Genesisi 18:1 - Bhiblia Yo Sawuleka

¹ Ngu msana Mkoma a to woneka ka Abrahamu mikusuni ka Mambre, mbimo yi a nga ti khalahatshile ha txikeni ka ditenda dakwe, ni mitshikari, na ditambo di txi hisa ngutu.

Genesisi 18:1 Referans Kwoze

Genesisi 14:13

Sekoko mmweyo wa vale va nga huluka, a to ya zivisa Abramu, Muhebheru; Muamori a nga ti akile mikusuni ka Mambre, dixaka da Esikole ni Aneri vona va ti ti pfana ni Abramu.

Genesisi 13:18

Abramu a to khukha ni matenda akwe a txi ya aka mikusuni ka Mambre, i ku hafuhi ni Hebroni, se koneyo, a to akela Mkoma txiluvelo.

Genesisi 48:3

Se Jakobe a wombile ka Josefa, a txi khene: Txizimu txa Mtamo-Wotshe, txi ti wonekisile kwangu ni di niya Luza, ditikoni ka Kanana, txi ni katekisa,

Genesisi 26:2

Mkoma Txizimu a ti wonekisile ka Isaake, a txi m'gela tiya: “U nga relele u txi ya Egipta; zumba ka ditiko di ni no kukomba dona.

Mithumo 7:2

Sitefani a to xamula, a txi khene: “Anu vanathu ni nanu vatata, ni engiseni! Txizimu txa wudhumo txi ti kombisile ka tate wathu Abrahamu, na a di ngadi Mesopotamiya, na a sinzi kuaka Harani,

2 Makronika 1:7

Ka wona wusiku wule, Txizimu txi to woneka ka Solomoni, txi m'gela tiya: Kombela txi u txi lavako ku ni txi kuninga.

Genesisi 17:22

Ngako Txizimu txi di gwitile kuwombawomba ni Abrahamu, txi to khukha txi msiya, txi guleka.

Genesisi 15:1

Msana ka totshe tiya, dipswi da Mkoma di tile ka Abramu, ngu txiwoniso, di txi kha dona: “U nga thave awe Abramu, ani ngani txitxhavangu txako, hakhelo yako yi na va ya hombe ngutu.”

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

Eksodha 4:1

Sekoko Mosi a to xamula a txi khene: “Aniko ni wona to kha va na mbi kholwa ngu ngani, kambe kha va na mbi engisa dipswi dangu, nguko va na womba va txi kha vona: Kha woneka Mkoma kwako.”

Vahebheru 11:9

Ngu likholo, ene a akile nga muwuyi ka ditiko di a nga ti thembisilwe, a txi zumba midhutini kufana ni Isaake ni Jakobe, vadyi-kulowe va yona thombeyo ya yimweyo ya txithembiso.

Vahebheru 13:2

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

Genesisi 18:22

Sekoko vathuvo va to khukha konaho va txi ya Sodhoma, Abrahamu a to sala a di emile masoni ka Mkoma.

Genesisi 20:1

Abrahamu a to khukha konaho e tsula ditikoni ka Negebhe, a txi ya aka hagari ka Kadhesi ni Suri. Ene a to ya luvela ditikoni ka Gerara.

Genesisi 35:27

Se Jakobe a to ta ka Isaake tate wakwe, kona Mambre, aniya Kiriyate-Aribhe, i ku Hebroni, ahale va nga ti akile kona, Abrahamu ni Isaake.

Joxuwa 5:13

Se ku to maheka taku, ngako Joxuwa a di hafuhi ni Jeriko, a to gula maso akwe a txi wona, a to wona wamwamna wokari, a di emile masoni kwakwe, na a di ni ditxhari manzani kwakwe, se Joxuwa a to tshuketa kwakwe, a txi m'gela tiya: “U mmweyo wathu mwendo u mmweyo wa valala vathu kani?”