Genesisi 2:5 - Bhiblia Yo Sawuleka

⁵ kukhukhela ku ti si nga ho mndonga ni wawumwewo ha mafuni, hambi ni mwasi wu ti sanzi kumila, nguko Mkoma Txizimu, a ti sanzi kunisa mati ha mafuni, ni kambe ku ti si nga ho m'thu wo dima mafu.

Genesisi 2:5 Referans Kwoze

Genesisi 3:23

Mkoma Txizimu koko, a to mtshotsha hahanze ka thembwe ya Edheni kasi ku e dima mafu ale a nga thaviswa ka ona.

Vahebheru 6:7

Nguko, mafu awa ma selako mati a nzumani ayawa ma wako ngu mtalo, aya ma milisako similwa sa sinene, asi si vhunako va va ti dimelako, mafuyo ma mana kukatekiswa ngu Txizimu.

Jobe 5:10

Txa nisa nzuma txitimwi ka mafu, ni kuninga mati tithembweni.

Genesisi 4:12

Hambi u txi dima mafu, kha ma na mbi kuninga txilo txa mihando ya ona. U na pepeseka u tutuma-tutuma ha mafuni.”

Genesisi 4:2

Se a to veleka mwanawe, Kayini. Abhele a to maha m'dyisi wa tinvuta, Kayini eva m'dimi wa mafu.

Jeremiya 14:22

ina txiho txifananiso hagari ka vamatiko txi sikotako kunisa mati kani? Mwendo nzuma yi nga sikota kunisa mati yipune kani? Ina hi ngawe kani Mkoma, Txizimu txathu kani? Ngu konaho, hi na kuverela, nguko ngawe u nga maha sotshe siya.

Masalmo 135:7

Ene wa wuyisa marefu a diphuho ngu magemeta-mitshi ka mafu; wa humisa singwalangwanda, wa wisa mati a nzuma wa tulela maphuho me huma ngu ku khotelwani ka ona.

Masalmo 104:14

Wa kulisa lihawu la sihari ni mindonga yi vathu va phayako, kasi kumana sakudya ka yona:

Matewu 5:45

Ngako mi txi maha tiya, mi na va vanana va Tate wanu a ku nzumani; nguko nene wa humisela ditambo vavanene ni vo biha, ni kumaha ti to nzuma yi txi nela vo lulama ni vo mbi lulama.

Genesisi 2:6

Aniko, ha mafuni ku ti ti huma hunguva yi yi nga ti nakanisa otshe mafu.

Jeremiya 10:12

Mkoma a mahile mafu ngu mtamo wakwe, e tsanisa ditiko ngu wutxhari wakwe, ngu wuzivi wakwe a nawulutile nzuma.

Jeremiya 10:13

Ngako a txi guleta dipswi dakwe, mati ma dhinda nzumani, wa maha marefu ma txita ngu magwito ka mafu, a rumela singwalangwanda kumweko ni nzuma, ni kuhumisa diphuho ngu sisangalani kwakwe.