Genesisi 21:14 - Bhiblia Yo Sawuleka

¹⁴ Sekoko Abrahamu a to wuka ni mixo, e teka sakudya ni txibhembe txa mati e rweka Hagari, se a to m'belekisa mwanana, ngu msana a to mu humisa. Hagari a to huma e pepeseka mu txiwulani ka Bherisebha.

Genesisi 21:14 Referans Kwoze

Johani 8:35

Se khumbi kha yi zumbi m'tini otshe masiku. Mwanana ngene a zumbako m'tini otshe masiku.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Mavingu 27:14

Awule a phindulelako kuya angula mngana wakwe, ngu dipswi do kwangula, a balwa to kha vona wa ruketela.

Masalmo 119:60

Ni kuluvetile, kha na swela kuvekisa sirumo sako.

Masalmo 107:4

Va to timela, ve pengapenga txiwulani, va si mani nzila ya ku va yisa ka didhoropa do zumba ka dona;

1 Vafumeli 19:3

Mbimo yile a nga muwona a to khukha e tutuma, kasi kuhulukisa wutomi wakwe, eta Bherisebha ka Judha, e ta siya kona mfana wakwe.

Genesisi 26:31

Va to wuka ni mixo, ve mahelana txixambanyo. Ngu msana Isaake a to salisana navo, se vona va to khukha m'tini kwakwe ve msiya ngu kudikha.

Genesisi 25:6

A ningile simaha sokari ka vanana va sikaba sakwe, a txi ngadi e hanya, a to va hambanisa ni mwanana wakwe Isaake, a txi va rumela ka ditiko da wutxani.

Genesisi 21:31

Ngu mhaka yeto wukhalo wule va to wu dhana ku i Bherisebha, nguko va xambanyile koneho ngu wumbidi wawe.

Genesisi 16:7

Ngelozi ya Mkoma yi to mana Hagari a di hafuhi ni txisima txi txi ku txiwulani, txisima txi txi ku hafuhi ni nzila ya kuya Suri,

Isaya 16:8

Nguko tithembwe ta Hesibhoni ni m'vhinya wa Sibhima, si omile; vanyamne va matiko va phayile mindonga yawe ya yinene; va hoka kona Jazeri; va rerela txiwulani; madhavi a kona ma navile, se ma hokile mtxhatuko ka linene.

Genesisi 46:1

Israyeli a to khukha ni sotshe si a nga ti naso. Ngako a di hokile Bherisebha, a to phaxa mhamba ka Txizimu txa Isaake tate wakwe.

Genesisi 37:15

M'thu wokari wa dijaha, a to wona Josefa a txi timela nzila amu txiwulani, e mu wotisa, a txi khene: “U lava txani kani?”

Genesisi 26:33

Se txisimetxo, Isaake a txi dhani ku i Sebha. Ngu konaho di khukhelako kona ditina da didhoropa, daku i Bherisebha, kala ka ditshiku da nyamsi.

Genesisi 24:54

Sekoko va to dya ve sela, ene ni majaha awa a nga ti kumweko nawo, va txi otela konaho wusiku wonewo. Mangwanani ka kona, ngako va di wukile, awule wa txithumi a to khene: “Ni lekeni ni tsula ka nyamne wangu.”

Genesisi 22:19

Sekoko Abrahamu a to tshumelela ka sithumi sakwe, se votshe va to tsula Bherisebha, ahawa Abrahamu a nga aka kona.

Genesisi 22:3

Sekoko Abrahamu a to wuka ni mabimbi-kutxa, e longela mbongola yakwe, e teka sithumi simbidi kumweko ni mwanana wakwe Isaake, a txi funya ni tikhuni ta kuya hisa ngu tona mhamba; a to tsula ka wukhalo wu Txizimu txi nga mkomba wona.

Genesisi 21:33

Abrahamu a to phaya mndonga wa mtamargera, kona Bherisebha, se koneho a to dhumisa ditina da Mkoma Txizimu txo mbi na magwito.

Genesisi 19:27

Ni mixo ngutu, Abrahamu a to khukha eya ha wukhaloni hale a nga ti ka wona, a txi womba-womba ni Mkoma.

Genesisi 21:13

Aniko ngu ka mwanana wa txithumi, ani ni na tumbulukisa mfumo wa hombe, nguko nene mwanana wako.”

Genesisi 21:15

Mbimo yi mati ma nga guma mu ka txibhembe, a to otelisa mwanana hahatshi ka dikhukhu.

Mavingu 27:8

M'thu wu a ku kule ni m'tini kwakwe, a fana ni txinyana txo maneka kule ni txisaka txa txona.

Genesisi 28:18

Sekoko Jakobe a di wukile ni mixo, a to teka dirigwi di a nga ti di mahile txikhigelo, e di emisa di maha txialakanyiso, e thela mtona tximwi ka dona.

Joxuwa 3:1

Joxuwa koko, a to khukha ngu Sitime ni mabimbi-kutxa, e tsula kala Jordhani, ene ni votshe vanana va ka Israyeli, aha va nga ya humula kona, va si se kutxhatuka.

1 Samuwele 15:12

Se Samuwele a to vindukela ni mixo e hingeta Sawule; se ku to ziviswa ka Samuwele va txi kha vona: Konkuwa Sawule a hokile Karmeli, kambe wona taku a ti emisete phande. Sekoko a to horoloka e pinda e relela Giligali.

2 Makronika 29:20

Se mfumeli Ezekhiya a to wuka ni mixo eya sengeleta vathangeli va didhoropa se a kwelela navo veya Nyumbani ka Mkoma.