Genesisi 18:25 - Bhiblia Yo Sawuleka

²⁵ Lambi, ti nave kule ni nawe eto ta kufuvisa valulami kumweko ni vabihi, u txi teka mlulami ni m'bihi u txi va maha vamwevo. Eyo mapimo ma nave kule ni nawe. Mlamuli wa ditiko dotshe, kha na mbi lamula ngu kululama kani?”

Genesisi 18:25 Referans Kwoze

Jobe 8:3

Ina txi ndi na sanula madingano Txizimu kani? Niku wa Mtamo-wotshe a ndi na sanula wululamo kani?

Jobe 8:20

Wona taku Txizimu kha txi na mbi nyenya wo lulama; kambe kha txi va ñoli ngu diwoko vamahi va kubiha;

Masalmo 58:11

Se vathu va na womba va txi kha vona: “Kha dikhuri mlulami ana ni hakhelo! Ngu ditshuri txi ho Txizimu txi txi lamulako ha mafuni!”

Dhewuteronome 32:4

Txizimu Dirigwi, ni mthumo wa txona mbwo hetiseka. Nguko totshe tinzila ta Txizimu ti lulamile. Njizimu txa ditshuri, atxi txi ku si nga ni wubihi. Txi na ni wunene, txi lulamile.

Masalmo 94:2

Awe, u ku mlamuli wa ditiko, khukha u txi ninga va va kutikulisa, txhatxhazelo yi va fanelako ku yi amukela!

2 Vakorinto 5:10

Nguko hotshethu hi na ya ema hi txi thethiswa masoni ka Kristu, kasiku mmwani ni mmwani a txi amukela atxile txi m'fanelako, madingano ni wunene mwendo wubihi wu a nga wu maha, a di ngadi a txi hanya wutomi wa mmidi.

Malakiya 3:18

Sekoko mi na wona kambe kuhambana ka wo lulama ni wo biha, hagari ka wule a thumelako Txizimu, ni wule asi txi thumeliko.

Masalmo 98:9

masoni ka Mkoma, a tako ku ta lamula ditiko, ku ta lamula ditiko ngu kululama, a txi lamula vathu ngu fanelo.

Jeremiya 12:1

Wa kululama ngutu ngawe, Mkoma, hambi ni txo kanetisana ni nawe; hambi keto, ni na bhula ni nawe ngu malamulelo ako. Ngu kutxani va kubiha ve humelela kani? Va kateka ngu kutxani votshe va va nga mbi thembeka kani?

Ekleziyaste 7:15

Totshe tiya ni ti woni ka masiku a kukanganyiseka kwangu; ku ni m'thu wo lulama a lovako kululamani kwakwe, ni m'thu wo biha a hanyako masiku o tala ka wubihi wakwe.

Vahebheru 12:23

Anu mi tshuketete ka Dibanza da vanana va matiwula, ava matina awe ma nga bhalwa nzumani, ni ka Txizimu Mlamuli wa votshe, ni ka mimoya ya valulami va va nga hoka kuhetisekani;

Genesisi 18:24

Idiku vo maneka mu didhoropani mtxhanu wa magumi a vathu vo lulama. Ina u nga lovisa dotshe didhoropa, u txi lamba kudivalela ngu mhaka ya valulami va mtxhanu wa magumi kani?

Dhewuteronome 1:16

Ka mbimo yoneyo, ni leletete ka vathangeli vanu ni txi khani: Engisani timhaka ta vananu, mi txi lamula ngu kululama mhaka ya m'thu ni mwanawe, mwendo ni mluveli wu a hanyako nayo.

Dhewuteronome 1:17

Mi nga yeni ngu khohe kulamulani kwanu: Mi na engisa ngu kufana mhaka ya wam'dotho ni mhaka ya wa hombe. Mi nga thaveni txiemo txa m'thu, nguko kulamula kuta ngu ka Txizimu. Ngako mhaka i di yo karata kwanu, yi tiseni kwangu, kasi ku ani ni txi ta yi engisisa.

Valamuli 11:27

Ngu mhaka ya eto, ani kha na kuonhela, aniko awe ngawe u ni vhukako ngu ku ni xomela matxhari, u txi lava kulwa ni nani; Mkoma i ku mlamuli a na lamula nyamsi hagari ka vanana va ka Israyeli ni vanana va ka Amoni.

2 Makronika 19:7

Konkuwa koko, thavani Mkoma, mi vekisa ni kuxayisa sileleto sakwe nguko kha ku na kukanganyisa ka Mkoma Txizimu txathu, hambi kuya ngu khohe ya m'thu, hambi kuamukela simaha.

Nehemiya 9:33

Aniko, ka totshe ti ti hi humelelako, awe u lulamile; nguko awe u mahile ta tinene, se athu hi maha kubiha.

Jobe 34:10

Ngu kumaha keto, anu vavamna va mapimo, ni engiseni: Kambe kule ni Txizimu wubihi, kule ni wa Mtamo-wotshe, wuhambunyeti.

Ekleziyaste 3:17

Ani ni to khani mbiluni kwangu: Txizimu txi na lamula wo lulama ni wo biha; nguko ku ni mbimo ya wotshe wubihi, ni mbimo ya wotshe mthumo.

Jeremiya 11:20

Aniko Mkoma wa Mabutho a Tiyimbi mulamuli wo lulama, awu a xolako titsho ni timbilu. Ni na wona ngako u txi ni tshunda kupharela kwawe, nguko ni kuzivisile mhaka yangu.

Ezekhiyele 18:25

Ma womba mi txi khanu: Nzila ya Mkoma hi nga yo lulama. Engisa koko awe nyumba ya ka Israyeli: Nzila yangu kha ya lulama kani? Hi nga tinzila tanu ti nga gombonyeka kani?

Mitengo 16:22

Se vona va towa ngu tikhohe tawe, ve dila, va txi kha vona! Awe Txizimu! Txizimu txa mihefemulo ya nyama yotshe! Ina wa so henyela wotshe msengeletano, ngu mhaka ya txionho txa m'thu mmweyo kani?

1 Makronika 16:33

Sekoko yotshe mindonga ya txitinga yi na embelela ngu kutsaka masoni ka Mkoma; nguko wata ku ta lamula mafu.

Jobe 34:12

Kambe, kha ditshuri, Txizimu kha txi mahi ngu wubihi; hambi wu wa Mtamo-wotshe, kha sanuli malamulelo.

Masalmo 7:12

Ngako m'thu asi hinduki, Txizimu txi na lota ditxhari da txona; txona txi kungile wulaho wa txona, txi wu riya

Masalmo 50:6

Hambi tinzuma ti na huwelela ti to Mkoma a lulamile, nguko Txizimu ngu txona txi lamulako.

Masalmo 75:3

Ngako ditiko di txi tsekatseka, kumweko ni sotshe sivangwa si ku ka dona, ani ni na tsanisa tiphande ta dona.”