Genesisi 19:3 - Bhiblia Yo Sawuleka

³ Loti a to ti khongotela ngutu tiza ti txi tumela kuwulela nyumbani kwakwe. A to ti lulamisela sakudya, e bhika mapawu o mbi na mtshumbelo, se tona ti dya.

Genesisi 19:3 Referans Kwoze

1 Samuwele 28:24

Se wamsikati a ti ni dirole do nona m'tini kwakwe, a to kuluveta e di daya, e teka mpupu e wu vhuva e bhika simbwanda sa kwa mbi tshumbelwa.

Valamuli 6:19

Se Gidhiyoni a to huma a txi ya lulamisa phongo, ni mpimo wa efa wa mpupu, a to maha mapawu o mbi tshumbelwa. E veka nyama amu ka thavangu, e thela mro amu ka khadi, a txi si tisa sotshe hahatshi ka mkusu, e ta si ningela ka ngelozi, ayi yi nga ti mrinzete.

Vahebheru 13:2

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

1 Vakorinto 5:8

Ngu konaho, he maheni m'buso, i si nga ngu mtshumbelo wa kale, i si nga ngu mtshumbelo wa tshofu ni wa wubihi, aniko he dyeni Pasika ya mapawu o mbi na mtshumbelo, a wunene ni a ditshuri.

Eksodha 12:39

Va to bhika mapawu o mbi tshumbelwa, a fulaho yi va nga teka ditikoni ka Egipta, nguko mpupu wo vhuwa wu ti sa tshumbelwa: Ngu mhaka ya ku va nga huma ngu kututumiswa ngu Vaegipta mu ditikoni kwawe, kambe kha va sikota kuema ku txi lulamiswa timbuva to dya ni nzila.

2 Vakorinto 5:14

Lirando la Kristu la hi kurumeta, ngako hi txi pimisa ti to m'thu wammweyo a fete votshe, se ti di ngeto, votshe va fite.

Johani 12:2

Va to mmahela txilalelo koneyo. Marta a ti ti va thumela, se Lazaro i ti mmweyo wa vale va nga ti nayo ha sakudyani.

Luka 14:23

Se nyamne wa m'ti a txi khene ka txithumi: ‘Tsula tinzilani ni tibhiyoni, u txi kurumeta vathu kuwulela, nyumba yangu yi za yi tala.

Luka 11:8

“Na mi gela ku khani, hambi a txi lamba kuwuka, a ta mu ha mapawu ngu kuva i di mndoni wakwe, a na za a txi wuka ngu mhaka ya kusimamisa kwakwe, a txi mu ha si asi lavako.”

Luka 5:29

Se Levhi a to mmahela m'buso wa hombe nyumbani kwakwe; kambe ku ti ni dibutho da hombe da vakhupisi ni vamwani va nga ti navo ha mezani.

2 Vafumeli 4:8

Ku to maheka ati to dimwani ditshiku Elixa a txi ya Sunemi, a to wona wamsikati wokari wo mana, awule a nga m'zumbisa ni ku mninga dipawu; ku to maheka ati to yotshe mbimo a txi tolovela kupinda edya kona.

Eksodha 12:15

Mndani ka mtxhanu wa masiku ni mambidi mi na dya mapawu o mbi tshumbelwa, kukhukhela ka ditshiku do khata kala ka ditshiku da mtxhani ni mambidi, mi na thavisa mtshumbelo tinyumbani kwanu, nguko awule a no dya dipawu do tshumbelwa a na wilwa hagari ka va ka Israyeli.

Genesisi 21:8

Se mwanana a to kula, e lekiswa kumama; sekoko Abrahamu a to maha m'buso wa hombe, ka ditshiku di Isaake a nga lekiswa kumama.

Genesisi 19:2

a txi khene ka tona: “Anu vanyamne vangu, na mi kombela mi wulela nyumbani kwangu, ani txithumi txanu, mi na samba mikondo, mi txi otela wusiku wa nyamsi, ni mixo mi na teka kambe nzila yanu.” Aniko vona va xamute va txi kha vona: “Ahim-him, athu hi na otela hahanze.”

Genesisi 24:31

A txi ya m'gela ku khene: “Wulela awe u nga katekiswa ngu Mkoma. U zumbela txani hahanzeho kani? Ni ku lulamisete nyumba ni wukhalo wa makamelu.”

Genesisi 26:30

Sekoko Isaake a to va lulamisela m'buso, se vona ve dya, ve sela.