Genesisi 18:31 - Bhiblia Yo Sawuleka

³¹ A to simama kambe Abrahamu a txi khene: “Na tsana ni womba ka Mkoma wangu: Se ku txi maneka magumi mambidi ko?” Mkoma a xamute a txi khene: “Kha ni na mbi lovisa didhoropa, ngu mhaka ya vona vale va magumi mambidi.”

Genesisi 18:31 Referans Kwoze

Vahebheru 4:16

Ngu kota yeto, ahi yeni ngu kutsaka txiluveloni ka makatekwa, ahawa hi no ya mana wumbilu ni kateko yi yi no hi vhuna ngu mbimo yi yi fanelako.

Vaefesu 6:18

Mahani totshelele tiya na mi txi khongela, mi txi kombela kuvhunwa ngu Txizimu. Khongelani yotshe mbimo, nga ti Moya wu mi leletisako tona. Ngu konaho, zumbani mi di ti lulamisete, mi txi khongela mi si karali, mi txi kombelela vasawuleki votshe va Txizimu.

Luka 18:1

Jesu a engetile a txi mahela vagondiswa vakwe txifananiso, kasi kuwomba ti to ka laveka kukhongela yotshe mbimo, va si rereki:

Luka 11:8

“Na mi gela ku khani, hambi a txi lamba kuwuka, a ta mu ha mapawu ngu kuva i di mndoni wakwe, a na za a txi wuka ngu mhaka ya kusimamisa kwakwe, a txi mu ha si asi lavako.”

Matewu 7:11

Ngu konaho, hambi anu mi ku vathu va tshofu mi zivako kuninga sa sinene ka vanana vanu, ngutu-ngutu Tate wanu wa nzumani kha na mbi pindisa kuvaninga sa sinene ava va mu kombelako kani?

Matewu 7:7

“Kombelani, mi na ningwa; lavani, mi na si mana; gogotani, mi na tulelwa.

Genesisi 18:27

Abrahamu a wombile kambe, a txi khene: “Ani na tsana ni txi womba kambe ka Mkoma wangu, ani ni ku lithulu ni dikhuma.

Genesisi 18:30

Abrahamu a ti khene: “Mkoma wangu a nga henye, ngako ni txi tshumela ni womba-womba: Se ku txi maneka magumi mararu ko?” Mkoma a to xamula a txi khene: “Kha ni na mbi ti maha eto, ngako ni txi mana magumi mararu a vathu vo lulama.”

Genesisi 18:32

Abrahamu a to khene kambe: “Mkoma wangu a nga henye, ngako ni txi womba kambe ngu txikhati txo gwitisa. Idiku ko maneka digumi ko?” Mkoma a xamute a txi khene: “Kha ni na mbi lovisa didhoropa, ngu mhaka ya vona vale va digumi.”