Genesisi 19:24 - Bhiblia Yo Sawuleka

²⁴ Sekoko Mkoma a to wisa txivavula ni mndilo txitimwi ka didhoropa da Sodhoma ni da Gomora, si txi ta ngu nzumani, ka Mkoma Txizimu.

Genesisi 19:24 Referans Kwoze

Dhewuteronome 29:23

se dotshe ditiko di hyite ngu txivavula ni mnyu, kha di na mbiswa di txi phawa txilo, kha di na mbiswa di txi mila txilo, hambi ni mwasi kha wu na mbiswa wu txi mila, ku nga kuloviswa ka Sodhoma ni Gomora, Adhimi ni Zebhoyimi, madhoropa ale Mkoma a nga ma lovisa ngu kuhenya kwakwe ni txiviti txakwe;”

Isaya 13:19

Se Bhabhilona, ditiko do tshura, kupinda matiko otshe, adi Vakaldheya va ti dhumisako ngu dona, di na fana ni Sodhoma ni Gomora, mbimo yi Txizimu txi nga ma haxula.

Judha 1:7

Kufana ni toneto, Sodhoma ni Gomora, ni mamwani madhoropa a hafuhi, ngu mhaka ya kutiningetetela ka wugelegele, ni ka mithumo ya wugango wo hambana ni ntumbuluko, madhoropeyo ma mahilwe txialakanyiso masoni ka votshe vathu, me ningelwa kutsayiswani ka mndilo wo mbi guma.

2 Pedro 2:6

Se, txona Txizimu txi abanisile ti to ma na hiswe madhoropa a Sodhoma ni Gomora, ma txi hinduka me maha dikhuma, na txi txi dinganisa ati ti nga ti fanete kumaheka ka vale va si laviko kuhanyela Txizimu;

Amosi 4:11

Vamwani kwanu ni va fuvisile ku nga Txizimu txi nga fuvisa Sodhoma ni Gomora, mi sate ku nga likhuni lo thaviswa ka wuhya: Hambi keto mi ka hunduluka kwangu, kuwombile Mkoma.

Jeremiya 50:40

Nga mbimo yile Txizimu txi nga lovisa Sodhoma ni Gomora ni vaakelani vakwe, kuwomba Mkoma; nga toneto ni wammweyo kha na mbi aka koneyo, hambi ni mwanana wa m'thu kha na mbi zumba.

Zefaniya 2:9

Ngu toneto, ni xambanya ngu kuhanya kwangu, kuwomba Mkoma wa Mabutho a Tiyimbi, Txizimu txa Israyeli, ngu ditshuri Mowabhi a na nga Sodhoma, se vanana va Amoni va na nga Gomora, kumaha ditiko da mindonga ya mipa, ni sisima sa mnyu, di na fuviselwa magwito, miboti ya vathu vangu yi na va handa, se miboti ya vathu vangu yi na va khozisa.

Sidilo 4:6

Nguko wubihi wa vathu va ka kwathu, mbwa hombe kupinda wa Sodhoma, i ku m'ti wu wu nga mwalatwa ngu mbimwanyana, i si nga ngu diwoko da m'thu aniko da Txizimu.

Jeremiya 20:16

Se m'thuyo a na fana ni madhoropa aawa Mkoma a nga ma hasamula, na asi ti layi. Kambe ene a napfe tihuwa ni mixo, ni huwa ngu mbimo ya mitshikari.

Jobe 18:15

Ditendani kwakwe a na ya zumba wule i nga ti si nga ene; ku na xwayelwa txivavula txitimwi ka nyumba yakwe.

Hoseya 11:8

Ni ndi na kulekisa kutxani, awe Efrayime kani? Ni ndi na kuningelisa kutxani, awe Israyeli kani? Ni ndi na kumahisa kutxani ku nga Adhama kani? Ina ni ndi na kuveka ku nga Zebhoyimi kani? Mbilu yangu yi txitxile mndani kwangu, kotshe kunavela kwangu ka tura.

Jeremiya 49:18

Ku na nga kukhundumuswa ka Sodhoma ni Gomora, ni ka vaakelani vakwe, kuwomba Mkoma: Kha ku na mbi zumba m'thu eho, hambi ku mwanana wa m'thu e aka kona.

Isaya 1:9

I ti ku Mkoma wa Mabutho a Tiyimbi a sa hi siyela miboti, hi ndi na nga Sodhoma, di fana ni Gomora.

Masalmo 11:6

Mkoma a na wisa txitimwi ka vabihi makala o tura, mndilo ni txivavula, a na wuyisa diphuho do hisa. Ngu txona txyavelo txi txi va lumbako.

Luka 10:12

Na mi gela ku khani ka Ditshiku dileya da kulamulwa, Sodhoma a nata hehukiselwa kupinda didhoropa donedo.”

Mtuletelo 14:10

eyo nene a na sela vhinya ya kuhenya ka Txizimu, yo mbi timulwa ayi yi nga thelwa mu ka digombe da kuhenya ka txona; a na xaniswa ngu mndilo ni txivavula, masoni ka tingelozi to sawuleka, ni masoni ka Txinvutana.

Genesisi 13:10

Loti a to gula maso e wona lotshe libala la Jordhani, lotshe li ti ni mati amangi, na Mkoma asanzi kuhaxula Sodhoma ni Gomora, ku ti fana ni thembwe ya Mkoma, kufana ni ditiko da Egipta di gwitelako Zowari.

Genesisi 13:12

Abramu a to aka ditikoni ka Kanana, se Loti a txi aka ka madhoropa ale ma nga ti hafuhi ni mnambo wa Jordhani, e tshuketisela matenda akwe, kala kuya hoka Sodhoma.

Genesisi 18:17

Se Mkoma a to khene: “Ina ni nga sisela Abrahamu ati ni lavako ku ti maha, kani?

Genesisi 19:23

Mbimo yi ditambo di nga ti guleka txitimwi ka mafu, Loti a to wulela Zowari.

Eksodha 9:23

Mosi a to gwimba ndonga yakwe a txi yi komba txitimwi. Mkoma a to ruma singwalangwanda ni mati a maralala, ku to relela mndilo ha mafuni. Txizimu txi to maha ti to ma txi wa mati a maralala ha ditikoni kotshe ka Egipta.

Jobe 1:16

A txi ngadi e xawutela, ku to bwaka mmwani mtumi, a txi ta khene: Kuwite mndilo wa Txizimu ngu nzumani, wu hisile tinvuta ni vafana, ve tshokoma; ngani nokha ni nga huluka, kuva ni kutisela mahungu.

Isaya 30:33

Nguko txikho txi lulamisilwe kukhukhela nyamnova, ina, kululamisetwe mfumeli; ene a lulamisile ngu kutshimisa ni kuanamisa; mtamo wakwe mndilo, kambe wu ku ni tikhuni to tala; kufuteta ka Mkoma ko fana ni ka mnambo wa txivavula, ku na txi dhivela.

Dhewuteronome 28:24

Mkoma a na leka kunisa mati, ditikoni kwako, a txi nisa dikhuma ni lithulu, asi si no kuwela, si txi ta ngu nzumani, kala kuza u txi lova.

Dhewuteronome 29:22

Liveleko li li no maneka, i ku situkulwana sanu si si nota ngu msana kwanu, ni valuveli vale va nota ngu matikoni ka kule, ngako va txi ta wona makhombo a dona ditiko diya, ni mitungu yi Mkoma a no xanisa ngu yona ditiko;

Jeremiya 23:14

Aniko ngu ka vaprofeti va Jerusalema ni woni silo so thisa ngutu: Vona va maha wugango, ve hemba makuhu; ve tsanisa mawoko a vamahi va kubiha, kasi ku si hunduluki ni wammweyo amu ka wubihi wakwe; kwangu, va fana ni Sodhoma, vaaki va Jerusalema va fana ni Gomora.