Genesisi 21:20 - Bhiblia Yo Sawuleka

²⁰ Txizimu txi ti kumweko ni mfana wule, ene a to kula a txi aka txiwulani, ahawa a nga ziva kufula ngu wulaho.

Genesisi 21:20 Referans Kwoze

Genesisi 28:15

Ani ni ni nawe, kambe ni na kuxayisa hani ni hani u no maneka u di kona, ni na ku wuyisa ka ditiko diya, nguko kha ni na mbi kuleka na ni sinzi kumaha ati ni nga kugela.”

Genesisi 39:21

Mkoma a ti ti kumweko ni Josefa, a txi telwa ngu wumbilu ngu ngene, a txi maha ti to e mana mathomo, masoni ka mxayisi wa mkora.

Genesisi 16:12

Se ene a na fana ni mangwa, a na zumba a txi lwisa votshe, se votshe va na zumba va txi mlwisa; a na humelela masoni ka votshe vaakelani vakwe.”

Luka 1:80

Se mwanana a ti ti kula, a txi mana mtamo moyani. Se a ti zumba txiwulani kala ditshiku da kutiwonekisa kwakwe ka Israyeli.

Valamuli 6:12

Ngelozi ya Mkoma yi to ta ti wonekisa kwakwe, yi txi kha yona: Mkoma ana ni nawe wamwamna wa ndena!”

Genesisi 25:27

Vanana va manekile va txi kula. Esawu i ti ti mxoti wa hombe, a txi zumbela txitingani; Jakobe i ti ti m'thu wo thutha, a ti ti zumbela matendani.

Genesisi 17:20

Ngu didhawa da Ismayeli nene, ni engisile txikombelo txako, ni na mkatekisa, ni andisa ngutu liveleko lakwe, a na veleka digumi da vakoma ni vambidi, ani liveleko lakwe li na maha mfumo wa hombe.

Genesisi 10:9

I ti ndena ya mxoti masoni ka Mkoma. Ngu mhaka yeto, kuhumile divingu di diku: “A fana ni Namrodhe, ndena ya mxoti, masoni ka Mkoma.”

Genesisi 27:3

Konkuwa, teka matxhari ako a wuxoti, wulaho wako ni tingove, tsula txitingani u txi ya ni xotela nyama.

Luka 2:40

Mwanana a txi kula ni kumana mtamo, na a di tate ngu wutxhari; ani kateko ya Txizimu yi ti ti ni nene.