Genesisi 20:9 - Bhiblia Yo Sawuleka

⁹ Sekoko Abhimeleki a to dhana Abrahamu, a txi ta m'gela ku khene: “U hi mahete txani kani? Njionho muni ni nga txi maha kwako, kuza u tisa mnandu wa hombe txitimwi kwangu, ni txitimwi ka mfumo wangu kani? Awe u ni mahete ati ti ku si nga ni fanelo yo mahwa.”

Genesisi 20:9 Referans Kwoze

Genesisi 12:18

Sekoko Faro a to dhana Abramu a txi m'gela ku khene: “Ngu kutxani u txi ni mahela mhaka yiya kani? Ngu kutxani u nga mbi ni gela ti to ene msikati wako kani?

Genesisi 39:9

Kha nga ho mmwani i ku wa hombe ha m'tini kwakwe, hahanze kwangu: Kha txi nga ho txi a ni tsimbako ku txi gwesa, hahanze kwako awe dwe, nguko u msikati wakwe. Ni nga sikotisa kutxani kumaha to biha ta hombe to ngeto ni kuonhela Txizimu kani?”

Genesisi 26:10

Abhimeleki a to engeta, a txi khene: “U hi mahete txani toneto kani? Kudotho nga m'thu wokari wa ka kwathu a di otete ni msikati wako, se konaho u ndi nava u di hi wuyisete mnandu.”

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

Titosi 1:11

avava va fanelako kumalatwa, nguko va timeta timwaya ni votshe vathu va tona; seni kambe, ngu kulava dibhindu do mbina fanelo, va gondisa ati va si faneliko kugondisa,

Varoma 2:11

nguko Txizimu kha txi yi ngu khohe ya m'thu.

Mavingu 28:10

Awule a jikisako vo lulama ve huma e va yisa ka nzila yo biha, ene apune a na wa ka dona diphaledo dakwe; aniko avale va ditshuri va na wuyelwa ngu wunene.

2 Samuwele 13:12

Kambe Tamara a to m'gela ku khene: Ahim-him ndiyangu, u nga ni kurumete, nguko kha ti mahwi to nga eto amu Israyeli; u nga mahe wuphukuphuku wo nga wuwa.

2 Samuwele 12:5

Sekoko kuhenya ka Dhavhidha ku to vhutuka ngutu kuwukela wamwamna wule, se a txi khene ka Nathani: Ni xambanya ngu Mkoma a hanyako, m'thu wu a nga maha eto a fanela kufa.

Joxuwa 7:25

Se Joxuwa a to khene: “Ngu kutxani u txi hi tisela dikhombo kani? Se nyamsi, Mkoma a na tisa dikhombo txitimwi kwako!” Se votshe va ka Israyeli va to va balisela ngu marigwi, va txi va hisa ngu mndilo.

Levhi 20:10

Nene wamwamna wule a mahako wugango ni msikati wa vane, a txi maha wugango ni msikati wa mwakelani wakwe, wamwamna ni wamsikati, avale va nga maha wugango, ngu ditshuri vona ngu wumbidi wawe va na dawa.

Eksodha 32:35

Ngu kumaha keto, Mkoma Txizimu a tsayisile vathu, nguko va kurumetile Aroni ku va mahela txithombe txa dirole.

Eksodha 32:21

Mosi a to womba ka Aroni a txi khene: “Njitxani va nga ku mahela vathu vava, aha koza va txi ti wuyisela txionho txa hombe txo nga txiya kani?”

Genesisi 38:24

Ngu msana ka mitxima yiraru, Judha a to ya gelwa ngu vathu va txi kha vona: “Tamari maane wako, ana ni txirumbu, a nga maha wugelegele, e txi mana ka wona wugelegelewo.” Sekoko Judha a to khene: “M'humiseni hahanze, kasiku e hiswa!”

Genesisi 34:7

Mbimo yi vanana va majaha va Jakobe va nga wuya ngu bhuwani, ve ta engisa mhakeyo ya ndiyawe, vona va to henya ni kupandiseka ngutu, ngu mhakeyo yo nyenyeza yi nga mahwa ngu Sikemi nyumbani ka Israyeli, ngu kuotela ni mwana Jakobe, wa dihorana: Ayi i ku mhaka ya kuyila.

Genesisi 20:8

Abhimeleki a to vindukela kuwuka, se e dhana otshe maxonga akwe, a txi ta ma txhamusela totshe timhaka tiya; se ni ona maxonga ale a hombe, ma to tala ngu kuthava.

Genesisi 20:10

Abhimeleki a wombile ka Abrahamu, a txi khene: “U pimisile txani, ngako u txi ti maha tiya kani?”

Genesisi 29:25

Mangwanani ka kona ni mixo, Jakobe a to wona ti to i Leya a nga ningwa, se Jakobe a to womba ka Labhani, a txi khene: “Njitxani u nga ni mahela kani? Ina kasi ani kha na thumela Rakeli m'tini kwako kani? Ngu kutxani u txi ni kanganyisa kani?”