Genesisi 18:26 - Bhiblia Yo Sawuleka

²⁶ Sekoko Mkoma a to khene: “Ngako ni txi ya mana didhoropani ka Sodhoma mtxhanu wa magumi a vathu vo lulama ni na divalela dotshe didhoropa ngu mhaka yawe.”

Genesisi 18:26 Referans Kwoze

Jeremiya 5:1

“Horolokelani ka magondo a Jerusalema; mi xolisisa mi wona amuwa sidingeni; ngako mi txi sikota kumana m'thu, hambi ni wammweyo wu a mahako wululamo, ni kuthembeka, ani ni na divalela dotshe didhoropa.”

Matewu 24:22

Se idiku ma sa komiswa masiku ale, kuwalo ni txivangwa tximwetxo txi ndino sikota kuhuluka. Aniko, ngu mhaka ya vasawuleki, masiku ale ma na komiswa.”

Ezekhiyele 22:30

Hagari kwawe ni lavile wamwamna wa kuva a nga tsivela diguma, na a ti ka ditshoko masoni kwangu, kasi ku ni si di khundumusi; aniko kha na mana ni wammweyo.

Isaya 65:8

Mkoma a womba tiya: Kufana ni kungako ku txi manwa dosi amu ka txizangwa txa mauvha, va kha vona: U nga txi xakele, nguko ku ni makatekwa ka txona, ni na mahisa toneto ngu kuranda sithumi sangu, kasi ku ni si va hoxoti votshe.

Isaya 19:24

Ka ditshiku dile, Israyeli a na va wa wuraru kumweko ni Vaegipta ni Vasiriya, njikatekiso hagari ka mafu.

Isaya 10:22

Nguko hambi ku vathu vako, awe Israyeli, va fanako ni mtxhefa wa lineneni, miboti yokha ngu yona yi no hulukiswa; kulovisa kutsanisilwe, ka thekelela ngu kululama.

Isaya 6:13

Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.

Genesisi 18:17

Se Mkoma a to khene: “Ina ni nga sisela Abrahamu ati ni lavako ku ti maha, kani?