Genesisi 2:1 - Bhiblia Yo Sawuleka

¹ Wu gwitisile tiya mthumo wa kuvangwa ka nzuma ni mafu, ni sotshe si si nga tumbulukiswa.

Genesisi 2:1 Referans Kwoze

Masalmo 33:6

Ngu dipswi da Mkoma; ku vangilwe nzuma ni sotshe sasingi sikuho ngu moya wa txisofu txakwe.

Eksodha 31:17

Txi nava txikombiso txa kwa mbi guma, hagari kwangu ni vanana va ka Israyeli, nguko njikombiso txa kala kupinduka, mbufakazi awu wu kombako ati to Mkoma a mahile nzuma ni mafu amu ka mtxhanu wa masiku ni dimwedo, ni ti to amu ka ditshiku da wutxhanu ni mambidi a gwitile kumaha mthumo wotshe e humula.

Eksodha 20:11

Nguko ngu mtxhanu wa masiku ni dimwedo, Mkoma a vangile nzuma ni mafu, ni linene, ni sotshe asi si kuho, se a to humulela ngu ditshiku da wutxhanu ni mambidi; ngu mhaka yeto, Mkoma a katekisile ditshiku da Sabbata a txi di sawulekisa.

Genesisi 1:1

Kukhatani Txizimu txi vangile nzuma ni mafu.

Isaya 45:18

Nguko Mkoma a womba tiya, awule a nga maha tinzuma, Txizimu txi txi nga wumba mafu txi ma vanga; txona txi ma tsanisile, kha txa ma maha diphanga, aniko txi ma vangile kasi ku vathu ve zumba ka ona: Ani ngani Mkoma, kha ku na mmwani.

Isaya 42:5

A womba tiya Mkoma Txizimu, awu a nga vanga nzuma, e yi nawuluta, kambe a vangile mafu, ni sotshe si ma si humisako, a ningako kuhefemula ka vathu va va ku ka ona, ni moya, ka vale va tsimbilatsimbilako ka ona.

2 Vafumeli 19:15

A to khongela masoni ka Mkoma a txi khene: Awe Mkoma, Txizimu txa ka Israyeli, u zumbako hagari ka Makerubhima, awe upune ngawe wekha u ku Txizimu txa yotshe mifumo ya ha mafuni; awe u vangile tinzuma ni mafu.

Isaya 45:12

Ani ni vangile mafu, kambe ni vangile m'thu ka ona; ani ni m'vangile, manza angu ma nawulutile tinzuma, se ni otshe mabutho a kona ni ma ningile mlayo wangu.

Masalmo 146:6

a nga va nga tinzuma ni mafu, linene ni sotshe si si kuho ka sona, kambe a xayisako ditshuri kala kupinduka;

Zakariya 12:1

Mhaka ya dipswi da Mkoma txitimwi ka Israyeli. Mkoma wu a nawulutako nzuma, a vangako makhato a mafu, a thelako moya mndani ka m'thu, a womba tiya:

Masalmo 33:9

Nguko a to womba, se sotshe si maheka; a to ruma, se sotshe si humelela.

Nehemiya 9:6

Awe ngawe wekha u ku Mkoma, ngawe u nga maha nzuma, nzuma ya tinzuma ni dotshe dibutho da yona, mafu ni sotshe si si ku ka ona, ni minambo ni sotshe si si ku ka yona; sotshe ngawe u si hanyisako, ni dibutho da nzumani da kukhozela.

2 Makronika 2:12

Hiramu a to womba kambe a txi khene: Kukateka ku nave ka Mkoma Txizimu txa Israyeli, txi nga maha nzuma ni mafu, txi nga ninga Dhavhidha, mwanana wa wuzivi, wa wutxhari wa hombe ni kupfisisa, a na ake Nyumba ya Mkoma ni ya mfumo wakwe.

Vahebheru 4:3

Aniko, athu hi kholwako hi na wulela kuhumulani, ngako Txizimu txi nga womba txi txi kha txona: “Ni xambanyile kuhenyani kwangu ni txi khani: ‘Kha va na mbi wulela kuhumulani kwangu!’ ” Txizimu txi wombisile toneto, hambiko mithumo ya txona yi nga ti hetisekile kukhukhela kutumbunukani ka mafu.

Mithumo 4:24

Vona ngako va di engisile toneto, va to guleta mapswi awe ka Txizimu ngu mbilu yimweyo va txi kha vona: “Mkoma, ngawe u nga maha nzuma ni mafu ni linene ni sotshe si si ku ka sona;

Jeremiya 10:16

Awu i ku txiningo txa ka Jakobe kha fanani naso; nguko ngene mmahi wa silo sotshe; Israyeli lixaka la thomba yakwe, ditina dakwe Mkoma wa Mabutho a Tiyimbi.

Jeremiya 10:12

Mkoma a mahile mafu ngu mtamo wakwe, e tsanisa ditiko ngu wutxhari wakwe, ngu wuzivi wakwe a nawulutile nzuma.

Isaya 65:17

Nguko ani na vanga nzuma ya yiphya ni mafu a maphya; se kha ku na mbi alakanywa timhaka tile ti nga pinda, kambe kha si na mbi khumbulwa.

Isaya 48:13

Kambe dianza dangu di mahile mafu, ni dianza dangu da txinene di to pima nzuma; ni na si dhana si na woneka ngu mbimo yimweyo.

Dhewuteronome 4:19

Se u nga gule maso ako, u txi wona nzumani, ni ku u txi wona ditambo, mtxima, tinyeleti, sotshe siphatiphati sa nzumani, u nga thuke u txi ti bihisa ngu kukhizama masoni ka sona, u txi si khozela ni ku si thumela nzimaha si Mkoma Txizimu txako, a nga si avela ka vathu votshe va ku hahatshi ka nzuma, kasi ku si maha thomba yawe.

Genesisi 2:4

Aawa ngu ona makhato a nzuma ni mafu, mbimo yi Txizimu, txi nga si vanga; ka ditshiku dile Mkoma Txizimu a nga vanga nzuma ni mafu,

Genesisi 1:10

Se Txizimu txi to raya mtxhefa ditina daku Mafu; se msengeletano wa mati txi wu dhana ku i Linene. Se Txizimu txi to wona ti to ndinene.

Dhewuteronome 17:3

e thumela simwani sizimu, ni kukhizama masoni ka sona, masoni ka ditambo, ni ka mtxima, mwendo ka dotshe dibutho da nzumani, ati ani ni nga mbi leleta;

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Isaya 55:9

Nguko nga kule nzuma yi ku txitimwi ngutu kupinda mafu, ngu tona eto, ni tinzila tangu ti txitimwi ngutu kupinda tinzila tanu, ni mialakanyo yangu yi txitimwi ngutu kupinda mialakanyo yanu.

Jobe 12:9

I mani asi ti pimiko totshe tiya, taku dianza da Mkoma di mahile tiya,

Mithumo 7:42

Aniko Txizimu txi to va tshuralela txi va ningeta kukhozelani ka sikwata sa tiyimbi sa nzuma, nga ti ti nga bhalwa dibhukuni ka Vaprofeti, va txi khene: Anu va nyumba ya ka Israyeli, ina mi ni mahete magandelo ni timhamba txiwulani, mndani ka malembe a mune wa magumi kani?

Luka 2:13

Kunukunuko dibutho da yimbi ya nzumani di to patana ni ngelozi, ve dhumisa Txizimu, va txi kha vona:

Isaya 34:4

Se otshe mabutho a nzumani ma na guma, kambe nzuma yi na petwa nga dibhuku, ni dotshe dibutho da sa nzumani di na wa, kufana ni kuwa ka mazokoro a m'vhinya, ni ku nga kuwa ka dikuwu da mkuwu.

Masalmo 104:2

Ene wa ti fenengeta ngu liwoningo nga txyambalo a nawuluta tinzuma kufana ni m'jiyo.