Genesisi 20:6 - Bhiblia Yo Sawuleka

⁶ Txizimu txi to mxamula ngu mloro, txi txi kha txona: “Ani na tiziva kha kwati taku, eto u ti mahile ngu mbilu ya yinene; aniko ngani ni nga maha ti to u si ni onheli, ni si kutumetisi kum'gwesa.

Genesisi 20:6 Referans Kwoze

1 Samuwele 25:34

Nguko ngu ditshuri, ni xambanya ngu Mkoma, Txizimu txa Israyeli, wule a nga ni vhalela ku ku mahela wubihi tito, i ti ku awe u sa kuluveta, u ni hingeta, ku sa sala txilo ka Nabhali, kala ni mixo, hambi mfana mmweyo.

1 Samuwele 25:26

Konkuwa koko, nyamne wangu, ni xambanya ngu Mkoma a hanyako, ni muhefemulo wako, Mkoma a kuvhalete kutheketa mnoha ni ku ti photela ngu dianza dako; kambe konkuwa, valala vako ni vale va lavako wubihi wo wukela nyamne wangu, va na fane ni Nabhali,

Mavingu 21:1

Mbilu ya mfumeli manzani ka Mkoma, yi fana ni txinambwana txa mati; yi maha totshe ti ene a ti lavako.

Genesisi 35:5

Vona va to khukha ha wugoveloni hale va nga ti kona, se Txizimu txi to thela dizowa da hombe, ka vathu va madhoropa otshe ma nga ti hafuhi, ti to ku si maneki m'thu ni wammweyo wa kutsana a txi londeta Jakobe ni ngamu yakwe.

Genesisi 31:7

Tate wanu a ni kanganyisile e txitxa muholo wangu digumi da sikhati, aniko Txizimu kha txa mtumetisa ti to e ni mahela kubiha.

2 Vatesalonika 2:7

Nguko, mitamo ya wubihi ayi yi nga sisala, ya thuma ni konkuwa, aniko yi thuma dwe kala e thaviswa awule a yi tsivelako.

Masalmo 84:11

Nguko Mkoma liwoningo lathu ni m'vhikeli wathu; ene wa randa ni kudhunda avale va hanyako ngu kululama kha va lambeli ni txa tximwetxo tximaha txa txinene.

Eksodha 34:24

Nguko ani ni na tutumisa mifumo masoni kwako, kambe ni na engetela ditiko dako; ni wammweyo kha na mbi navela dithepele dako nga ti u txi kwela u txi ya ti wonekisa masoni ka Mkoma, Txizimu txako, kuraru ngu dilembe.

2 Vakorinto 6:17

Ngu toneto, “humani hagari kwawe, mi txi hambana navo. Mi nga gweseni txilo txo mbi basa, se ani ni na mi amukela, kuwomba Mkoma,”

Masalmo 81:12

Ngu toneto, ni va lekile ve maha kuranda kwawe ni kulondetela minavelo yawe.

Masalmo 51:4

Ni kuonhete, ngawe wekha ni nga kuonhela, ngu kumaha kubiha ku awe u ku nyenyako. Ngu mhaka yeto, u na ni fanelo ngako u txi ni lamula kambe ti lulamile ngako u txi ni abanisa.

Genesisi 39:9

Kha nga ho mmwani i ku wa hombe ha m'tini kwakwe, hahanze kwangu: Kha txi nga ho txi a ni tsimbako ku txi gwesa, hahanze kwako awe dwe, nguko u msikati wakwe. Ni nga sikotisa kutxani kumaha to biha ta hombe to ngeto ni kuonhela Txizimu kani?”

Genesisi 20:18

nguko Txizimu txi ti va mahile sifule votshe vavasikati va ha m'tini ka Abhimeleki, ngu mhaka ya Sara, msikati wa Abrahamu.

2 Vatesalonika 2:11

Ngu koneho Txizimu txi va lekile ve fumwa ngu mtamo wo xengetela ti to ve tumela ta makuhu;

1 Vakorinto 7:1

Sekoko, ka timhaka ti mi nga ni bhalela, ani ni pimisa ti to ndinene ngako m'thu asi teki msikati.

Levhi 6:2

Ngako m'thu wokari a txi onha, a txi wukela Mkoma, e kanganyisa ngu kwa mbi tshumeta ka mwakelani wakwe, asile a ku naso, mwendo ku mpela, mwendo ku mlambela, e ti tsimba ngutu ka mwakelani wakwe;

Genesisi 26:11

Se Abhimeleki a to veka mthetho ka vathu vakwe votshe, a txi khene: “Awule a no gwesa Isaake ni msikati wakwe a na dawa.”

Genesisi 3:3

aniko, mihando ya mndonga wu wu ku hagari ka thembwe, Txizimu txi wombile ti to kha mi na mbi dya, hambi ni ku wu gwesa, kasi ku mi si fi.”

Matewu 27:19

Na ene a di khalahatshile ha txikhaloni ka kulamula, msikati wakwe a to rumela kuya mu gela tiya: “U nga thuke u txi ti wuleta ka mhaka ya m'thu wuwa wo lulama, nguko ni pandisekile ngutu hamnova ngu miloro ngu mhaka yakwe.”

Genesisi 31:24

Txizimu txi to endela Labhani, muaramu ngu mloro wa wusiku, txi txi m'gela tiya: “Ti wonele, u nga thuke u txi womba txilo ka Jakobe, mwendo txo biha, mwendo txa txinene.”

Mavingu 6:29

Ti na nga toneto ka wule a wulelako ka msikati wa mwakelani wakwe; ni wihi wule a no m'gwesa kha na mbi pwata mnandu.