Genesisi 18:17 - Bhiblia Yo Sawuleka

¹⁷ Se Mkoma a to khene: “Ina ni nga sisela Abrahamu ati ni lavako ku ti maha, kani?

Genesisi 18:17 Referans Kwoze

Amosi 3:7

Ngu ditshuri, Mkoma Txizimu, a na mbi maha txilo na a sa kombisa txihunga txakwe ka sithumi sakwe, vaprofeti.

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

Johani 15:15

Kha ni swi ni txi mi dhana ngu ditina daku mi sithumi, nguko txithumi kha txi ti zivi ati ti mahwako ngu mfumeli wa txona; aniko ni mi dhana ngu ditina daku mi vangana, nguko ni mi tulete totshe ti ni nga tiengisa ka Tate wangu.

Jakobe 2:23

Ngu toneto, yi tatisekile mibhalo yi yi ku: “Abrahamu a khotwe ka Txizimu, se atiya ti mningile ku e maha kota mlulami, se ene a dhanwi ku i mngana wa Txizimu.”

Genesisi 19:24

Sekoko Mkoma a to wisa txivavula ni mndilo txitimwi ka didhoropa da Sodhoma ni da Gomora, si txi ta ngu nzumani, ka Mkoma Txizimu.

2 Makronika 20:7

Awe Txizimu txathu hi nga awe u nga tutumisa vahanyi va ditiko diya masoni ka vathu vako va ka Israyeli, u di ningela ka vanana va Abrahamu mngana wako kani?

2 Vafumeli 4:27

Se mbimo yile a nga hoka koko ka m'thu wa Txizimu mmangoni, a to ñola mikondo yakwe; aniko Gehazi a to tshuketa kuya mthavisa; kambe m'thu wa Txizimu a to khene: Mleke, nguko dihika dakwe di mu ko pandiseka ngu sixaniso, na kuve Mkoma a ni sisete, kha ni komba mhaka yiya.

Genesisi 18:21

Ni na relela kasi kuya wona tito, ina ngu ditshuri va ti mahile ti ti mangalwako ngu tihuwa ti ti nga kwangula, ti txi hoka tinzeveni kwangu, kani? Ngako i di tona, ni na zumba ni txi tiziva.”

Genesisi 18:22

Sekoko vathuvo va to khukha konaho va txi ya Sodhoma, Abrahamu a to sala a di emile masoni ka Mkoma.

Genesisi 18:26

Sekoko Mkoma a to khene: “Ngako ni txi ya mana didhoropani ka Sodhoma mtxhanu wa magumi a vathu vo lulama ni na divalela dotshe didhoropa ngu mhaka yawe.”