Biblia Todo Logo
Bib sou entènèt

- Piblisite -




Genesisi 18:2 - Bhiblia Yo Sawuleka

2 Se a to gula maso, e wona majaha mararu ma di emile, hafuhi kwakwe, neti a nga va wona, a to khukha ha txikeni ka ditenda dakwe e va hingeta, se a to ti wisa hahatshi masoni kwawe

Gade chapit la Kopi




Genesisi 18:2
23 Referans Kwoze  

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.


Sekoko vathuvo va to khukha konaho va txi ya Sodhoma, Abrahamu a to sala a di emile masoni ka Mkoma.


Ni minova, tingelozi timbidi ti to hoka Sodhoma, Loti a di khalahatshile ha txikeni ka didhoropa. Mbimo yi Loti a nga ti wona, a to khukha e ti hingeta, se a to nama hahatshi,


Se Ngelozi ya Mkoma yi to ti wonekisa ka wu wa wamsikati, yi txi m'gela tiya: “Wona taku u txi fule, khu khali ku va ni vanana; aniko, u na mana txirumbu u txi veleka mwanana wa mfana.”


Sekoko Abrahamu a to khukha a txi ema, e nama masoni ka vathu va ditiko, i ku vanana va Heti.


Se ku to maheka taku, ngako Joxuwa a di hafuhi ni Jeriko, a to gula maso akwe a txi wona, a to wona wamwamna wokari, a di emile masoni kwakwe, na a di ni ditxhari manzani kwakwe, se Joxuwa a to tshuketa kwakwe, a txi m'gela tiya: “U mmweyo wathu mwendo u mmweyo wa valala vathu kani?”


Mbimo yi Judha ni vananda vakwe va nga wulela nyumbani ka Josefa, amu va nga ya mmana a sinzi kuhuma, vona va to khizama hahatshi masoni kwakwe.


Vona va to xamula va txi kha vona: “Txithumi txako, ene tate wathu, a ngadi ho, ene a ngadi a txi hanya.” Se vona va to nama, va txi mkhizamela.


Mbimo yi Josefa a nga wulela nyumbani, va to mninga siningo si va nga ti naso, se va to khizama hahatshi, masoni kwakwe.


Se Jakobe a to sala ekha. Ku to humelela m'thu wokari a txi ta lwa nayo, kala kuza ku txi gwimba wuronga.


Va di khukhile vavamna vale, va to komba kuya Sodhoma, Abrahamu a ti ti tsimbila navo, kasi ku va heleketa.


Sekoko Rute a to wa ngu khohe, e khizama hahatshi, a txi m'gela ku khene: “Ngu kutxani ni mana kukateka masoni kwako, aha koza u txi va ni kukhatala ngu ngani, ani ni ku wa matiko kani?”


Zivani kuamukelana mbimo yi mi endelanako, na mi si ngungurukeli.


Vhunetani vasawuleki ka si va si pwatako, mi txi amukela vapfhumba ngu manza mambidi.


Mbimo yile va nga mu wona vanana va vaprofeti, na va di rendekelani ni Jeriko, va to kha vona: Moya wa Elija wu khandamile ka Elixa. Se va to mu hingeta ve ta mu khizamela.


Sekoko Abramu a to wa hahatshi ngu mbanza; Txizimu txi to womba kwakwe txi txi kha txona:


a txi khene: “Awe nyamne wangu, na ku kombela, ngako ni di mani kukateka masoni kwako, u nga pinde ngu ha m'tini ka txithumi txako, u sa nga ema.


Se Isaake a to huma ni minova eya mpetoni kuya khongela; ngako a di gute maso, a to wona makamelu ma txi bwaka.


Sekoko Abrahamu a to nama masoni ka vathu va ditiko


Josefa koko i ti ene mthangeli wa ditiko da Egipta; ngene kambe a nga ti xavisa sakudya ka vathu votshe; se vanawe va to ta bwaka ve khizama masoni ka Josefa, va txi wonetela hahatshi.


Sekoko Josefa a to va thavisa ha mathumbini ka tate wakwe, a txi khizama masoni kwakwe ni kutinamisa hahatshi.


Swiv nou:

Piblisite


Piblisite