Genesisi 20:3 - Bhiblia Yo Sawuleka

³ Aniko Txizimu txi to endela Abhimeleki ngu mloro, ni wusiku, se txi txi ta m'gela tiya: “U na fa ngu mhaka ya wamsikatiyo u nga mteka, nguko msikati wa wukati.”

Genesisi 20:3 Referans Kwoze

Matewu 27:19

Na ene a di khalahatshile ha txikhaloni ka kulamula, msikati wakwe a to rumela kuya mu gela tiya: “U nga thuke u txi ti wuleta ka mhaka ya m'thu wuwa wo lulama, nguko ni pandisekile ngutu hamnova ngu miloro ngu mhaka yakwe.”

Genesisi 20:7

Se konkuwa, mtshumete eyo wamsikati, a txi tsula ka mwamna wakwe, nguko mwamna wakwe mprofeti: Se a na kukombelela kasi u txi hanya. Aniko nga ti u si mtshumeti, kufa u na fa awe ni votshe va kulumbako.”

Masalmo 105:14

Txizimu kha txa tumela ti to ni wammweyo e va xupha. Ngu mhaka yawe txi kawukile vafumeli, txi txi kha txona:

Jobe 33:15

Ngu mloro, mwendo ngu txiwoniso, ni wusiku, mbimo yile vathu va manako wukohe wo tshima, na va di otete ha m'bhedhuni.

Matewu 1:20

Na a di pimisile toneto, ha wukoheni a to lora a txi wona Ngelozi ya Mkoma yi nga mu gela tiya: “Josefa, mwanana wa Dhavhidha, u nga thave kutekana ni Mariya, kasi kuva msikati wako, nguko txirumbu txi a ku natxo, txi ta ngu ka Moya wo Sawuleka;

Genesisi 28:12

Se a to lora a txi wona dinera di nga emiswa ha mafuni, di txi ya khigetela nzumani, ngu tshokani ka dona, se tingelozi ta Txizimu ti txi kwela ni kutxhika ngu dona.

Jona 3:4

Se Jona a to khata kuwulela didhoropani, ngu kutsimbila mpimo wa ditshiku, a txi txhumayela a txi khene: Msana ka mune wa magumi a masiku, Ninivha a na hoxotwa.

Genesisi 40:8

Se vona va mxamute va txi kha vona: “Hi to lora miloro, aniko kha nga ho awu a sikotako ku hi txhamusela.” Josefa a to va wotisa a txi khene: “Ina kutxhamusela kha ku lumbi Txizimu kani? Ni xawuteleni ti mi nga lora!”

Genesisi 37:9

Ene a to lora wumwani mloro, awu a nga wu xawutela ka vanawe, a txi khene: “Ni lorile wumwani mloro: Ni woni ditambo, mtxima ni digumi da tinyeleti ni yimweyo, na si txi ni khizamela.”

Genesisi 37:5

Sekoko, dimwani da masiku, Josefa a to lora ni wusiku, se ngu msana a to txhamusela mloro wuwa ka vanawe; ngu mhaka yeto, livengo lawe li to kula ngutu.

Genesisi 31:24

Txizimu txi to endela Labhani, muaramu ngu mloro wa wusiku, txi txi m'gela tiya: “Ti wonele, u nga thuke u txi womba txilo ka Jakobe, mwendo txo biha, mwendo txa txinene.”

Genesisi 12:17

Aniko Mkoma a to rumela makhombo a hombe ka Faro, kumweko ni ka m'ti wakwe, ngu mhaka ya Sarayi, msikati wa Abramu.

Genesisi 12:18

Sekoko Faro a to dhana Abramu a txi m'gela ku khene: “Ngu kutxani u txi ni mahela mhaka yiya kani? Ngu kutxani u nga mbi ni gela ti to ene msikati wako kani?

Mitengo 22:9

Se Txizimu txi tota ka Bhalahamu txi txi ta kha txona: Mba mani vathu va u ku navo hawa kani?

1 Makronika 16:21

Txizimu kha txa tumela ti to ni wammweyo e va xupha, ngu mhaka yawe, Txizimu txi kawukile vafumeli, txi txi kha txona:

Genesisi 40:5

Sekoko, ka wusiku wawumwewo, mtheleli wa so sela, ni m'bhiki wa mapawu a mfumeli wa Egipta, avale va nga ti seketwe mkorani, mmweyo ni mmweyo wawe a to lora mloro wakwe, wu ku ni txhamuselo ya wona yo hambana.

Genesisi 46:2

Se Txizimu, amu ka txiwoniso txa wusiku, txi to m'dhana, txi txi kha txona: “Jakobe! Jakobe!” Ene a to orovela, a txi khene: “Ni ho!”

Jobe 33:17

kasi kuthavisa m'thu amu ka wubihi wakwe, ni kusisa kutikulisa ka m'thu;