Genesisi 19:13 - Bhiblia Yo Sawuleka

¹³ nguko hi lava kuhaxula wukhalo wuwa, huwa yi yi nga kwangula yo mangalela wukhalo wuwa masoni ka Mkoma, njahombe, se ene Mkoma a hi rumile ku ta wu fuvisa.”

Genesisi 19:13 Referans Kwoze

Genesisi 18:20

Mkoma a to khene kambe ka Abrahamu: “Huwa ya kumangalela Sodhoma ni Gomora nja hombe ngutu, txionho txawe txa thisa ngutu.

Judha 1:7

Kufana ni toneto, Sodhoma ni Gomora, ni mamwani madhoropa a hafuhi, ngu mhaka ya kutiningetetela ka wugelegele, ni ka mithumo ya wugango wo hambana ni ntumbuluko, madhoropeyo ma mahilwe txialakanyiso masoni ka votshe vathu, me ningelwa kutsayiswani ka mndilo wo mbi guma.

Mithumo 12:23

Kambe kunukunuko, Ngelozi ya Mkoma yi to peka Herodha, nguko kha dhumisa Txizimu. Se a to dyiwa ngu timbungu, efa.

Jakobe 5:4

Wonani, male yi mi nga lamba kuholela sithumi si si nga elula tithembweni kwanu ya kwangula, se tihuwa ta vaeluli ti hokile tinzeveni ka Mkoma wa Mabutho.

Isaya 37:36

Sekoko Ngelozi ya Mkoma yi to huma yi ya lovisa 185.000 wa vathu, wugoveloni ka Vasiriya. Se mbimo yi va nga wuka ni mixo ngutu, va to wona sirumbi dwe.

Isaya 36:10

Se konkuwa u alakanya ku ani ni kwelete kutalwa ka ditiko diya, na ni si nga nayo Mkoma, kasi ku ta di hoxota kani? Mkoma apune a ni gete ku khene: Kwelela u ya lwisa ditiko dile, u di hoxota.

Isaya 3:11

Dikhombo ka vakubiha! Nguko va na ningwa hakhelo ya mithumo ya manza awe.

Genesisi 13:13

Kambe vathu va Sodhoma va ti ti ni tshofu ngutu, va txi mahetela sionho sasingi masoni ka Mkoma.

Genesisi 19:12

Sekoko vavamna vale va to kha vona ka Loti: “U na ni vamwani vathu kona hawa kani? Mwane wako, vanana vako va mazambi, vanana vako vamahorana, ni votshe vale i ku vako va ku mu didhoropani, va humise ka wuwa wukhalo;

Levhi 26:30

Ni na haxulela makhalo anu o guleka, ni txi fayetela sithombe sanu sa ditambo, se ni na tshotsha sirumbi sanu txitimwi ka sirumbi sa sithombe sa sizimu sanu; moya wangu wu na karala ngu nganu.

Dhewuteronome 4:26

nyamsi ni maha ti to nzuma ni mafu, si txi va i di tifakazi tanu to mi wukela; ngako toneto ti txi maheka, ngu txikuluveta mi na ya lova ka donedo ditiko, adile anu mi yako kuya di fuma, ngako mi di txhatukile mnambo wa Jordhani; ka toneto, kha mi na mbi ya hanya ngutu ka dona, nguko ngu ditshuri, mi na ya loviswa.

Dhewuteronome 28:45

Otshe makhombo awa ma na wa txitimwi kwako, ma txi kulondetela, ma txi kukhubhunyeta, meza me kulovisa, kala u fuva, nguko awe khwa engisa dipswi da Mkoma, Txizimu txako, kambe khwa vekisa sirumo sakwe ni milayo yakwe, ayile a nga kuleleta yona.

Jeremiya 44:22

Mkoma a ti sa dingana kuxaniswa mbimo yayingi ngu wubihi wa mithumo yanu, sinyenyeko si mi nga si maha; ngu toneto ditiko danu di mahile txiwula, ni txixamaliso, ni txiruko, ku si na vo zumba, nga ti ku wonekisako tona nyamsi.

Mitengo 16:21

Tshuketani kule ka msengeletano wuwa, ni na va lovisa ngu mbimwanyana.