Genesisi 19:16 - Bhiblia Yo Sawuleka

¹⁶ Ngako a nga ti ti kana-kana, vavamna vale va to mñola ngu diwoko, kumweko ni msikati wakwe, ni vanana vakwe vavambidi vamahorana, nguko Mkoma a ti ni wumbilu ngu vona. Vona va to mu humisa veya m'veka hahanze ka didhoropa.

Genesisi 19:16 Referans Kwoze

2 Pedro 2:9

Atiya ti womba ti to Mkoma wa sikota kuponisa vathu va wukhongeli ni kuveketa ava vo biha kasi ve ta tsayiswa ngu ditshiku do lamulwa;

Titosi 3:5

i si nga ngu mhaka ya mithumo yathu ya yinene hi nga yi maha, aniko ngu mhaka ya wumbilu wa txona hi sambisilwe hi phindulwa hi txi maha vavaphya ngu mtamo wa Moya wo Sawuleka,

2 Vakorinto 1:3

Txi na dhumiswe Txizimu, Tate wa Mkoma wathu Jesu Kristu, Tate wa wumbilu, Txizimu txa kotshe kuthavelela,

Johani 6:44

A walo wu a sikotako kuta kwangu, ngako a sa dhanwa ngu Tate wu a nga ni ruma; se ani ni na mu wusa ka ditshiku da magwito.

Luka 18:13

Aniko mkhupisi, a di emile ngu kule, a ti si tsani ni kugula maso e wona nzumani, aniko a txi ti peka khana a txi khene: ‘Txizimu txangu, telwa ngu wumbilu ni nani, ni ku muonhi.’ ”

Sidilo 3:22

Wumbilu wa Mkoma, ngu wona wu mahako ti to hi si fuviswi; nguko wumbilu wakwe kha wu na magwito.

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Masalmo 136:1

Dhumisani Mkoma nguko ene mnene; nguko lirando lakwe nda kala kupinduka!

Masalmo 119:60

Ni kuluvetile, kha na swela kuvekisa sirumo sako.

Masalmo 118:1

Bongani Mkoma nguko ene mbwa mnene, nguko lirando lakwe la simama kala kupinduka.

Masalmo 111:4

Mkoma kha hi leki hi divala sidiwukiso sakwe; ene a tate ngu wunene ni wumbilu;

Masalmo 107:1

Bongani Mkoma, nguko ene mnene, nguko wunene wakwe mbwa yotshe mbimo.

Masalmo 106:8

Aniko Txizimu txi va hanyisile, kasi kudhumisa ditina da txona ni kumaha ti to wu txi ziwa mtamo wa txona.

Masalmo 106:1

Dhumisani Mkoma! Bongani Mkoma, nguko ene mbwa mnene, nguko lirando lakwe kha li nga ni magwito.

Masalmo 103:13

Mkoma mbwa kuthutha ka vale va m'thavako kufana ni tate wo thutha ka vanana vakwe.

Masalmo 86:15

Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.

Masalmo 86:5

Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

Masalmo 34:12

Ngu wuhi m'thu wu asi randiko wutomi kani? Awule asi dhundiko kuhanya ngu mbimo yayingi kani?

1 Makronika 16:34

Dhumisani Mkoma, nguko mbwa mnene: Ni lirando lakwe li zumba ngu ha ku si gwitiko.

Dhewuteronome 4:31

Nguko Mkoma, Txizimu txako, Njizimu txa wumbilu, kha na mbi mi leka, kambe kha na mbi mi lovisa, nguko kha na mbi divala txitumelelano txi ene a nga xambanyelana ni vatate vanu.

Mitengo 14:18

“Mkoma wa timisela kambe a tate ngu wumbilu; wa divalela sionho ni sihambunyeto; hambiko vaonhi kha va leki, ve zumba ku nga kha va na mnandu; ene wa tshumetela sionho sa vatate txitimwi ka vanana vawe kala ka liveleko la wuraru ni la wumune.

Eksodha 34:6

Mkoma a to pinda koko ngu masoni ka Mosi, se Mosi e kwangula a txi khene: “Awe Mkoma Txizimu, Txizimu txa wumbilu ni kupfela, wo swela kuhenya kambe wo tala ngu wuha ni kuthembeka!

Varoma 9:18

Ngu toneto, Txizimu txi mahela wumbilu awule txi ti lavako ku mmahela, txi bangisa mbilu ya wule txona txi ti lavako ku m'bangisa.

Joxuwa 6:22

Aniko Joxuwa a to womba ka vavamna vale vavambidi va nga ya xola ditiko, a txi khene: “Wulelani nyumbani ka wamsikati wule wa digelegele, mi txi ya humisa wule wamsikati, ni sotshe si a ku naso, nga ha mi nga xambanya kwakwe.”

2 Pedro 2:7

kambe Txizimu txi ponisile Loti, i nga ti m'thu wo lulama, awu a nga txi xaniseka ngu mhaka ya wubihi wa vathu vale vo xanga.

Genesisi 19:15

Se ni mabimbi-kutxa, tingelozi ti to khongotela Loti, ti txi kha tona: “Khukha, teka msikati wako ni vanana vako vavambidi vamahorana, ava va kuho kona hawa, kasi u si loviswi ngu txikhawuliso txa didhoropa.”

Eksodha 34:7

Wo tala ngu lirando la hombe, kala ka magumi a mazana a tiveleko, wo divalela wubihi, kueyisa ni sionho, aniko kha fananisi muonho ni wamnene; kambe wa tsayisa vanana ni vatukulu, kala ka liveleko la wuraru ni la wumune, ngu mhaka ya sionho sa vatate vawe.”

Dhewuteronome 5:15

Alakanya ti to nawe u ti ti khumbi ditikoni ka Egipta, ni ti to Mkoma, Txizimu txako, a ku humisile koneyo ngu dianza da mtamo ni diwoko do guleka. Ngu mhaka ya toneto, Mkoma, Txizimu txako, a ku leletete ti to u vekisa ditshiku da Sabbata.

Dhewuteronome 6:21

Konako u na mxamula u txi khawe: “Athu hi ti tikhumbi ta Faro ditikoni ka Egipta, aniko Mkoma a hi humisile kona Egipta ngu dianza da mtamo.

Dhewuteronome 7:8

Mkoma a maha tiya nguko wa mi randa, kambe a lava kutsanisa txithembiso txakwe, txi ene a nga va a di xambanyile ka vatate vanu, Mkoma a mi humisile ngu dianza dakwe da mtamo, kambe a mi tirute nyumbani ka wukhumbi, manzani ka Faro, mfumeli wa Egipta.

Masalmo 32:10

Timhaka tatingi ta xanisa vathu vo biha, aniko lirando la Mkoma, li ranganyeta avale va mthembako.

Masalmo 33:18

Mkoma ngene a xayisako ava va mthavako, avale va thembako wunene wakwe,

Masalmo 33:19

ene wa va hulukisa ka lifo kambe wa va veketa va txi hanya ka mbimo ya nzala.

Genesisi 43:10

“Se i tiku kha ha swela, akuwa nga i di kuwuya ka wumbidi!”