Genesisi 19:29 - Bhiblia Yo Sawuleka

²⁹ Ngu toneto, mbimo yi Txizimu txi nga haxula madhoropa ale a libalani, txi to alakanya Abrahamu, se txi hulukisa Loti ka kuhaxulwa ka madhoropa awa Loti, a nga ti akile ka ona.

Genesisi 19:29 Referans Kwoze

Dhewuteronome 9:5

Hi nga ngu mhaka ya kululama kwako, kambe hi nga ngu mhaka ya wunene wa mbilu yako, aku u ngaza u wulela, u teka ditiko dawe, aniko Mkoma a tutumisa matiko awa masoni kwako, ngu mhaka ya kubiha ka ona; ni ti to a maha tiya, kasi kutsanisa dipswi di ene a nga xambanya ka vatate vako, Abrahamu, Isaake, ni Jakobe.

Genesisi 8:1

Se Txizimu txi to alakanya Nowa ni sotshe sihari sa txitinga ni sotshe sifuyo si a nga ti naso ngalavani; Txizimu txi to maha diphuho di txi futeta txitimwi ka ditiko, se mati ma to khata kuphwa.

Masalmo 25:7

U nga alakanyele sionho sa wujaha wangu, hambi ni sihambunyeto sangu; aniko ni alakanye, Mkoma, ngu konaho ka wunene wako, ni wumbilu wako.

2 Pedro 2:7

kambe Txizimu txi ponisile Loti, i nga ti m'thu wo lulama, awu a nga txi xaniseka ngu mhaka ya wubihi wa vathu vale vo xanga.

Hoseya 11:8

Ni ndi na kulekisa kutxani, awe Efrayime kani? Ni ndi na kuningelisa kutxani, awe Israyeli kani? Ni ndi na kumahisa kutxani ku nga Adhama kani? Ina ni ndi na kuveka ku nga Zebhoyimi kani? Mbilu yangu yi txitxile mndani kwangu, kotshe kunavela kwangu ka tura.

Masalmo 145:20

Mkoma wa va xayisa votshe vale va mrandako; aniko va na fuviswa votshe vaonhi.

Masalmo 136:23

A nga alakanya kuxaniswa kwathu; nguko lirando lakwe nda kala kupinduka!

Masalmo 106:4

Ni alakanye, Mkoma, ngu lirando li u ku nalo ka vathu vako. Ngono u ta ni hanyisa,

Masalmo 105:42

Txizimu txi to alakanya mapswi a txona o sawuleka, awa txi nga xambanya ka Abrahamu msawulwa wa txona.

Nehemiya 13:22

Ni to gela Valevhi kuva txi ti sawulekisa, niku ve ta wonelela sike, kasi kusawulekisa ditshiku da Sabbata. (Ka tona eto kambe, awe Txizimu txangu, ni alakanye, u ni divalela ngu wunene wako wawungi.)

Nehemiya 13:14

(Ngu mhaka ya tiya, awe Txizimu txangu, ni alakanye, u nga pfhite mithumo ya lirando yi ni nga yi maha Nyumbani ka Txizimu ni ka vawoneleli va yona.)

Genesisi 30:22

Txizimu txi to alakanya Rakeli, txi mu engisile, txi mninga fanelo yo veleka vanana.

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Masalmo 105:8

Mkoma wa alakanya yotshe mbimo txitumelelano txi a nga tximaha, txitumelelano txi a nga xambanya ku txi veketa ka tiveleko ta magumi a mazana.

Genesisi 11:27

Ngu liya liveleko la Tera. Tera a to veleka Abramu, ni Nahori, ni Harani. Harani a to veleka Loti.

Dhewuteronome 7:8

Mkoma a maha tiya nguko wa mi randa, kambe a lava kutsanisa txithembiso txakwe, txi ene a nga va a di xambanyile ka vatate vanu, Mkoma a mi humisile ngu dianza dakwe da mtamo, kambe a mi tirute nyumbani ka wukhumbi, manzani ka Faro, mfumeli wa Egipta.

Dhewuteronome 9:27

Alakanya sithumi sako, Abrahamu, Isaake ni Jakobe; u nga wone kubanga ka timbilu ta vathu vava, hambi wubihi wawe, ni txionho txawe.

Ezekhiyele 14:16

hambi i di ku ngako vavamnevo vavararu va di nga diho hagari ka dona, na hanya ani, kuwomba Mkoma Txizimu, kha va na mbi hulukisa vanana vawe va majaha ni vamahorana; va ndi na huluka vona dwe, se ditiko di na xaselwa.

Jobe 35:8

Wubihi wako wa maha ta walo ka mmwani m'thu; ni kululama kwako ka vhuna mwanana wa mkwanu.