Genesisi 19:21 - Bhiblia Yo Sawuleka

²¹ Ene a xamute, a txi khene: “Ni na ku mahela kambe adiya dikato, kha ni na mbi haxula didhoropa di u di wombako.

Genesisi 19:21 Referans Kwoze

Masalmo 145:19

Ene a na maha kunavela ka vale va m'thavako; a na engisa kudila kwawe, kambe a va hanyisa.

Masalmo 102:17

ene a na engisa mkombelo wa txikulungu kha na mbi tsukula mikombelo ya txona.

Masalmo 34:15

Maso a Mkoma ma wonetela vo lulama ni tinzeve takwe ti engisela huwa yawe.

Vahebheru 2:17

Ngu toneto, ti ti fanete ku e fananiswa ka totshe ni vanawe, kasiku, masoni ka Txizimu e va mphaxeli wa hombe, wa kutala ngu wumbilu ni kuthembeka, ti to e sikota kudihela sionho sa vathu.

Luka 11:8

“Na mi gela ku khani, hambi a txi lamba kuwuka, a ta mu ha mapawu ngu kuva i di mndoni wakwe, a na za a txi wuka ngu mhaka ya kusimamisa kwakwe, a txi mu ha si asi lavako.”

Matewu 12:20

Litshava li li nga thidyaka, kha na mbi li funya. Kha na mbi tima ngoti ya dilambu, ayi yi tuvikako, kala e ninga mtamo wa kuxula ka wululami.

Genesisi 18:24

Idiku vo maneka mu didhoropani mtxhanu wa magumi a vathu vo lulama. Ina u nga lovisa dotshe didhoropa, u txi lamba kudivalela ngu mhaka ya valulami va mtxhanu wa magumi kani?

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Genesisi 4:7

Ina ngako u txi maha ta tinene, khu na mbi u amukelwa kani? Se ngako u txi maha to biha, txionho txi na ku baramela ha txikeni, txi txi lava ku ku pfinya, aniko awe wa sikota ku txi xula.”

Jeremiya 14:10

Mkoma a womba ngu ditiko diya, a txi khene: Va dhunda kupeperukela nga tiya, kha va ti ñola kutsimbilani kwawe; ngukonaho, Mkoma kha tsakiswi ngu vona; se a na alakanya wubihi wawe, e tsayisa sionho sawe.

Genesisi 19:20

Ku ni diya didhoropa, di ku hafuhi ngutu, adi i ku da didotho, adi ani ni sikotako kuthavela ka dona. Ni tumelele ni thavela ka dona. Ina kasi dona hi nga didotho kani? Ani ni na ya ponela ka dona!”

Genesisi 19:22

Kuluveta u txi thavela koneyo, nguko kha ni sikoti kumaha txilo u sanzi kuhoka koneyo.” Ngu mhaka ya toneto didhoropedo di nga ningwa ditina di do i Zowari.

1 Samuwele 25:35

Sekoko Dhavhidha a to amukela ngu dianza dakwe sile a nga ta naso, a txi khene kwakwe: Tsula ngu kudikha m'tini kwako; wona taku ni pfite dipswi dako, na kona ni engisile txikombelo txako.

Eksodha 33:17

Sekoko Mkoma a to khene ka Mosi: “Ni na maha ati u ni kombelako, nguko u mani dithomo masoni kwangu, ni kambe na kuziva ngu ditina dako.”