa, ni msikati wakwe ni sithumi sakwe, kasi ve mana kuveleka vanana;


Ani ni ni nawe, kambe ni na kuxayisa hani ni hani u no maneka u di kona, ni na ku wuyisa ka ditiko diya, nguko kha ni na mbi kuleka na ni sinzi kumaha ati ni nga kugela.”


Sekoko Abhimeleki a to teka tinvuta ni tihomu, ni sithumi sa mazambi ni sa mahorana, e ninga Abrahamu, e mtshumetela msikati wakwe Sara.


a to ta va gela tiya: “Ni wona ti to tate wanu khaswi a txi ni tsakela kufana ni kale, aniko Txizimu txa tate wangu txi ni nani.”


Se Samuwele a to kula, na Mkoma a di kumweko nayo, kambe asi leki ni da dimwedo ka otshe mapswi akwe mewa hahatshi.


Se va to ya mkhokholani ka Tiro, ni ka otshe madhoropa a Vahevhi ni a Vakanana, ve huma ngu didhawa da wulambwe ka Judha, veya Bherisebha.


Sekoko Dhavhidha a to xambanya ka Sawule. Se Sawule e khukha e tsula m'tini kwakwe, kambe Dhavhidha ni vathu vakwe va to kwelela veya mikhokholani.


Swiv nou:

Piblisite


Piblisite