Genesisi 19:14 - Bhiblia Yo Sawuleka

¹⁴ Sekoko Loti a to ya khene ka majaha ale ma nga txi lava kuteka mahorana akwe: “Khukhani, humani ka wukhalo wuwa. Nguko Mkoma a lava kuhaxula didhoropa.” Kambe atiya ti to wombwa vakanganyisi.

Genesisi 19:14 Referans Kwoze

Mitengo 16:21

Tshuketani kule ka msengeletano wuwa, ni na va lovisa ngu mbimwanyana.

Mitengo 16:45

Khukhani hagari ka msengeletano wuwa, ni na wu lovisa ngu mbimwanyana; sekoko Mosi ni Aroni va to wa hahatshi ngu tikhohe tawe.

Jeremiya 51:6

Khukhani hagari ka Bhabhilona, mmweyo ni mmweyo a na txhatxhise dihika dakwe; mi nga ti loviseni anu ngu wubihi wakwe; nguko ayiya ngu yona mbimo ya kupharela ka Mkoma; ene a na mninga hakhelo yakwe.

Mitengo 16:26

Se Mosi a to womba ka msengeletano a txi khene: Humani amu matendani ka vathuvo va kubiha, mi nga gweseni txiya ni txa tximwetxo txawe, nguko mi nga loviswa ngu sionho sawe sotshe.

2 Makronika 30:10

Mitumi yi to pinda ngu ka didhoropa ni didhoropa ditikoni ka Efrayime, ni ka ditiko da Manasi, kala kuza ve hoka Zebhuloni, kambe vathu va to va seka, ve va maha sivhilwa.

Mithumo 17:32

Kambe vona, ngako va txi pfa mhaka ya kuwuka ka vafi, vamwani va to seka, vamwani va txi kha vona: “Hi ngadi hi txi na tshumela hi kuengisa kambe ka mhakeyo.”

Luka 24:11

Kambe timhaketo ti ti fana ni mihahamu, se ngu konaho kha va ti tumela.

Matewu 9:24

“Khukhani mi tsula, nguko awu wa txihoranana kha fa, a to otela.” Se vona va nje ku mu seka.

Ezekhiyele 20:49

Sekoko ani ni to khani: Yowe! Awe Mkoma Txizimu! Vona va womba tiya ngu ngani: Ina hi nga ene wu wa kuwombetela sifananiso dwe kani?

Jeremiya 20:7

Awe Mkoma, u ni xengile, ni tumete kuxengwa. Awe u ni mtamo ku ni pinda, u ni xute. Ni mahile txisekiso dotshe ditshiku. Votshe va ni poyilela.

Isaya 28:22

Konkuwa koko, mi nge ngadi mi tseketsela; kasi ku asi mi nga sungwa ngu sona si si pswitwi; nguko se ni pfite Mkoma, Txizimu txa Mabutho a Tiyimbi, a txi womba-womba ngu kuhoxota, se atiya ti tsanisilwe txitimwi ka otshe mafu.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Luka 9:42

A di ngadi a txi tshuketa, didhimoni di to mu ginyalata, di txi mu dhudhumelisa, kambe Jesu a to dhusa moya wule wa nzambwa, se e hanyisa mwanana e mningela ka tate wakwe.

Matewu 1:18

Kuvelekwa ka Jesu Kristu ku mahisile tiya: Mariya, Mame wakwe, a manekile a di thembisilwe ngu Josefa; se va sinzi kutekana, a manekile a di ni txirumbu ngu mtamo wa Moya wo Sawuleka.

Eksodha 12:31

Sekoko Faro a to dhana Mosi ni Aroni, ka wona wusikuwo e womba tiya: “Khukhani, mi huma hagari ka vathu vangu, anu ni vanana vanu va ka Israyeli; tsulani, mi txi ya thumela Mkoma nga ti mi nga womba.”

Eksodha 9:21

Aniko, avale va nga mbi khatala ngu dipswi da Mkoma, va to leka sithumi sawe ni mitxhambi yawe ya sifuyo hahanze.

Genesisi 19:22

Kuluveta u txi thavela koneyo, nguko kha ni sikoti kumaha txilo u sanzi kuhoka koneyo.” Ngu mhaka ya toneto didhoropedo di nga ningwa ditina di do i Zowari.

Genesisi 19:17

Ngako va di va humisile hahanze ka didhoropa, mmweyo wa vavamna vale, a to khene ka Loti: “Hulukisa wutomi wako! U nga wone msana, kambe u nga eme ni ka wuhi wukhalo wa mu libalani, thavela mmangoni, kasi u si lovi.”

Genesisi 19:15

Se ni mabimbi-kutxa, tingelozi ti to khongotela Loti, ti txi kha tona: “Khukha, teka msikati wako ni vanana vako vavambidi vamahorana, ava va kuho kona hawa, kasi u si loviswi ngu txikhawuliso txa didhoropa.”

Jeremiya 43:1

Mbimo yi Jeremiya a nga gwita kuwombawomba ka vathu votshe mapswi a Mkoma, Txizimu txawe, i ku mapswi otshe ya a nga rumwa ngu Mkoma, Txizimu txawe,

Jeremiya 43:2

sekoko a to womba-womba Azariya mwana Hoxaya, ni Johanani mwana Kareya, ni votshe vavamna va mabava va txi kha vona ka Jeremiya: “Awe u womba makuhu! Mkoma, Txizimu txathu, kha kurumela ku ta womba ku: Mi nga tsuleni mi txi ya luvela Egipta.