Genesisi 18:8 - Bhiblia Yo Sawuleka

⁸ Se Abrahamu a to teka kambe mafura, ni masi, ni nyama ya dirole. Ayi yi nga lulamiswa, eya si veka hafuhi kwawe, mtsudini mule ka mndonga, ene e zumba a di emile, na vona va txi dya.

Genesisi 18:8 Referans Kwoze

Genesisi 19:3

Loti a to ti khongotela ngutu tiza ti txi tumela kuwulela nyumbani kwakwe. A to ti lulamisela sakudya, e bhika mapawu o mbi na mtshumbelo, se tona ti dya.

Mtuletelo 3:20

Wona, ni ho ha txikeni, na gogota ditimba: Ngako m'thu a txi engisa dipswi dangu e tula ditimba, ni na wulela nyumbani kwakwe ni lalela nayo, nene e lalela ni nani.

Vagalatiya 5:13

Vanathu, anu mi dhanetwe ku ta hanya kutxhatxhekani. Ti di mahile eto, kukhululeka kwanu ku nga mi lundumise, mi txi fumwa ngu sa ha mafuni, aniko thumelanani ngu lirando.

Mithumo 10:41

i si nga ka votshe vathu, aniko ka tifakazi ti ti nga sawulwa ngu kale ngu txona Txizimu: I ku athu hi nga dya, hi txi sela kumweko nayo, msana ka kuva a di wukile ngu ka vofa.

Johani 12:2

Va to mmahela txilalelo koneyo. Marta a ti ti va thumela, se Lazaro i ti mmweyo wa vale va nga ti nayo ha sakudyani.

Luka 24:43

Ene a to wu teka a txi dya masoni ka votshe.

Luka 24:30

Se a di khalahatshile navo ha mezani, a to teka dipawu, e di katekisa, se ngu msana e di bhanda, e va ninga.

Luka 17:8

Ina kha thangi ngu ku txi gela ku khene: ‘Ni lulamisele so lalela ngu sona, ambala txipani txa mthumo, u ta ni thumela mbimo yi ani ni dyako ni sela; ngu msana u na dya u txi sela nawe ngu txikhati txako kani?’

Luka 12:37

Si katekile sithumi sile, nyamne wa sona, mbimo yi a bwakako a nota si mana si txi wonelela. Kha ditshuri na mi gela, ene a nata sunga dithawula txiwununi, a txi va khalahatshisa ha mezani, a txi tsimbila ngu ka mmweyo ni mmweyo, a txi va phamela sakudya.

Nehemiya 12:44

Ka ditshiku donedo ku to sawulwa va xayisi va sibhiya sa tithomba, miningelo yo ndiwitelwa, ni mihando yo khata, sa wugumi, ve sengeleta ka sona, madingano ni tithembwe ta madhoropa, ni makhalo a ma nga vekwa ngu Mlayo wa vaphaxeli ni Valevhi; nguko Judha a ti ti tsaka ngu mhaka ya mthumo wa vaphaxeli ni wa Valevhi.

Valamuli 13:15

Sekoko Manowa a to khene ka Ngelozi ya Mkoma: “Hi tumelele hi txi ku sweta, ngu ku kululamisela txihongwana.”

Valamuli 5:25

Sisera a mkombete mati, se Jayeli a to mtisela masi; a txi m'wuyisela masi a diwomba, amu ka digombe da wukoma.

Dhewuteronome 32:14

bhotela ya tihomu ta mikati ni masi a mtxhambi, ni mafura a sinvutana ni sihambana, sa kuta ngu Bhasani, ni a vamabhongwe, ni mafura a mpupu wa wunene wa fulaho; kambe u sete mnoha wa mauvha, i ku vhinya ya yinene.

Genesisi 18:7

Se Abrahamu a to tutuma eya txibalani, eya ñola dirole da dinene do nona, e di ningela ka txithumi, txi to kuluveta ku di lulamisela.

Genesisi 18:9

Se va to kha vona kwakwe: “Ahani msikati wako Sara kani?” Ene a to khene: “A ditendani mule.”

Isaya 7:15

A na dya mafura ni wulombe, an'ze kuza e ziva kulamba to biha, e sawula tinene.

Isaya 7:22

Kambe ku na maheka tito, ngu mhaka ya kutala ka masi ya ti no ma mana, a nadya mafura; ni votshe vale va no sala hagari ka ditiko, va na dya mafura ni wulombe.