Genesisi 18:33 - Bhiblia Yo Sawuleka

³³ Mkoma, ngako a di gwitile kuwombawomba ni Abrahamu, a to khukha e tsula, se Abrahamu a tshumete a txi wuya m'tini kwakwe.

Genesisi 18:33 Referans Kwoze

Genesisi 18:22

Sekoko vathuvo va to khukha konaho va txi ya Sodhoma, Abrahamu a to sala a di emile masoni ka Mkoma.

Genesisi 32:26

Ene a wombile, a txi khene: “Ni leke ni txi tsula, nguko wuronga wu gwimbile.” Aniko Jakobe a mxamute, a txi khene: “Ani kha ni na mbi kuleka ngako u si ni katekisi.”

Genesisi 31:55

Kambe Labhani a to wuka ni mixo ya mabimbi-kutxa, a txi pswopswa vanana vakwe va majaha ni vamahorana, a txi va katekisa; se a to khukha e tshumelela ka wukhalo wakwe.

Genesisi 18:16

Va di khukhile vavamna vale, va to komba kuya Sodhoma, Abrahamu a ti ti tsimbila navo, kasi ku va heleketa.

Genesisi 3:8

Se va to engisa dipswi da Mkoma Txizimu, a nga ti tsimbila-tsimbila amu thembweni, ngu mbimo ya minova; wamwamna ni wamsikati va to sisala hagari ka mindonga ya thembweni, ngu kuthava khohe ya Mkoma Txizimu.

Genesisi 17:22

Ngako Txizimu txi di gwitile kuwombawomba ni Abrahamu, txi to khukha txi msiya, txi guleka.

Genesisi 35:13

Se Txizimu txi to khukha hafuhi kwakwe, ka wukhalo wule txi nga ti ti womba-womba nayo.

Mitengo 12:9

Kuhenya ka Mkoma ku to kukumuka ngutu, e khukha e tsula.

Genesisi 32:1

Jakobe a to phaxa mhamba txitimwi ka mmango, e dhana va ka kwawe ve ta dya sakudya. Vona va dyite, va txi otela kona mmangoniyo. Jakobe ngako a di tekile nzila yakwe, tingelozi ta Txizimu ti to tshangana nayo.