Genesisi 18:5 - Bhiblia Yo Sawuleka

⁵ Ngako mi nga pinda ngu hawa ka txithumi txanu, ani ni na khata ngu ku mi tisela txikhwemu txa dipawu, kasi mi nata malata mnyoka, se ngu msana mi txi longoloka ni dipfhumba danu.” Vona va to kha vona: “Maha tona eto u ti wombako.”

Genesisi 18:5 Referans Kwoze

Valamuli 13:15

Sekoko Manowa a to khene ka Ngelozi ya Mkoma: “Hi tumelele hi txi ku sweta, ngu ku kululamisela txihongwana.”

Masalmo 104:15

Vhinya yi yi va tsakisako timbilu, mafura awa ma va tshurisako tikhohe ni sakudya si si va ningako mtamo.

Valamuli 19:5

Se ku to maheka taku ka ditshiku da wumune, ve phindula, se Mlevhi e wuka kasi ku a txi khukha, sekoko tate wa dihorana a to khene ka mwane wakwe: “Susula ngu txikhwemu txa dipawu, se msana keto mi na tsula.”

Valamuli 6:18

U nga khukhe hawa, na ku kombela kala kuza ni txi wuya ni mningelo wangu, ni txi ta wu veka masoni kwako. Mkoma a to xamula a txi kha ene: “Ngu tona, ni na rinzela kala u txi wuya.”

Genesisi 33:10

Sekoko Jakobe a ti khene: “Ahim-him, ani na ku kombela! Ngako ni nga mana kuamukeleka masoni kwako, amukela txiningo txa manzani kwangu. Nguko ni woni khohe yako, nga ni to wona khohe ya Txizimu, se awe u ni amukete ngu kuthutha.

Genesisi 19:8

Engisani: Ni na ni vanana vambidi vamahorana, ava va sinziko kuotela ni vavamna; ni na mi tisela vona, kasi mi txi maha kuranda ngu vona; aniko majaha awa mi nga maheni txilo ka ona, nguko vona, va wulete mtsudini ka nyumba yangu.”

Isaya 3:1

Nguko wona taku Mkoma, Txizimu txa Mabutho a Tiyimbi, a na thavisa ka Jerusalema ni ka Judha, ndonga ni mtxheketelo, ni otshe mati o tima ditora.

Matewu 6:11

Hi he nyamsi sakudya sathu sa ditshiku ni ditshiku.

Genesisi 18:6

Abrahamu a to tsula ngu kukuluveta ditendani a txi ya gela Sara, a txi khene: “Kuluveta u txi teka tipimo tiraru ta mpupu wa wunene, u txi vhuva, u bhika simbwanda!”

Valamuli 6:19

Se Gidhiyoni a to huma a txi ya lulamisa phongo, ni mpimo wa efa wa mpupu, a to maha mapawu o mbi tshumbelwa. E veka nyama amu ka thavangu, e thela mro amu ka khadi, a txi si tisa sotshe hahatshi ka mkusu, e ta si ningela ka ngelozi, ayi yi nga ti mrinzete.

Valamuli 13:16

Aniko Ngelozi ya Mkoma yi to kha yona ka Manowa: “Hambi u txi ni sweta, kha ni na mbi dya sakudya sako; se ngako u txi lava kululamisa mningelo wo hiswa, wu ningele ka Mkoma.”

1 Vafumeli 17:11

Se mbimo yile a nga ti tsula kuya reka, ene a to m'dhana a txi khene: Nihe koko ni dona dipawu da didotho ngu manza ako.