Genesisi 19:5 - Bhiblia Yo Sawuleka

⁵ Se va to dhana Loti, va txi kha vona: “Va hani vathu vava va nga wulela m'tini kwako wusiku wuwa kani? Va tise kwathu hi lava kuotela navo.”

Genesisi 19:5 Referans Kwoze

Valamuli 19:22

Nga ti va di ha kutsakani timbiluni kwawe, wona taku ku to humelela migewu ya didhoropani (vavamna va i nga ti ti vanana va Bheliyali), yi randela nyumba, yi txi peketela ditimba; yi txi womba ka txikosana txile txa nyamne wa nyumba, yi txi kha yona: “Humisa hahanze m'thuyo a nga wulela nyumbanimo kwako, kasiku hi ta m'ziva.”

Judha 1:7

Kufana ni toneto, Sodhoma ni Gomora, ni mamwani madhoropa a hafuhi, ngu mhaka ya kutiningetetela ka wugelegele, ni ka mithumo ya wugango wo hambana ni ntumbuluko, madhoropeyo ma mahilwe txialakanyiso masoni ka votshe vathu, me ningelwa kutsayiswani ka mndilo wo mbi guma.

Isaya 3:9

Tikhohe tawe ta va kona; va andisa sionho sawe, kufana ni Sodhoma; kha va si baramisi. Dikhombo ka mihefemulo yawe! Nguko vo ti mahela kubiha vona vapune.

Levhi 18:22

Ni wuhi wamwamna a nga thuke a txi otela ni mwamna kulowe, a txi mmha wamsikati, i mhaka yo yila!

1 Timoti 1:10

vamahi va ta nzambwa, vavamna va kumaha to biha ni vamna kulowe, vaxavisi va tikhumbi, vawombi va makuhu, vaxambanyi va makuhu, ni votshe va va mahako totshe ti ti hambanako ni gondo yo hanyisa ya ditshuri,

1 Vakorinto 6:9

Ina kha mi tizivi ti to sidambu kha si na mbi dya thomba ya mfumo wa Txizimu kani? Mi nga ti kanganyiseni. Sindakamilayo, ni vakhozeli va sizimu sa walo, vagelezi,

Ezekhiyele 16:51

Hambi Samariya kha maha hafu ya sionho sako; u andisile ngutu manyala ako kupinda vona, se u emete vananu, ngu otshe manyala ale u nga ma maha.

2 Timoti 3:13

Kasi vathu va tshofu ni vaxengeteli, vona va na ya masoni ngu kumaha wubihi, va txi kanganyisa vamwani ni ku ti kanganyisa vapune.

Ezekhiyele 16:49

Wubihi wa mwananu Sodhoma ngu wuwa: Kutikulisa, kulondola sakudya, wukara wakwe ni vanana vakwe vamahorana; aniko kha zivi kuthumisa manza a txisiwana ni awule wo pwata so maha.

Jeremiya 6:15

Ina va pfite tingana ngako va di mahile manyala kani? Kota, kha va pfa tingana. Kambe kha va zivi ku wa tingana. Ngu konaho, va na wa kumweko ni vamwani; va na wa ngu mbimo yi ni va tsayisako, kuwomba Mkoma.

Jeremiya 3:3

Ngu konaho, tinzuma ti tsimbisetwe, sekoko nzuma yo khata kha yana; aniko mbanza yako i ti ya digelegele, ti taku u si tumeli kupfa tingana.

Isaya 1:9

I ti ku Mkoma wa Mabutho a Tiyimbi a sa hi siyela miboti, hi ndi na nga Sodhoma, di fana ni Gomora.

Levhi 20:13

Ngako wamwamna wokari a txi otela ni mwamna kulowe, ngu wumbidi wawe va mahile to biha; ngu ditshuri va na dawa. Mnoha wawe wu na wela txitimwi kwawe.

2 Pedro 2:2

Vathu vavangi va na londeta tigondo tawe ta manyala, se ngu mhaka yawe, nzila ya ditshuri yi na nyetwa.

2 Pedro 2:7

kambe Txizimu txi ponisile Loti, i nga ti m'thu wo lulama, awu a nga txi xaniseka ngu mhaka ya wubihi wa vathu vale vo xanga.

Genesisi 19:6

Sekoko Loti a to huma hahanze, e seka ditimba ngu msana kwakwe

Dhewuteronome 23:17

Kha ku na mbi va ni wugango hagari ka mahorana a ka Israyeli; hambi ku va ni Vasidhoni, hagari ka vanana va ka Israyeli.

1 Vafumeli 14:24

Kambe ku di ni vafana vo onhetela ha mafuni; va to hanya ngu nzila ya wubihi wa matiko ale Mkoma a nga ti ma tutumisile masoni ka vanana va ka Israyeli.

1 Vafumeli 22:46

Kasi ngu kutala ka mithumo ya Josafati, ni mtamo wule a nga wu kombekisa, ni tile a nga lwisa tona, ina mwendo kha ta bhalwa ka Dibhuku da Matimu a Vafumeli va ka Judha kani?

Ezekhiyele 16:50

Kambe va ti kulisile ve mahetela ta manyala masoni kwangu; ngu kumaha keto ni va thavisile hale, mbimo yile ni nga ti wona eto.