Genesisi 20:7 - Bhiblia Yo Sawuleka

⁷ Se konkuwa, mtshumete eyo wamsikati, a txi tsula ka mwamna wakwe, nguko mwamna wakwe mprofeti: Se a na kukombelela kasi u txi hanya. Aniko nga ti u si mtshumeti, kufa u na fa awe ni votshe va kulumbako.”

Genesisi 20:7 Referans Kwoze

Jobe 42:8

Tekani koko mtxhanu wa marole ni mambidi, ni tihamba, mi tsula ka txithumi txangu Jobe, mi txi ya ningela mphaxo wo hiswa mipune, se txithumi txangu Jobe a na mi kombelela; nguko kutilava ni nga mtumelela, kasi ku ani ni si mi tshumeteli ngu wubihi wanu; nguko anu kha ma womba ditshuri ngu ngani, kufana ni txithumi txangu Jobe.

1 Samuwele 7:5

Samuwele a to engeta, a txi khene: Sengeletani votshe va ka Israyeli kona Misipa, aniko na mi kombelela ka Mkoma.

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

2 Samuwele 24:17

Se ngako Dhavhidha a di woni Ngelozi yile yi nga ti dayela vathu, a to womba ka Mkoma a txi khene: Wona ta ku, ngani ni nga onha, kambe ngani ni nga maha to biha; kambe tinvuta tiya ti onhile txani kani? Ngu kumaha keto, dianza dako di na wele txitimwi kwangu ni txitimwi ka nyumba ya tate wangu.

1 Makronika 16:22

Mi nga gweseni ava ni nga va tota, mi nga xupheni vaprofeti vangu.

2 Vafumeli 5:11

Aniko Nahanani a to henya e khukha e tsula, na a txi khene: Ani ni ti ti khani ngu ditshuri a na huma a txi ta ema e khumbuka ditina da Mkoma, Txizimu txakwe, e gwesa ngu dianza dakwe ahale kupandako, e kalamukisa awule wa xokonho.

1 Johani 5:16

Ngako m'thu a txi wona mwanawe a txi maha txionho, atxi txi si yisiko kufani, a na mkombelele; se Txizimu txi na mninga wutomi, ngako kha ditshuri txionho txiya i si nga txa kuyisa kufani. Txiho txionho txi txi yisako kufani, kambe hi nga txona txi ni ku khani a na mkombelela ngu txona.

Vahebheru 1:1

Txizimu, ngu sikhati so tala ni mamahelo o tala, txi wombawombile kale ka vatate vathu, ngu sisofu sa vaprofeti,

1 Vakorinto 14:4

Awu a wombawombako tidimi, wa ti aka ene apune, aniko awu a wombako dipswi a aka dibanza da Txizimu.

Ezekhiyele 33:8

Ni txi khani ka m'bihi: Awe m'bihi, ngu ditshuri u na fa; se awe u si wombi kasi ku hambukisa m'bihi ka nzila yakwe, m'bihiyo a na fa ka wubihi wakwe, aniko mnoha wakwe, ni na wu lava manzani kwako.

Ezekhiyele 3:18

Ngako ni txi khani ka wa kubiha: Ngu ditshuri u na fa; u si mtxharihisi, u si wombawombi, u txharihisa wa kubiha, ka nzila yakwe yo biha, kasi kuhanyisa wutomi wakwe, m'bihi wule a na fa ka wubihi wakwe, aniko mnoha wakwe, ni na wu lava manzani kwako.

Jeremiya 27:18

Ngu konaho, ngako i di vaprofeti, ni kungako mhaka ya Mkoma yi di kumweko navo, khongelani konakuwa, ka Mkoma wa Mabutho a Tiyimbi, ti taku, siya si si nga sala Nyumbani ka Mkoma, ni nyumbani ka mfumeli wa ka Judha, ni Jerusalema, si nga tekwe si txi yiswa Bhabhilona.

Jeremiya 15:1

Sekoko Mkoma a to khene kwangu: “Hambi i ti ku Mosi ni Samuwele vo ta ema masoni kwangu, mbilu yangu nga yi si sikoti kuva kumweko ni vathu vava. Va tutumise masoni kwangu.

Jeremiya 14:11

Sekoko Mkoma a ti khene kwangu: U nga vakombelele wunene vathu vava.

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

Jobe 34:19

Ngutu-ngutu Txizimu txi si nyenyiko mthangeli, hambi kukhatalela nyatithombe kupinda txisiwana; nguko sotshe mthumo wa manza a txona.

1 Vafumeli 13:6

Sekoko mfumeli a to xamula a txi khene ka m'thu wa Txizimu: Khongela masoni ka Mkoma Txizimu txako, ni kombelele ti to dianza dangu di kalamuka. Sekoko m'thu wa Txizimu a to kombela masoni ka Mkoma, se dianza da mfumeli di to wuya txikale txa dona.

1 Samuwele 12:23

Se ti nave kule ni nani kuonhela Mkoma, ngu kuleka ku mi kombelela; kambe ni na mi gondisa nzila ya yi nene ni yo lulama.

1 Samuwele 12:19

Se vathu votshe va to kha vona ka Samuwele: Kombelela sithumi sako ka Mkoma Txizimu txako, kasiku hi si fi; nguko ka sotshe sionho sathu hi engetete wubihi wuwa, wa ku ti kombelela mfumeli.

1 Samuwele 7:8

Ngu kumaha keto, vanana va ka Israyeli va to kha vona ka Samuwele: U nga karale ku hi pekela huwa ka Mkoma Txizimu txathu, kasiku a txi hi hulukisa manzani ka Vafilista.

Levhi 6:7

Kambe mphaxeli a na maha mningelo wa kudivalelwa ngu wona masoni ka Mkoma, se a na divalelwa ka totshe tile a nga maha ti txi mmanisa mnandu.

Levhi 6:4

ti na maheka koko taku, ngako a di onhile e maneka a di ni mnandu, e tshumeta sile a nga pa, mwendo sile a nga lamba naso, ngu kutitsimba, mwendo sile a nga ti ti ningilwe ku si xayisa, mwendo sile so mwalala a nga si rola,

Eksodha 18:17

Kambe tate wa Mosi ngu ka msikati wakwe, a to khene kwakwe: “Hi nga tinene eto u mahako.

Eksodha 7:1

Sekoko Mkoma a to khene ka Mosi: “Wona taku ni kumahile Txizimu masoni ka Faro; se Aroni, mwananu, a na va mprofeti wako.”

Eksodha 4:16

Ene a na kutshunda womba-womba ka vathu wukhaloni kwako; a na va txisofu txako, se awe u na va Txizimu kwakwe.

Genesisi 20:18

nguko Txizimu txi ti va mahile sifule votshe vavasikati va ha m'tini ka Abhimeleki, ngu mhaka ya Sara, msikati wa Abrahamu.

Genesisi 12:17

Aniko Mkoma a to rumela makhombo a hombe ka Faro, kumweko ni ka m'ti wakwe, ngu mhaka ya Sarayi, msikati wa Abramu.

Genesisi 12:15

Tinduna ta Faro, ngako ti di muwoni wamsikati, ti to ya womba ngu mapswi a ku m'dhumisa ka Faro. Se wamsikati a to tekwa e yiswa nyumbani ka Faro.

Genesisi 2:17

aniko u nga dye mndonga wa kuziva ta tinene ni ta kubiha, nguko, ka ditshiku dile u no dya, kufa u na fa.”

Mithumo 8:24

Simoni a to xamula, a txi khene: “Ni khongeleleni anu ka Mkoma ti to ni si thuki ni txi humelwa ngu txilo ni txa tximwetxo ka si mi nga si womba.”

Genesisi 20:3

Aniko Txizimu txi to endela Abhimeleki ngu mloro, ni wusiku, se txi txi ta m'gela tiya: “U na fa ngu mhaka ya wamsikatiyo u nga mteka, nguko msikati wa wukati.”

Genesisi 20:8

Abhimeleki a to vindukela kuwuka, se e dhana otshe maxonga akwe, a txi ta ma txhamusela totshe timhaka tiya; se ni ona maxonga ale a hombe, ma to tala ngu kuthava.

Genesisi 23:6

“Hi engise, awe nyamne wathu: Awe u didhota da Txizimu hagari kwathu; tshotsha mfi wako ka diphala di i ku da lisima ka maphala athu; ni wammweyo kwathu kha na mbi kulambela diphala dakwe, kuva u tshotsha mfi wako ka dona.”

2 Makronika 30:18

Mtalo wa vathu va ka Efrayime, Manasi, va ka Isakari ni Zebhuloni va dyite Pasika va siya khata ngu kubasiswa kambe hi nga tona ti ti nga bhalwa; kambe Ezekhiya a to va kombelela a txi khene: Mkoma awe u ku mnene, tshangana ni vale