Genesisi 2:2 - Bhiblia Yo Sawuleka

² Se Txizimu txi di gwitile ngu ditshiku da wutxhanu ni mambidi kumaha wotshe mthumo wu txi nga wu maha, txi to humula, ka ditshiku dile da wutxhanu ni mambidi, ka yotshe mithumo yi txi nga yi maha.

Genesisi 2:2 Referans Kwoze

Vahebheru 4:4

Nguko, ka wumwani wukhalo ti bhatwe ta ditshiku da wutxhanu ni mambidi taku: “Txizimu txi humute ngu ditshiku da wutxhanu ni mambidi, ka yotshe mithumo yi txi nga yi maha.”

Eksodha 31:17

Txi nava txikombiso txa kwa mbi guma, hagari kwangu ni vanana va ka Israyeli, nguko njikombiso txa kala kupinduka, mbufakazi awu wu kombako ati to Mkoma a mahile nzuma ni mafu amu ka mtxhanu wa masiku ni dimwedo, ni ti to amu ka ditshiku da wutxhanu ni mambidi a gwitile kumaha mthumo wotshe e humula.

Dhewuteronome 5:14

Ditshiku da wutxhanu ni mambidi, i Sabbata ya Mkoma, Txizimu txako; khu na mbi maha ni wawumwewo mthumo, awe ni mwanana wako, wa mfana mwendo wa dihorana, ni khumbi yako, ya wamwamna mwendo ya wamsikati, ni homu yako, ni mbongola yako, ni txihari txokari txako, ni mluveli wu a ku m'tini kwako. Ngu kumaha keto, khumbi yako ya wamwamna mwendo ya wamsikati, va na sikota kuhumula ni vona kufana ni nawe.

Eksodha 23:12

Amu ka mtxhanu wa masiku ni dimwedo u na maha mithumo yako; se ka ditshiku da wutxhanu ni mambidi u na humula, kasiku homu yako ni mbongola yako si mana kuhumula, kasiku mwanana wa khumbi yako a txi mana ku hefu, kumweko ni mluveli wako.

Johani 5:17

Aniko Jesu a to va xamula a txi khene: “Tate wangu a ngadi a txi thuma ni konkuwa, nanani na thuma.”

Isaya 58:13

Ngako u txi vayilelisa mkondo wako ka ditshiku da Sabbata, u si mahi kuranda kwako ngu ditshiku dangu do sawuleka, se u txi khawe Sabbata ya tsakisa ngutu, kambe ditshiku do sawuleka da Mkoma, da wudhundo, se ngako u txi di dhunda, u si londeti tinzila tako, hambi kunavela kumaha kuranda kwako, mwendo kumaha nyamuwombe,

Genesisi 1:31

Se Txizimu txi to wona totshe ti txi ngadi ti mahile, txi mana taku ndinene ngutu; se di to swa, ditxa: Ditshiku da wutxhanu ni dimwedo.

Vahebheru 4:10

Nguko, awu a nga wulela kuhumulani ka Txizimu, nene wa humula mithumoni kwakwe, kufana ni Txizimu txi humulako mithumoni ka txona.

Genesisi 2:3

Se Txizimu txi katekisile ditshiku da wutxhanu ni mambidi, txi txi di sawulekisa, nguko ka dona, Txizimu txi humute ka yotshe mithumo yi txi nga yi vanga, ni ku yi maha.

Eksodha 31:15

Amu ka mtxhanu wa masiku ni dimwedo ku na thumwa aniko ka ditshiku da wutxhanu ni mambidi, ku nava i di Sabbata ya kuhumula ko hetiseka, kasi kudhumisa Mkoma.