Genesisi 21:15 - Bhiblia Yo Sawuleka

¹⁵ Mbimo yi mati ma nga guma mu ka txibhembe, a to otelisa mwanana hahatshi ka dikhukhu.

Genesisi 21:15 Referans Kwoze

Jeremiya 14:3

Vahombe vawe va rumile vavadotho kuya lava mati. Va txita sisimani kha va mani mati, va tshumela ni tifuko tawe ta maphanga. Vapfa tingana va txi goo! Na va txi fenengeta misungo yawe.

Masalmo 63:1

Txizimu, awe u Txizimu txangu! Na kulava ni si karali! Moya wangu wu na ni ditora ngu ngawe; wotshe mmidi wangu wa kunavela, ku nga mafu a ligwangwa, o oma ma ku si nga ni mati.

2 Vafumeli 3:9

Sekoko Joramu mfumeli wa ka Israyeli, ni mfumeli wa ka Judha, ni wa Edhomi, va to khukha ve horolokela ngu mpimo wo dingana mtxhanu wa masiku ni mambidi, aniko dibutho ni sifuyo va ngadi naso si si mani mati.

Isaya 44:12

Mtshuli wa maha ditxhapu, kambe a thuma ngu makala a mndilo, se edi tshula ngu hamela, ni ku di vavela ngu mtamo wa diwoko dakwe; ene a ni nzala, kambe mtamo wakwe wa kelela, se kha seli mati, kambe wa karala.

Genesisi 21:14

Sekoko Abrahamu a to wuka ni mixo, e teka sakudya ni txibhembe txa mati e rweka Hagari, se a to m'belekisa mwanana, ngu msana a to mu humisa. Hagari a to huma e pepeseka mu txiwulani ka Bherisebha.

Genesisi 21:16

A to siya mwanana wakwe e tsimbila mnava wa mpimo wa kukhwinzwa ka lingove, a txi ya khalahatsha, nguko a ti ti khene: “Kha ni lavi kuwona mwanana wangu a txi fa.”

1 Vafumeli 17:12

Se ene a nje khene: Ni xambanya ngu Mkoma Txizimu a hanyako, hambi txibhubhutela txatxidotho kha ni nga natxo, hahanze ka dianza da mpupu amu ka khadi, ni sitonana amu ka txibhembe; hi nga wona, ni mani tihale timbidi, se ni na si lulamisela ani ni mwanana wangu, hi na dya hi txi fa.