Genesisi 18:15 - Bhiblia Yo Sawuleka

¹⁵ Sara ngu kuthava, a kanetile, a txi khene: “Ani kha na seka.” Aniko Mkoma a engetile, a txi khene: “Ngu ditshuri, awe u sekile.”

Genesisi 18:15 Referans Kwoze

1 Johani 1:8

Ngako hi txi womba ti to kha hi nga ni txionho, ha ti kanganyisa, se ditshuri kha di nga ho kwathu.

Mavingu 28:13

Awule a sisako sihambunyeto sakwe, kha na mbi dhuka e humelela; aniko awule a ti solako ni ku si leka, a na mana wumbilu.

Vaefesu 4:23

Anu tumelani kuteka mahanyelo a m'thu wamphya moyani kwanu;

Masalmo 44:21

ina Txizimu kha txi na mbi tiziva tona eto kani? Nguko txona txa ziva txihunja txa mbilu yathu.

Varoma 3:19

Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.

Johani 18:17

Sekoko awule wamsikati, i nga ti muwoneleti wa ha txikeni a to gela Pedro, a txi khene: “Ina awe khu nga mmweyo wa vagondiswa va ene wule kani?” Aniko ene a to xamula, a txi khene: “Kha ni nga ene ani!”

Johani 2:25

i ti si nga wolava kumaha ngu kugelwa ta m'thu, nguko ene a txi tiziva ti ti ku timbiluni ka vathu.

Marku 2:8

Jesu kunukunuko a to tiziva ngu moya wakwe ati va nga txi alakanya timbiluni kwawe, se a txi va gela ku khene: “Mi alakanyela txani toneto timbiluni kwanu kani?

Mavingu 12:19

Mapswi a ditshuri ma na zumba yotshe mbimo, aniko mawombawombelo a makuhu, nga mbimo ya yidotho.

Jobe 2:10

Aniko ene a to khene: Mawombawombelo a wamsikati wa txiphukuphuku eyo u ma thumisako; hi na amukela wunene ngu ka Txizimu, hi si amukeli ta walo kani? Ka totshe tiya, Jobe kha onha ngu txisofu txakwe.

Genesisi 12:13

Na ku kombela, u ndiyangu kasi ku ni txi mana kuamukelwa ngu nzila ya yinene, ni kumana kambe kulekwa ni hanya, ngu mhaka yako.

Genesisi 4:9

Txizimu txi to kha txona ka Kayini: “Ahani Abhele, mwananu kani?” Kayini a xamute, a txi khene: “Kha ni m'zivi. Kasi ani ngani ni ku mxayisi wa mwanathu kani?”

Vakolosa 3:9

Mi nga hembelaneni, nguko mi xivite m'thu wa kale ni hanyelo yakwe;

Genesisi 18:14

Ina txi ho txo tandeka ka Mkoma kani? Ka dilembe di di tako, ngu yona yiya mbimo, ni na wuya kambe kwako, se Sara a na va a di ni mwanana wa dizambi.

Genesisi 18:16

Va di khukhile vavamna vale, va to komba kuya Sodhoma, Abrahamu a ti ti tsimbila navo, kasi ku va heleketa.

Masalmo 44:22

“Ha dawa ngu mhaka yako dotshe ditshiku. Hi wonwa nga tinvuta to emiselwa kuya kudawani.”