Genesisi 19:19 - Bhiblia Yo Sawuleka

¹⁹ Txithumi txako txi mani dithomo masoni kwako, kambe u kombisile wumbilu wako wa hombe kwangu, ani txithumi txako, ngu kuhulukisa wutomi wangu. Aniko kha ni sikoti kututumela mmangoni, ni nga welwa ngu dikhombo diya, ni txi fa.

Genesisi 19:19 Referans Kwoze

1 Vafumeli 9:9

Se va na kha vona: Nguko va nga leka Mkoma, Txizimu txawe, txi txi nga humisa vatate vawe ditikoni ka Egipta, se ve ti gwatamisa ni sizimu sa walo, se va txi nama msoni ka sona, ni ku si thumela; ngu mhaka yeto, Mkoma a tisile txitimwi kwawe kotshe kubiha kuwa.

1 Samuwele 27:1

Kambe Dhavhidha a to khene mbiluni kwakwe: Dimwani ditshiku ni na dawa ngu Sawule; kha ku nata tshuko kwangu kupinda ku ni huluka ni kuluveta ni tsula ditikoni ka Vafilista; kasiku Sawule a txi leka ku ni xota ka yotshe mihingano ya Israyeli; ngu kumaha keto ni na huluka ka dianza dakwe.

Dhewuteronome 31:17

Ka ditshiku donedo, ni na henya ngutu, ni txi va tsukula, ni txi va sisela khohe yangu. Se vona va na loviswa, makhombo amangi ni masingita ma na va thapela. Se ka donedo ditshiku, va na womba va txi kha vona: “Akuwa makhombo awa ma welako txitimwi kwathu, ina hi nga ti to Txizimu txathu kha txi swi txi diho hagari kwathu, kani?”

Genesisi 12:13

Na ku kombela, u ndiyangu kasi ku ni txi mana kuamukelwa ngu nzila ya yinene, ni kumana kambe kulekwa ni hanya, ngu mhaka yako.

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Marku 9:19

Jesu a to xamula a txi khene: “Anu, liveleko la kwa mbi kholwa, ni na va ni nanu kala mbimo muni? Ni na timisela ngu nganu kala txikhati muni kani? Mu neheni kwangu.”

Luka 1:58

Vaakelani vakwe ni maxaka, ngako va di ti zivile ti to Mkoma a kombisile wumbilu wakwe kwakwe, va to tsaka nayo.

Genesisi 6:8

Aniko Nowa a mani kukateka masoni ka Mkoma Txizimu.

Genesisi 19:18

Loti a to xamula, a txi khene: “Ahim-him, Mkoma, ani na ku kombela!

Genesisi 19:20

Ku ni diya didhoropa, di ku hafuhi ngutu, adi i ku da didotho, adi ani ni sikotako kuthavela ka dona. Ni tumelele ni thavela ka dona. Ina kasi dona hi nga didotho kani? Ani ni na ya ponela ka dona!”

Genesisi 19:30

Loti a to khukha Zowari eya aka mmangoni kumweko ni vanana vakwe va vambidi, vamahorana, nguko kha tsana kuzumba Zowari, se ene a to ya zumba phakoni ni vanana vakwe vamahorana.

Genesisi 39:4

Josefa a to mana kusizeka masoni ka Potifari, se e mahwa txithumi txa kuthumela ene. Potifari a mmahile mthangeli wa nyumba yakwe, ni wa sotshe si si nga ti mlumba.