Genesisi 18:19 - Bhiblia Yo Sawuleka

¹⁹ Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Genesisi 18:19 Referans Kwoze

2 Timoti 3:15

Kukhukhela ha wananani kwako, wa yi ziva Mibhalo yo sawuleka, yona yina ni mtamo wa ku kuninga wuzivi, awu wu yisako kuhanyiswani ngu kukholwa ka Kristu Jesu.

Vaefesu 6:4

Nananu vaveleki, mi nga henyiseni vanana vanu, aniko va kuliseni ngu ku va laya ngu sileleto ni tigondo ta Mkoma.”

2 Timoti 2:19

Hambi keto, makhato o tsana ma nga vekwa ngu Txizimu ma ngadi zumbisekile, ma nyathetwe txitambu txa dipswi diya di ku: “Mkoma wa va ziva ava va mlumbako.” Ni tiya kambe taku: “Wuhi ni wuhi a fakazako ngu ditina da Mkoma a na hambane ni wubihi.”

1 Timoti 3:12

Vadhiyakoni kulaveka i di va va nga teka msikati mmweyo dwe, ve xayisa ta tinene vanana vawe, ni m'ti wawe wupune.

Mavingu 22:6

Gondisa mwanana nzila yi a no tsimbila ngu yona, hambi a txi kumba, kha na mbi yi leka.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Joxuwa 24:15

Aniko, ngako ti si tsakisi masoni kwanu kuthumela Mkoma, sawulani nyamsi awule mi no mthumela: Mwendo sizimu sile vatate vanu va nga si thumela mtxhatuko ka mnambo, mwendo sizimu sa Vaamori, evo mi zumbako ditikoni kwawe; aniko ani ni nyumba yangu, hi na khozela Mkoma!”

Dhewuteronome 32:46

a wombile kwawe a txi khene: “Engisani ta tinene otshe mapswi awa nyamsi, ni ma fakazelako masoni kwanu, kasi ku anu mi na ma leleta ka vanana vanu, ti to va txi ma xayisa, va txi ma vekisa, otshe mapswi a mlayo wuwa.

Masalmo 34:15

Maso a Mkoma ma wonetela vo lulama ni tinzeve takwe ti engisela huwa yawe.

Masalmo 11:4

Mkoma a Nyumbani kwakwe ko sawuleka; Mkoma ana ni txikhalo txakwe txa wukoma nzumani, se ngu maso akwe ma wonako ta tinene, wa xayisa vathu kha kwati.

Jobe 1:5

Ku ti ti maheka ti to, ma di pindile masiku ale a mibuso yawe, Jobe a ti ko rumisa ti to, ve sawulekiswa, se e wuka ngu mabimbi-kutxa, e ningela miphaxo, madingano ni mtengo wawe votshe; nguko Jobe a ti ti khene: Va nga nda dhuka va di onhile vanana vangu se ve ruketela Txizimu timbiluni kwawe. Jobe a ti ti mahisa toneto yotshe mbimo.

2 Timoti 1:5

Na khumbula likholo lo mbi kanganyisa li ku kwako, i ku likholo limwelo ni li li nga ti ni kokwani wako Loyidhe ni mame wako Eunise, ali ni thembako ti to li ho kwako nawe.

Mithumo 27:31

Se Paulo a txi gela mthangeli wa dizana ni masotxhwa, a txi khene: “Ngako vona va si zumbi txitimelani, kha mi na kuhuluka.”

Johani 10:14

Ani ni M'dyisi wamnene, tinvuta tangu na tiziva, nitona tinvuta tangu ta ni ziva.

Isaya 38:19

Ava va hanyako, va va hanyako, evo va na ku dhumisa, kufana ni ti ni mahako nyamsi; tate a na gondisa ditshuri dako ka vanana.

Masalmo 1:6

Nguko Mkoma wa yi ziva nzila ya valulami, kambe nzila ya vabihi yi yisa kulovani.

2 Samuwele 7:20

Njitxani kambe a nga txi wombako Dhavhidha kwako kani? Nguko awe wa txi ziva kha kwati txithumi txako, awe Mkoma Txizimu.

Johani 21:17

A to mu wotisa da wuraru, a txi khene: “Simoni, mwana Johani, awe wa ni randa kani?” Pedro a to thelwa dikhodho nguko Jesu a nga mu wotisa ka wuraru, a txi khene: “Awe wa ni randa kani?” Se a mu xamute, a txi khene: “Mkoma, awe wa tiziva totshe. Awe wa tiziva ta tinene ti to ani na kuranda.” Jesu a mgete, a txi khene: “Dyisa tinvuta tangu.

Amosi 3:2

Ka totshe timwaya ta ha mafuni, ni zivile anu dwe; ngu koneho, ni na mi endela ngu mhaka ya wotshe wubihi wanu.

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Genesisi 12:3

Ni na katekisa wule a no kukatekisa, ni ruketela wule a no kueyisa. Ngu mhaka yako, ti nava ti txi katekiswa totshe tixaka ta ha mafuni.”

Genesisi 17:9

Txizimu txi wombile ka Abrahamu, txi txi kha txona: “Awe u na vekisa Txitumelelano txangu, awe ni lihunzu lako, msana kwako, kala kupinduka.

Genesisi 22:18

Se ngu ka liveleko lako yi na katekiswa yotshe mifumo ya ha mafuni, nguko u engisile dipswi dangu.”

Genesisi 35:2

Sekoko Jakobe a to womba ka ngamu yakwe yotshe ni ka votshe vale a nga ti navo, a txi khene: “Tshotshani hahanze sotshe sithombe sa sizimu sa vamatiko, asi si ku hagari kwanu, ti basiseni mi txitxa ni syambalo sanu.”

2 Samuwele 22:22

Nguko ni xayisile tinzila ta Mkoma, kambe kha na hambuka ka Txizimu txangu.

Nehemiya 9:7

Ngawe Mkoma Txizimu, u nga sawula Abramu, u mthavisa ka Uri wa Vakaldheya, u mraya ditina daku i Abrahamu.

Levhi 14:42

Ngu toneto, va na veketela mamwani marigwi o hambana kona hale ma nga ti ti kona mamwani, se va txi kopola nyumba kambe.

Valamuli 13:12

Sekoko Manowa a to khene: “Ma na tatiseke mapswi ako; se ngu ahi mahanyelo ni mthumo wa mfana wuwa kani?”

2 Makronika 14:3

Nguko a thavisile siluvelo sa sizimu sa walo, e fayetela marigwi awe a wukhongeli, a txi wilela tiphande tawe.

Matewu 25:17

Nga toneto kambe, awule a nga amukela timbidi, a bhindute e mana timwani ta timbidi.