Genesisi 18:29 - Bhiblia Yo Sawuleka

²⁹ Abrahamu a m'gete kambe a txi khene: “Se ku txi maneka mune wa magumi a vathu ko?” Se Mkoma a to khene: “Kha ni na mbi mahela kubiha didhoropa, ngu mhaka ya vale va mune wa magumi.”

Genesisi 18:29 Referans Kwoze

Vahebheru 4:16

Ngu kota yeto, ahi yeni ngu kutsaka txiluveloni ka makatekwa, ahawa hi no ya mana wumbilu ni kateko yi yi no hi vhuna ngu mbimo yi yi fanelako.

Vaefesu 6:18

Mahani totshelele tiya na mi txi khongela, mi txi kombela kuvhunwa ngu Txizimu. Khongelani yotshe mbimo, nga ti Moya wu mi leletisako tona. Ngu konaho, zumbani mi di ti lulamisete, mi txi khongela mi si karali, mi txi kombelela vasawuleki votshe va Txizimu.

Genesisi 18:28

Ngako ku txi pwateka mtxhanu wa vathu ka vale va mtxhanu wa magumi vo lulama, ina u nga lovisa dotshe didhoropa ngu mhaka ya vale va mtxhanu va pwatekako kani?” Mkoma a to xamula, a txi khene: “Ahim-him, kha ni na mbi va lovisa, ngako ni txi mana mune wa magumi ni mtxhanu wa vathu vo lulama.”

Genesisi 18:30

Abrahamu a ti khene: “Mkoma wangu a nga henye, ngako ni txi tshumela ni womba-womba: Se ku txi maneka magumi mararu ko?” Mkoma a to xamula a txi khene: “Kha ni na mbi ti maha eto, ngako ni txi mana magumi mararu a vathu vo lulama.”