Genesisi 19:28 - Bhiblia Yo Sawuleka

²⁸ Se a to wona Sodhoma ni Gomora ni lotshe libala, a txi wona wutshi wu txi tuvika wu txi guleka ngu ha mafuni, nga wutshi wa txikho txa hombe.

Genesisi 19:28 Referans Kwoze

Mtuletelo 18:9

Se vafumeli va mafu, va nga txi geleza nayo awule wamsikati ve ti tsakisa kumweko nayo, va na dila, ve peka tikhana, mbimo yi va no wona wutshi wa kuhiswa kwakwe.

Mtuletelo 9:2

se yona yi to tula txisofu txa diphala do hokoma, se konaho ku to tuvika wutshi, wo fana ni mdhikila wa hombe wa mndilo, ahawa koza ditambo ni ndengelenga si phumaliswa ngu mhaka ya wutshi wu humako ngu txisofuni ka diphala.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Mtuletelo 18:18

Se ngu kuwona wutshi wa kuhya kwakwe, va ti kwangula, va txi kha vona: “Ngu dihi didhoropa di di fananiswako ni Didhoropa da Hombe kani?”

Judha 1:7

Kufana ni toneto, Sodhoma ni Gomora, ni mamwani madhoropa a hafuhi, ngu mhaka ya kutiningetetela ka wugelegele, ni ka mithumo ya wugango wo hambana ni ntumbuluko, madhoropeyo ma mahilwe txialakanyiso masoni ka votshe vathu, me ningelwa kutsayiswani ka mndilo wo mbi guma.

Mtuletelo 19:3

Ve engeta va txi kha vona: “Haleluya!” Ngu ka dona digelegele diya wutshi wu na tuvika ngu hawa ku si gumiko.

2 Pedro 2:7

kambe Txizimu txi ponisile Loti, i nga ti m'thu wo lulama, awu a nga txi xaniseka ngu mhaka ya wubihi wa vathu vale vo xanga.

Masalmo 107:34

wa hindula mafu o nona ma txi maha o savala, ngu mhaka ya wubihi wa vaaki va kona;

Eksodha 19:18

Mmango wotshe wa Sinayi wu to tuvika, nguko Mkoma a ti relete e maneka txitimwi ka wona, ngu hagari ka mdhikila wa mndilo. Wutshi wu wu nga ti tuvika wu txi guleka, i ti ku nga wa dibivi se mmango wotshe wu to dekadeka ngu mtamo.

Malakiya 3:2

Kambe i mani a no tsanisela ka ditshiku da kuta kwakwe kani? Ni ku i mani a no simama a diho, ngako ene a txi ta kani? Nguko ene a na nga mndilo wa mnyivilikisi, ni ku nga sephu ya vakuwuli.