Genesisi 19:8 - Bhiblia Yo Sawuleka

⁸ Engisani: Ni na ni vanana vambidi vamahorana, ava va sinziko kuotela ni vavamna; ni na mi tisela vona, kasi mi txi maha kuranda ngu vona; aniko majaha awa mi nga maheni txilo ka ona, nguko vona, va wulete mtsudini ka nyumba yangu.”

Genesisi 19:8 Referans Kwoze

Valamuli 19:24

Wonani taku ni na humisa hahanze dihorana dangu da mbiri, ni txikaba txa wamwamna wule, mahani kubiha, ni kuranda kwanu ngu vona; aniko ka wamwamna wuwa, mi nga maheni kubiha ka ku nga eto.”

Varoma 3:8

Se ngu kutxani hi si mahi to biha kasiku ti txi humelela totshura, nga tiya vamwani va hi lumbetako va txi kha vona ngathu hi ti wombako kani? Kambe evo vo ngeto, kuabaniswa kwawe ka va fanela.

Marku 9:6

Nguko ene asi ti zivi ti a nga txi womba tona, nguko va ti ni dizowa da hombe.

Isaya 58:7

Ina kambe khu abani sakudya sako ni wule a ku ni nzala, ni kuamukela m'tini kwako sisiwana sile si nga tovelwa kani? Ni ti to u txi mu wona i di tximbwiri u mfengeta, kambe khu sisaleli wule i ku wa ka kwanu kani?

Valamuli 9:15

Se txikaye txi to womba ka mindonga yotshe txi txi kha txona: Ngako ngu ditshuri mi txi ni tota mafura kasi ku ni txi fuma txitimwi kwanu, ngonani mi ta sisala mtsundini kwangu. Ngako i si nga tona, wu na hume mndilo ngu ka txikaye, wu txi ta hisa mikedhari ya Libhanoni!

Eksodha 32:22

Sekoko Aroni a to khene: U nga henye awe nyamne wangu; awe wa tiziva ti to vathu vava va bihile ngutu;

Genesisi 42:37

Aniko Rubheni a to gela tate wakwe ku khene: “Daya vanana vangu vavambidi, ngako ni si ku wuyiseli kambe Bhenjamini; mningele manzani kwangu, ni na wuya nayo!”

Genesisi 18:5

Ngako mi nga pinda ngu hawa ka txithumi txanu, ani ni na khata ngu ku mi tisela txikhwemu txa dipawu, kasi mi nata malata mnyoka, se ngu msana mi txi longoloka ni dipfhumba danu.” Vona va to kha vona: “Maha tona eto u ti wombako.”

Genesisi 19:7

a txi va gela ku khene: “Na mi kombela, vanathu, mi nga maheni kubiha ko ngeto!

Valamuli 19:23

Se wamwamna wule wa nyamne wa nyumba a to va hingeta, a txi va gela ku kha ene: “Ahim-him vanathu! Na mi kombela, mi nga maheni kubiha ka ku nga eto; nguko m'thu wuwa ku a nga wulela nyumbani kwangu, mi nga maheni kubiha ka ku nga eto.

Mavingu 9:7

Awule a kawukako mtseketseli, wa ti ndindela kuvengelwa; ni wule a solako muonhi wa amukela kusoleka kwakwe.