Genesisi 21:16 - Bhiblia Yo Sawuleka

¹⁶ A to siya mwanana wakwe e tsimbila mnava wa mpimo wa kukhwinzwa ka lingove, a txi ya khalahatsha, nguko a ti ti khene: “Kha ni lavi kuwona mwanana wangu a txi fa.”

Genesisi 21:16 Referans Kwoze

Isaya 49:15

Ina wamsikati a nga sikota kudivalisa eto mwanana wu a m'wunjako, asi mxanisekeli, mwanana wa mndani kwakwe kani? Aniko hambi i diku o m'divala, ani koko kha ni na mbi kudivala.

Esteri 8:6

Nguko ni na sikotisa kutxani kuwona wubihi wu wu no wela va ka kwathu kani? Ni ti to ni na sikotisa kutxani kuwona kuloviswa ka liveleko lathu kani?

1 Vafumeli 3:26

Aniko, wamsikati wule mwanana wakwe i nga ti wule wo hanya, a to womba ka mfumeli (ngako a nga dhukiswa mbiluni kwakwe ngu mhaka ya mwanana wakwe), a txi khene: O! Awe nyamne wangu, mningeni mwananeyo wo hanya, mi nga duketeni ni ku m'daya. Se mmwani a ti ti khene: Mwendo mbwako mwendo mbwangu; a na abaniswe.

Luka 15:20

Se a to khukha, a txi tsula ka tate wakwe.” “Se ene a di ngadi kule, tate wakwe a to mu wona, a txi mu pfela wusiwana, a to tutuma a txi ya mu wukarela ngu mu ka thamo, a txi mu pswopswa.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

1 Samuwele 30:4

Sekoko Dhavhidha ni vathu vale a nga ti navo va to pekeletela tihuwa ve dila, kala kuza ve guma mtamo wo dila.

1 Samuwele 24:16

Se ku to maheka ti to a di hetile Dhavhidha kuwombawomba ni Sawule otshe mapswi awa, Sawule a to khene: Ina dipswi dako diya mwanangu Dhavhidha kani? Sekoko Sawule a to guleta dipswi e dila.

Rute 1:9

Mkoma a na mahe ti to mmwani ni mmwani wanu e mana kuhumula nyumbani ka mwamna wakwe. Se mbimo yile ene a nga va pswopswa, va to guleta mapswi awe, ve dila,

Valamuli 2:4

Se ku to maheka taku yi txi ngadi yi womba-womba mapswi awa Ngelozi ya Mkoma, ka votshe vanana va ka Israyeli, vathu va to guleta mapswi awe ve dila.

Genesisi 44:34

“Ni nga sikotisa kutxani ani kutshumela ni tsula m'tini ka tate, ni si nga nayo mfana wuwa, kani? Kha ni lavi kuya wona dikhombo di, di no ya wela txitimwi ka tate wathu.”

Genesisi 29:11

Jakobe a to pswopswa Rakeli, se a txi kwangula, a txi dila.

Genesisi 27:38

Esawu a to khene ka tate wakwe: “Ina njikatekiso tximwetxo dwe u ku natxo, kani tata? Tata, ni katekise nani!” Esawu a to peka huwa, a txi dila.

Genesisi 21:15

Mbimo yi mati ma nga guma mu ka txibhembe, a to otelisa mwanana hahatshi ka dikhukhu.

1 Vafumeli 17:12

Se ene a nje khene: Ni xambanya ngu Mkoma Txizimu a hanyako, hambi txibhubhutela txatxidotho kha ni nga natxo, hahanze ka dianza da mpupu amu ka khadi, ni sitonana amu ka txibhembe; hi nga wona, ni mani tihale timbidi, se ni na si lulamisela ani ni mwanana wangu, hi na dya hi txi fa.

Jeremiya 6:26

Awe m'horana wa vathu vangu, ti ambeke disaka, u pulukuta dikhumani; peka huwa yo nga yo dilela mwanana wammweyo ekha, xomulo ya txiviti. Nguko muhasamuli a na hi tela ngu txidhukisa.

Amosi 8:10

Na phindula mibuso yanu yi maha txidilo, kotshe kuembelela kwanu ku na maha kutitsetsa, kuhumelela masaka ka makata anu ni ligwayi ha misungo kwanu, ni maha ti to a siya si txi nga mizila ya mwanana mmweyo wa dizambi, se magwitelo akwe ma na nga ditshiku da kupandiseka.