Genesisi 18:10 - Bhiblia Yo Sawuleka

¹⁰ Mmweyo wawe a to khene: “Ni na wuya kambe kwako dilembe di di tako, ngu yona yiya mbimo, se msikati wako Sara a na va a di ni mwanana wa dizambi.” Sara a ti ti engisela a di ha txikeni ka ditenda, ngu msana ka Abrahamu.

Genesisi 18:10 Referans Kwoze

Genesisi 21:2

Sara a to mana txirumbu ka Abrahamu na a ti kumbile, e veleka mwanana wa m'zambi, ka mbimo yi Txizimu txi nga ti thembisile.

Genesisi 17:21

Aniko Txitumelelano txangu ni na txi maha ni Isaake, awu a no velekwa ngu Sara dilembe di di tako, ka yona yiya mbimo.

Genesisi 17:19

Txizimu txi to mxamula txi txi kha tona: “Ahim-him msikati wako Sara ngene a no kuvelekela mwanana wa mfana, se awe u na mraya ditina daku i Isaake, ni na emisa Txitumelelano nayo, atxi txi no va Txitumelelano txo mbi guma, kasiku ni va Txizimu txakwe, ni txa lotshe liveleko lakwe, msana kwakwe.”

Genesisi 17:16

Ani ni na mkatekisa, kambe ngu ngene ni na kuninga mwanana wa dizambi, ani ni na mkatekisa ene a na va mame wa mifumo, ngu kwakwe ku na huma vafumeli va vathu.”

Vagalatiya 4:28

Kasi anu, vanathu, kufana ni Isaake, nanu mi vanana va txithembiso.

Vagalatiya 4:23

Se mwanana wa wamsikati wule wa khumbi, a velekilwe ngu kuranda ka nyama, kasi mwanana wa wule wo tekwa a velekilwe ngu mhaka ya txithembiso.

Luka 1:13

Aniko ngelozi yi m'gete, yi txi kha yona: “U nga thave, Zakariya, mkombelo wako wu engisilwe. Izabheli msikati wako, a na kuvelekela mwanana wa m'zambi, awu u no m'raya ditina da Johani.

Genesisi 16:10

Ngelozi ya Mkoma yi m'gete kambe yi txi kha yona: “Ani ni na andisa ngutu vanana va liveleko lako, ti to kuwalo ni wammweyo a no sikota ku va bala.”

Genesisi 18:9

Se va to kha vona kwakwe: “Ahani msikati wako Sara kani?” Ene a to khene: “A ditendani mule.”

Genesisi 21:1

Mkoma a to alakanya Sara, nga ti a nga womba, se e maha kwakwe ati a nga ti thembisile tona.