Genesisi 2:17 - Bhiblia Yo Sawuleka

¹⁷ aniko u nga dye mndonga wa kuziva ta tinene ni ta kubiha, nguko, ka ditshiku dile u no dya, kufa u na fa.”

Genesisi 2:17 Referans Kwoze

Varoma 6:23

Nguko txhatxhazelo ya txionho ngu kufa. Kambe txiningo txa Txizimu ngu wutomi wo mbi na magwito, ngu ka Kristu Jesu Mkoma Wathu.

Jakobe 1:15

Msana keto, kunavela ko biha, ka mana txirumbu, kuveleka txionho, se txionho txa vitwa txi veleka lifo.

Genesisi 3:19

“U na dya sakudya ngu mnyuko wa khohe yako, kala u txi tshumelela mafuni ahale u nga thaviswa kona; nguko awe u lithulu kambe u na tshumela u txi maha lithulu.”

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Vakolosa 2:13

Kale mi ti vathu va kufa ngu mhaka ya sionho sanu ni mhaka ya wukhutu wa nyama yanu, se Txizimu txi mi hanyisile kumweko ni Kristu. Txona txi hi divalete yotshe minandu yathu;

1 Timoti 5:6

Kasi awule a lavako ku ti mahela kuranda, eyo hambi a txi hanya, a fite.

Vagalatiya 3:10

Nguko vavekisi va Mlayo, votshe va maneka hahatshi ka kuruketelwa, nguko ti bhatwe taku: “A ruketetwe wuhi ni wuhi asi vekisiko sileleto sotshe si si nga bhalwa dibhukuni ka Mlayo.”

1 Vakorinto 15:22

Kha ditshuri, ngako votshe va fako ngu ka Adhamu, ngu toneto kambe votshe va na tshumela ve hanya ngu ka Kristu.

1 Johani 5:16

Ngako m'thu a txi wona mwanawe a txi maha txionho, atxi txi si yisiko kufani, a na mkombelele; se Txizimu txi na mninga wutomi, ngako kha ditshuri txionho txiya i si nga txa kuyisa kufani. Txiho txionho txi txi yisako kufani, kambe hi nga txona txi ni ku khani a na mkombelela ngu txona.

1 Vakorinto 15:56

Mndombo wa lifo ngu txionho, ani mtamo wa txionho ngu mlayo.

Varoma 1:32

hambiko va ti zivako ti to Txizimu txi vekile mlayo wu wu wombako ti to avale va mahako toneto, va fanetwe ngu kufa, vona kha va gwiteli ku ti maha dwe, aniko va emela ni vale va ti mahako.

Ezekhiyele 18:32

Nguko kha ni tsakeli kufa ka wule afako, kuwomba Mkoma Txizimu; hundulukani koko, kambe hanya.

Genesisi 3:17

Se ka Adhamu, Txizimu txi ti kha txona: Ngako u nga engisa dipswi da msikati wako, u txi dya muhando wa mndonga wule ni nga ku gela ku khani: U nga dye muhando wa mndonga wuwa, ngu mhaka yako, ma ruketetwe mafu. U na dya mihando ya wona ngu kuxupheka otshe masiku a kuhanya kwako.

Genesisi 3:11

Se Txizimu txi ti kha txona: “I mani a nga kugela ti to u tximbwiri kani? U to dya sa mndonga wule ni nga kutsimba kudya sa wona kani?”

Vaefesu 5:14

ani sotshe si si humiswako ha kubasani, sa hinduka si maha liwoningo. Ngu toneto, ti wombwako va txi kha vona: “Wuka awe u otelako, wuka hagari ka vafi, se Kristu a na kuwoninga.”

Varoma 6:16

Ina kha mi tizivi ti to ngako mi txi ti maha tikhumbi ta wokari kasi ku mu engisa, mi tikhumbi ta ene wu mi mu engisako, mwendo tikhumbi ta txionho txi txi yisako kufani, mwendo tikhumbi ta kuengisa kuwa ku yisako kululamani kani?

Ezekhiyele 33:8

Ni txi khani ka m'bihi: Awe m'bihi, ngu ditshuri u na fa; se awe u si wombi kasi ku hambukisa m'bihi ka nzila yakwe, m'bihiyo a na fa ka wubihi wakwe, aniko mnoha wakwe, ni na wu lava manzani kwako.

Ezekhiyele 18:4

Wonani taku yotshe mihefemulo njangu; nga kule muhefemulo wa tate i ku wangu, muhefemulo wa mwanana ni wona mbwangu; muhefemulo wule wu no onha, ewo wu na fa.

Mtuletelo 20:14

Lifo ni Hadhesi si to vinzwa txizivani ka mndilo. Aliya i lifo la wumbidi: Txiziva txa mndilo.

Varoma 8:2

Nguko mlayo wa Moya wa wutomi awu wu ku ka Kristu Jesu wu ni txhatxhile ka mlayo wa txionho ni lifo.

Mtuletelo 2:11

Awule a ku ni tinzeve a na engise ati Moya wu embelako mabanza. Awu a xulako kha na mbi va ni kuxaniswa ngu lifo la wumbidi.”

Ezekhiyele 33:14

Ngako kambe ni txi khani ka muonhi: Ngu ditshuri u na fa; a txi hunduluka ka txionho txakwe e maha kululama,

Dhewuteronome 30:19

Nyamsi ni kombela nzuma ni mafu si txi maha tifakazi to ni emela kwanu, ti to ni vekile masoni kwako wutomi ni lifo, sikatekiso ni makhombo. Sawula wutomi, kasi ku u na hanya awe ni liveleko lako,

Dhewuteronome 30:15

Wona ti to ni veka masoni kwako wutomi ni tinene, kufa ni kubiha;

Ezekhiyele 18:13

a zumbako ni siya so lombwa, a amukelako so tala, ina a nga hanya kani? Kha na mbi hanya! Otshe manyala awa a ma mahile, ngu ditshuri a na fa; mnoha wakwe wu na va txitimwi kwakwe.

1 Vafumeli 2:42

Sekoko mfumeli a to rumela kudhana Simeyi, a txi ta khene: Kha na ku xambanyela ngu ka Mkoma, ni txi khani: Ditshiku di u no ya ka ni dihi didhawa, ti zive, ngu ditshuri, ti to kha ditshuri u na fa kani? Se awe u ni gete tiya: “Dipswi da dinene ni nga dipfa.”

1 Samuwele 14:39

Nguko ni xambanya ngu Mkoma, a hulukisako Israyeli, ti to hambi ngako mnandu wu di ka mwanana wangu Jonatani, kha ditshuri a na fa. Se kha ku na ni wammweyo a nga xamula ka votshe vathu.

Dhewuteronome 27:26

“Dikhombo di nave ka wule a si ñolisisiko mapswi a mlayo, asi ma vekisi!” Vathu votshe va na womba va txi kha vona: “Amen!”

Mitengo 26:65

Nguko Mkoma a wombile ngu vona ti to ngu ditshuri va na fela txiwulani; se kha ka sala ni wammweyo, hahanze ka Kalebhi, mwana Jefoni, ni Joxuwa, mwana Nuni.

Genesisi 20:7

Se konkuwa, mtshumete eyo wamsikati, a txi tsula ka mwamna wakwe, nguko mwamna wakwe mprofeti: Se a na kukombelela kasi u txi hanya. Aniko nga ti u si mtshumeti, kufa u na fa awe ni votshe va kulumbako.”

Genesisi 2:9

Se Mkoma Txizimu, a to maha ti to ku txi mila totshe tixaka ta mindonga ha mafuni, ayi yi tsakisako ni ku yi wona, ni yi yi ku ni mihando yo tshamba yo dyiwa, ni mndonga wa wutomi hagari ka thembwe, ni mndonga wa ta tinene ni to biha.

Mtuletelo 20:6

Va katekile ni kusawuleka avale va manako txyavelo txa kuwuka ko khata ka vafi. Txitimwi kwawe lifo la wumbidi kha li nga ni mtamo, vona va na va vaphaxeli va Txizimu ni va Kristu, va na fuma nayo 1.000 wa malembe.

Jeremiya 26:8

Ngako Jeremiya a di gwitile kutxhumayela, totshe ti a nga rumwa ngu Mkoma kuzivisa votshe vathu, vaphaxeli ni vaprofeti ni votshe vathu, va to kha vona: Ngu ditshuri, u na kufa!

1 Samuwele 22:16

Kambe mfumeli a to khene kwakwe: Ayimeleki, kha ditshuri wu na fa, awe ni votshe va nyumba ya tate wako.

1 Samuwele 20:31

Nguko masiku otshe ale mwanana wa Jese a no hanya ha mafuni, awe khu na mbi tsana, hambi mfumo wako, ngu kumaha keto, rumela vo ya mteka a txi ta hawa konkuwa, nguko a fanelwa ngu kufa.

1 Samuwele 14:44

Sekoko Sawule a to khene: Txizimu txi na mahe toneto ni kuengetela, nguko kha ditshuri u na fa, Jonatani.

1 Vafumeli 2:37

Nguko ti na maheka ti taku, ditshiku di u no huma u tshawunyeta txinambwana txa Kedroni, ti zive, ngu ditshuri, ti to kha ditshuri u na fa; mnoha wako wu na va txitimwi ka msungo wako.”

Valamuli 3:2

Ku mahela ku tiveleko ta vanana va ka Israyeli, ngu tona ti na gonda kulwa yimbi, ngutu-ngutu tilveleko tile ti nga si yi zivi yimbi.