Genesisi 18:6 - Bhiblia Yo Sawuleka

⁶ Abrahamu a to tsula ngu kukuluveta ditendani a txi ya gela Sara, a txi khene: “Kuluveta u txi teka tipimo tiraru ta mpupu wa wunene, u txi vhuva, u bhika simbwanda!”

Genesisi 18:6 Referans Kwoze

Matewu 13:33

Se a to engeta e va gela tximwani txidinganiso a txi khene: “Mfumo wa nzumani wu fana ni mtshumbelo, awu wamsikati wokari a wu tekako e wu pata mu ka mipimo yiraru ya mpupu, kala kuza sotshe si vila.”

1 Pedro 4:9

Zivani kuamukelana mbimo yi mi endelanako, na mi si ngungurukeli.

Vahebheru 13:2

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

Vagalatiya 5:13

Vanathu, anu mi dhanetwe ku ta hanya kutxhatxhekani. Ti di mahile eto, kukhululeka kwanu ku nga mi lundumise, mi txi fumwa ngu sa ha mafuni, aniko thumelanani ngu lirando.

Varoma 12:13

Vhunetani vasawuleki ka si va si pwatako, mi txi amukela vapfhumba ngu manza mambidi.

Mithumo 16:15

Se ngako a di bhabhatisilwe, kumweko ni va nyumba yakwe, a to hi kombela a txi khene: “Ngako mi txi ni wona ni di thembekile ka Mkoma, ngonani mi ta zumba nyumbani kwangu.” Se e hi kurumeta kuya kona.

Isaya 32:8

Aniko txisiwana txi maha makungo amanene, se ngu wunene txi simama txi di emile.

Genesisi 18:5

Ngako mi nga pinda ngu hawa ka txithumi txanu, ani ni na khata ngu ku mi tisela txikhwemu txa dipawu, kasi mi nata malata mnyoka, se ngu msana mi txi longoloka ni dipfhumba danu.” Vona va to kha vona: “Maha tona eto u ti wombako.”

Genesisi 18:7

Se Abrahamu a to tutuma eya txibalani, eya ñola dirole da dinene do nona, e di ningela ka txithumi, txi to kuluveta ku di lulamisela.

Genesisi 19:3

Loti a to ti khongotela ngutu tiza ti txi tumela kuwulela nyumbani kwakwe. A to ti lulamisela sakudya, e bhika mapawu o mbi na mtshumbelo, se tona ti dya.

Valamuli 6:19

Se Gidhiyoni a to huma a txi ya lulamisa phongo, ni mpimo wa efa wa mpupu, a to maha mapawu o mbi tshumbelwa. E veka nyama amu ka thavangu, e thela mro amu ka khadi, a txi si tisa sotshe hahatshi ka mkusu, e ta si ningela ka ngelozi, ayi yi nga ti mrinzete.

1 Samuwele 28:24

Se wamsikati a ti ni dirole do nona m'tini kwakwe, a to kuluveta e di daya, e teka mpupu e wu vhuva e bhika simbwanda sa kwa mbi tshumbelwa.

2 Samuwele 13:6

Sekoko Aminoni a to otela a txi nga o lwala. Se mbimo yile mfumeli a nga ya mpfuxela, Aminoni a to khene ka mfumeli: Ni kombela ti to ndiyangu Tamara e ta ni bhikela simbwanda simbidi masoni kwangu, kasiku ni txi dya sa manzani kwakwe.

Masalmo 119:60

Ni kuluvetile, kha na swela kuvekisa sirumo sako.