Genesisi 18:9 - Bhiblia Yo Sawuleka

⁹ Se va to kha vona kwakwe: “Ahani msikati wako Sara kani?” Ene a to khene: “A ditendani mule.”

Genesisi 18:9 Referans Kwoze

Titosi 2:5

ve va ni wuzivi ni kuthembeka ni kutiveka hahatshi ka vamna vawe, ve va i di vaxayisi vavanene va timwaya tawe, i di vo randeka, kasiku dipswi da Txizimu di si poyilwi ngu m'thu.

Genesisi 24:67

Isaake a to wuleta Rebheka nyumbani ka mame wakwe, Sara, a txi mu amukela Rebheka kuva msikati wakwe, a txi mranda. Se Isaake a to mana mthaveleli wa mbilu yakwe, ene se a nga ti fetwe ngu mame wakwe.

Genesisi 31:33

Sekoko Labhani a to ya lava ditendani ka Jakobe, ngu msana eya lava ditendani ka Leya, ni matendani ka sithumi simbidi, aniko kha mana txilo. Ene a to huma ngu ditendani ka Leya, eya wulela ditendani ka Rakeli.

Genesisi 4:9

Txizimu txi to kha txona ka Kayini: “Ahani Abhele, mwananu kani?” Kayini a xamute, a txi khene: “Kha ni m'zivi. Kasi ani ngani ni ku mxayisi wa mwanathu kani?”

Vahebheru 11:9

Ngu likholo, ene a akile nga muwuyi ka ditiko di a nga ti thembisilwe, a txi zumba midhutini kufana ni Isaake ni Jakobe, vadyi-kulowe va yona thombeyo ya yimweyo ya txithembiso.

Genesisi 3:9

Se Mkoma Txizimu a to dhana Adhamu, a txi khene: “U hani kani?”

Genesisi 18:8

Se Abrahamu a to teka kambe mafura, ni masi, ni nyama ya dirole. Ayi yi nga lulamiswa, eya si veka hafuhi kwawe, mtsudini mule ka mndonga, ene e zumba a di emile, na vona va txi dya.

Genesisi 18:10

Mmweyo wawe a to khene: “Ni na wuya kambe kwako dilembe di di tako, ngu yona yiya mbimo, se msikati wako Sara a na va a di ni mwanana wa dizambi.” Sara a ti ti engisela a di ha txikeni ka ditenda, ngu msana ka Abrahamu.