Genesisi 2:7 - Bhiblia Yo Sawuleka

⁷ Se Mkoma Txizimu, a to wumba m'thu ngu lithulu la dibumba, e futeta mu tithonvuni, moya wa wutomi, se m'thu a to va txiwumbiwa txo hanya.

Genesisi 2:7 Referans Kwoze

1 Vakorinto 15:45

Ngu konaho, kubhatwe, va txi kha vona: “M'thu wo thanga, Adhamu, a mahilwe txiwumbwa txi txi hanyako.” Aniko Adhamu wu wo gwitisa a mahilwe moya wu wu hanyisako.

Jobe 33:4

Ni vangilwe ngu Moya wa Txizimu; se kufuteta ka wu wa Mtamo-Wotshe, ku ni ningile kuhanya.

Ekleziyaste 12:7

ni lithulu li txi tshumela liya mafuni, nga ti li ngadi ngu tona, ni moya wu tshumela wu tsula ka Txizimu, txi txi nga mninga.

Isaya 64:8

Kambe konkuwa, awe Mkoma, awe ngawe tate wathu; athu hi dibumba, se awe u muwumbi wathu; kambe athu hotshethu hi mthumo wa manza ako.

Mithumo 17:25

kha txi thumelwi ngu manza a vathu, txi txi nga txo pwata txilo, nguko txona txipune ngu txona txi ningako sotshe ka votshe, wutomi ni kuhefemula ni sotshe simaha .

1 Vakorinto 15:47

M'thu wo khata a nga wumbwa ngu mafu, mbwa mafu; m'thu wa wumbidi a ta ngu nzumani.

Genesisi 3:19

“U na dya sakudya ngu mnyuko wa khohe yako, kala u txi tshumelela mafuni ahale u nga thaviswa kona; nguko awe u lithulu kambe u na tshumela u txi maha lithulu.”

Jobe 27:3

Ku di nga diho kutsaka kwangu, ni kufuteta ka Txizimu tithonvuni kwangu,

Genesisi 7:22

Sotshe si si nga ti ni muhefemulo wa kuhanya tithonvuni ka sona, sotshe si nga ti tiho ha mafuni si fite.

Zakariya 12:1

Mhaka ya dipswi da Mkoma txitimwi ka Israyeli. Mkoma wu a nawulutako nzuma, a vangako makhato a mafu, a thelako moya mndani ka m'thu, a womba tiya:

Masalmo 103:14

Ene wa tiziva ti athu hi nga wumbiswa tona; wa ti alakanya ti to athu hi lithulu dwe.

Masalmo 100:3

Ti ziveni ti to Mkoma ngene Txizimu txathu; ngene a nga hi va nga, athu hi lumba ene; athu hi vathu vakwe ni mtxhambi wakwe!

Varoma 9:20

Se u mani awe m'thu, u kanetisanako ni Txizimu kani? Ina txiya txo wumbwa txi nga wotisa ka muwumbi wa txona ku “U to ni wumbisa tiya ngu kutxani kani?”

Isaya 2:22

Tsulani kule koko ni m'thu wu a ku ni muhefemulo tithonvuni kwakwe; nguko a nga va a txi themba txani kani?

Genesisi 3:23

Mkoma Txizimu koko, a to mtshotsha hahanze ka thembwe ya Edheni kasi ku e dima mafu ale a nga thaviswa ka ona.

Vahebheru 12:9

Hahanze ka toneto, hi ni vatate vathu va mmidi, avava va nga hi gondisa, vona ha va xonipha. Ina kha hi faneli kuthava ngutu Tate wa mimoya, kasi ku hi na hanya kani?

Mitengo 16:22

Se vona va towa ngu tikhohe tawe, ve dila, va txi kha vona! Awe Txizimu! Txizimu txa mihefemulo ya nyama yotshe! Ina wa so henyela wotshe msengeletano, ngu mhaka ya txionho txa m'thu mmweyo kani?

Mavingu 20:27

Dihika da m'thu, dilambu da Mkoma kwakwe, adile di wonako kotshe mndani ka m'thu.

Jobe 33:6

Wona taku, ni tile ngu ka Txizimu, kufana ni nawe; ngu dimwani didhawa, nani ni to wumbwa.

2 Vakorinto 5:1

Athu hotshethu, ha tiziva ti to mbimo yi wu no hasulwa mdhute wuwa hi hanyako ka wona ahawa ha mafuni, hi ni nyumba nzumani, yo akwa ngu manza a Txizimu, nyumba yo tsana ko mbi na magwito, ayi yi nga mbi mahwa ngu manza a m'thu.

2 Vakorinto 4:7

Aniko, thomba yi hi ku nayo, yi vekilwe mu ka siya sa dibumba, kasiku ti txi zivaneka ti to mtamo wuwa wa hombe wuta ngu ka Txizimu, kha wu ti ngu kwathu.

Johani 20:22

A di wombile tiya, a to va futetela, na a txi khene: “Amukelani Moya wo Sawuleka.

Jobe 4:19

Ngutu-ngutu vale va zumbako ka tinyumba ta ndope, makhato a kona i ku lithulu, va sikotako kuphwaraselwa kufana ni sumba!

Mitengo 27:16

Mkoma Txizimu txa mimoya ya yotshe nyama, veka m'thu txitimwi ka msengeletano wuwa,

Ekleziyaste 3:7

mbimo ya kuvharula, ni mbimo ya kurunga; mbimo ya kumalala, ni mbimo ya kuwombawomba;

1 Timoti 2:13

Nguko ku thangile Adhamu e wumbwa, ku txi londeta Evha.

Genesisi 2:6

Aniko, ha mafuni ku ti ti huma hunguva yi yi nga ti nakanisa otshe mafu.

Sidilo 4:20

Msawuleki wa Mkoma, ene mtsimbilisi wathu va mñote kufana ni txihari txo wela diphalani. Kuve athu hi ti emete ene, ku a txi hi vhikela, hahatshi ka mtsudi wakwe, hi na hanya hagari ka matiko.

Ezekhiyele 37:5

Mkoma Txizimu a khene ka marambu awa: Wonani taku ni na wuleta moya kwanu, mi na hanya.

Genesisi 1:27

Se Txizimu txi vangile m'thu ngu txifaniso txa txona; txi m'vangile e fana ni Txizimu; txi va vangile wamwamna ni wamsikati.

Ezekhiyele 37:6

Se ni na veketela misiha kwanu, ni na thungisa nyama txitimwi kwanu, ni fenengeta didhowo txitimwi kwanu, ni kuthela moya kwanu, mi na hanya, kambe mi na tiziva taku ani ngani Mkoma.