Genesisi 19:20 - Bhiblia Yo Sawuleka

²⁰ Ku ni diya didhoropa, di ku hafuhi ngutu, adi i ku da didotho, adi ani ni sikotako kuthavela ka dona. Ni tumelele ni thavela ka dona. Ina kasi dona hi nga didotho kani? Ani ni na ya ponela ka dona!”

Genesisi 19:20 Referans Kwoze

Masalmo 119:175

Nihe wutomi, kasiku ni sikota ku kudhumisa, mithetho yako yi na ni vhune.

Amosi 3:6

Ina ku nga pekwa mpundu didhoropani vathu va si dhudhumeli ngu kuthava kani? Ina ku nga humelela wubihi didhoropani, na wu sa mahwa ngu Mkoma kani?

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Genesisi 19:30

Loti a to khukha Zowari eya aka mmangoni kumweko ni vanana vakwe va vambidi, vamahorana, nguko kha tsana kuzumba Zowari, se ene a to ya zumba phakoni ni vanana vakwe vamahorana.

Genesisi 12:13

Na ku kombela, u ndiyangu kasi ku ni txi mana kuamukelwa ngu nzila ya yinene, ni kumana kambe kulekwa ni hanya, ngu mhaka yako.

Genesisi 19:19

Txithumi txako txi mani dithomo masoni kwako, kambe u kombisile wumbilu wako wa hombe kwangu, ani txithumi txako, ngu kuhulukisa wutomi wangu. Aniko kha ni sikoti kututumela mmangoni, ni nga welwa ngu dikhombo diya, ni txi fa.

Genesisi 19:21

Ene a xamute, a txi khene: “Ni na ku mahela kambe adiya dikato, kha ni na mbi haxula didhoropa di u di wombako.

Jeremiya 38:20

Jeremiya a to khene: Kha va na mbi kuningela; hi nga engisa dipswi da Mkoma, adi ni ku gelako dona; u na zumbiseka u hanya.