Genesisi 20:5 - Bhiblia Yo Sawuleka

⁵ Abrahamu ngene a nga womba, a txi khene: ‘I ndiyangu’, ni nene wamsikati, e womba toneto, a txi khene: ‘I ndiyangu’. Ni mahile tiya ngu mbilu ya yinene ni manza o lulama.”

Genesisi 20:5 Referans Kwoze

Masalmo 7:8

Mkoma, ngawe u lamulako vathu. Ni lamule, Mkoma, madingano ni fanelo yangu ni lamule madingano ni hawa ni ku si nga ni mnandu, awe Nyatxitimwi.

1 Vafumeli 9:4

Se ngako awe u txi tsimbila masoni kwangu ku nga ti a nga tsimbilisa tona tate wako Dhavhidha, ngu mbilu yotshe ni kutsana, kasi u maha totshe ti ni nga kuruma, ni kuveketa sileleto sangu ni kulamula kwangu,

1 Timoti 1:13

ani, kale ni nga ti mruketeli ni mxanisi ni m'thu wa tshofu. Aniko ni mani divalelo, nguko atileya ni ti mahile ngu kusisalelwa ni wuhedheni wangu.

1 Vatesalonika 2:10

Anu mi tifakazi tathu, ni Txizimu ni txona, ka ti to mahanyelo athu ni nanu mi kholwako i ti mahanyelo o sawuleka, o lulama, ni o mbina txisolo.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Dhaniyeli 6:22

Txizimu txangu txi rumete Ngelozi ya txona yi ta vhala sisofu sa tingonyamo, kasiku ti si ni mahi txilo, nguko ni manekile ni si na mnandu masoni ka Txizimu; hambi masoni kwako, awe mfumeli, kha ni khali kumaha wubihi ni wawumwewo.

Mavingu 20:7

M'thu wo lulama a tsimbila ditshurini kwakwe; va na kateka vanana vakwe vale va mu engisako.

Mavingu 11:3

Kuthembeka ka vale vo lulama ku na va tsimbitisa, aniko wuhambunyeti wa sindaka-milayo wu na si haxula.

Masalmo 78:72

Dhavhidha a xayisile vathu vakwe ngu kululama kotshe e va fuma ngu wuzivi wa hombe.

Masalmo 73:13

Kha ditshuri, kha ta vhuna txilo kubasisa mbilu yangu ni ku va ni manza o basa ka totshe to biha!

Masalmo 26:6

Na samba manza angu, kasi kukomba ti to kha ni nga ni mnandu, se na tshuketa hafuhi ka txiluvelo txako, Mkoma,

Masalmo 25:21

Wunene ni kululama si na ni vhikele, nguko themba yangu ni yi vekile kwako.

Masalmo 24:4

Wule a nga basa manzani, ni mbilu yo sawuleka asi ningeteteliko moya wakwe ka wukanganyisi, kambe asi xambanyiko ngu kukanganyisa.

Jobe 33:9

Ni basile; kha na hambunyeta txilo; ni sawulekile; kambe kha ni nga ni mnandu.

1 Makronika 29:17

Awe Txizimu txangu, ani na tiziva kha kwati tito, awe wa xola timbilu, niku u tsakiswa ngu wunene; ani nani ni ningete sotshe simaha siya ngu kutsaka ni kuranda ka mbilu yangu; se konkuwa ni woni ngu kutsaka taku vathu vako, va manekako hawa, va ningela ngu kuranda kwakwe.

2 Vafumeli 20:3

Awe Mkoma! Alakanya taku ni tsimbite ditshurini, ngu mbilu yo thembeka, ni mahile to lulama masoni kwako, se a to dila ngutu Ezekhiya.

Joxuwa 22:22

Txizimu txa sizimu, Mkoma, Txizimu txa sizimu, Mkoma, Ene wa tiziva, ni Israyeli nene a fanete ku tiziva; ngu didhawa dathu ngako hi di mahile wuhurupha mwendo kueyisa Mkoma wathu, ene a na leke ku hi hulukisa ka ditshiku da nyamsi,

Genesisi 12:13

Na ku kombela, u ndiyangu kasi ku ni txi mana kuamukelwa ngu nzila ya yinene, ni kumana kambe kulekwa ni hanya, ngu mhaka yako.

Genesisi 20:13

Sekoko, mbimo yi Txizimu txi nga ni humisa m'tini ka tate wangu, ni txi pepeseka ni ditiko, ni gete msikati wangu, ni txi khani: “Ni kombela u txi ni mahela wumbilu wuwa, ka otshe makhalo awa hi no maneka hi di kona, womba ti to ani ni ndiyako.”

Genesisi 20:16

Ka Sara a to womba a txi khene: “Ndiya 1.000 wa maxekele a silivhela, ni mningako ndiyako. Eto ti na maha txikombiso masoni ka votshe va va ku ni nawe, txaku khu nga ni mnandu ka totshe tiya.”

Masalmo 7:9

Fuvisa wubihi wa vabihi tsanisa avale i ku vavanene, awe u wonisisako timbilu ni mialakanyo, awe u ku Txizimu txa kululama.