Genesisi 17:7 - Bhiblia Yo Sawuleka

⁷ Ni na tsanisa Txitumelelano txangu ni nawe, ni lihunzu lako msana kwako, Txitumelelano txiya, txi na va txo mbi guma, se ani ni na va Txizimu txako ni txa lihunzu lako, msana kwako.

Genesisi 17:7 Referans Kwoze

Genesisi 26:24

Se Mkoma a to woneka kwakwe ka wona wusiku wule, e m'gela tiya: “Ani ngani Txizimu txa Abrahamu, tate wako; u nga thave txilo, nguko ani nipune ni ni nawe. Ani ni na kukatekisa, ni na andisa liveleko lako, ngu mhaka ya Abrahamu txithumi txangu.”

Mithumo 2:39

Nguko awule a nga thembiswa a lumba anu ni vanana vanu, ni vale va ku kule, votshe vale va no dhanwa ngu Mkoma, Txizimu txathu.”

Genesisi 15:18

Ka donedo ditshiku, Mkoma a to maha Txitumelelano ni Abramu, a txi khene: “Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate.

Vahebheru 8:10

Txitumelelano txi ni no txi maha ni nyumba ya Israyeli msana ka masiku onayo, kuwomba Mkoma, ngu txiya: Ni na veka milayo yangu mapimoni kwawe, ni na yi bhala timbiluni kwawe. Ani ni na va Txizimu txawe, ni vona va na vathu vangu.

Vahebheru 11:16

Aniko, vona va vilela mwani ka nzumani. Ngu toneto, Txizimu kha txa pfa tingana ngu kuwomba ti to i Txizimu txawe. Kha ditshuri, txona txi va lulamisete didhoropa.

Levhi 26:12

Ni na va hagari kwanu, ani ni na va Txizimu txanu, nanu mi na va vathu vangu.

Genesisi 28:13

Ngu txitimwi ka dinera Mkoma a ti emile, se, a txi khene: “Ani ngani Mkoma, Txizimu txa Abrahamu, tate wako, ni Txizimu txa Isaake. Ditiko di u nga otela ka dona, ani ni na di ningela kwako ni ka liveleko lako.

Varoma 9:4

i ku va ka Israyeli, ava va nga sawulwa ve mahwa vanana va Txizimu, va txi ningwa wudhumo, situmelelano, mlayo, wukhongeli, ni sithembiso;

Marku 10:14

Aniko Jesu, mbimo yi a nga wona tiya, a to henya, a txi khene: “Lekani sivananana si txi ta kwangu, mi nga si tsimbiseni, nguko Mfumo wa Txizimu wu lumba ava vo nga tiya.

Matewu 22:32

“Ani ni Txizimu txa Abrahamu, Txizimu txa Isaake, Txizimu txa Jakobe kani? Txona hi nga Txizimu txa vafi, aniko Njizimu txa va va hanyako.”

Mika 7:20

Jakobe a na mninga kuthemba, se Abrahamu a na mninga wunene wule a nga xambanya ka vatate vathu, kukhukhela ka masiku a kale.

Ezekhiyele 28:26

Se va na zumba ka dona ngu kutsana, va na aka tinyumba ni kuphaya mivhinya: Ina, va na zumba ngu kutsana, mbimo yile ni no lamula votshe vale va va pelako madhawani kwawe; va na tiziva taku ani ngani Mkoma, Txizimu txawe.

Eksodha 6:4

Kambe ni emisile txitumelano txangu navo, kasi kuvaninga ditiko da Kanana, ditiko di va nga zumba ka dona kota valuveli.

Eksodha 3:15

Se Txizimu txi to kha txona ka Mosi: “U na ya womba ka vanana va ka Israyeli u txi khawe: Mkoma Txizimu txa vatate vanu, Txizimu txa Abrahamu, Txizimu txa Isaake ni Txizimu txa Jakobe txi ni rumile kwanu. Adiya nditina dangu ngu hawa ku si gwitiko, di na va txialakanyiso txangu ka liveleko ni liveleko.”

Eksodha 3:6

Mkoma a to engeta a txi khene: “Ani ngani Txizimu txa vatate vako, Txizimu txa Abrahamu, Txizimu txa Isaake ni Txizimu txa Jakobe.” Konako Mosi a to fenengeta khohe, nguko a ti thava kuwona Txizimu.

Vaefesu 2:2

asiya kale mi nga txi hanyela ka sona, mbimo yi mi nga txi londetela minavelo ya ha mafuni hawa, madingano ni kuranda ka mkoma wu a fumako ka mpfhuka wu wu ku txitimwi ka mafu, i ku moya wu, ni konkuwa, wu thumako hagari ka sindaka-milayo.

Masalmo 81:10

Ani Mkoma, ngani ni ku Txizimu txako, ngani ni nga kuhumisa ngu Egipta. Ni na kuninga sakudya yotshe mbimo u no pfa nzala.

Genesisi 6:18

Ni na maha txitumelelano txangu ni nawe; se u na wulela ngalavani awe ni vanana vako, ni msikati wako, ni vasikati va vanana vako.

Genesisi 17:13

Va fanete kuyiswa wukwerani avale va nga velekwa nyumbani, ni vale va nga xawa ngu male. Atxiya ngu txona Txitumelelano txangu txo mbi na magwito, ha mmidi kwanu.

Genesisi 17:19

Txizimu txi to mxamula txi txi kha tona: “Ahim-him msikati wako Sara ngene a no kuvelekela mwanana wa mfana, se awe u na mraya ditina daku i Isaake, ni na emisa Txitumelelano nayo, atxi txi no va Txitumelelano txo mbi guma, kasiku ni va Txizimu txakwe, ni txa lotshe liveleko lakwe, msana kwakwe.”

Eksodha 6:7

Ni na mi maha vathu vangu, se ani ni na va Mkoma Txizimu txanu, ni mi humisako ka mikaralo ya ditikoni ka Egipta.

Levhi 11:45

Kha ditshuri, ani ngani Mkoma, ni nga mi humisa ditikoni ka Egipta, kasi ku ni txi va ni di Txizimu txanu. Ngu toneto, mahani vo sawuleka. Nguko ani ni sawulekile.

Levhi 25:38

Ani ngani Mkoma, Txizimu txanu, ni nga mi humisa ditikoni ka Egipta, kasi ku mi ninga ditiko da Kanana, ni va ni di Txizimu txanu.

Levhi 26:9

Ni na mi khatalela, ni txi mi maha mi velekela, ni txi mi andisa, kambe ni na tsanisa txitumelelano txangu ni nanu.

Levhi 26:45

Ngu mhaka ya vona ni na khumbula txitumelelano txangu, atxile ni nga txi maha ni vatate vawe, avale ni nga va humisa ditikoni ka Egipta, masoni ka mifumo yotshe, kasiku ni txi va ni di Txizimu txawe. Ani ngani Mkoma!

Dhewuteronome 29:13

kasi ku nyamsi a txi mi maha ngamu yakwe, ni ti to ene apune, a txi va i di Txizimu txanu, nga ti a nga womba a txi xambanya ka vatate vanu, Abrahamu, Isaake ni Jakobe.

Valamuli 2:1

Se Ngelozi ya Mkoma yi to khukha Giligali yi kwelela Bhokimi, se yi txi kha yona: Ni mi humisile Egipta, ni txi mi tisa ka ditiko di, ni nga xambanya kuninga vatate vanu, ni txi khani: “Kha ni na mbi thuka ni fuvisa txitumelelano txangu ni nanu.

Isaya 61:8

Nguko ani Mkoma, ni randa kululama, ni nyenya wubihi; ani ni na va ninga ngu ditshuri hakhelo yawe, kambe ni na maha navo txitumelelana txo mbi guma.

Jeremiya 31:1

Ka yona yile mbimo, kuwomba Mkoma, ni na va Txizimu txa totshe tihunzu ta ka Israyeli, vona va na va vathu vangu.

Genesisi 9:16

Ngako wulaho wa nzumani wu di ha mafuni, ani ni na wu wona, ni txi alakanya mhaka ya Txitumelelano txo mbi guma, atxi txi kuho hagari kwangu ani Txizimu, ni sotshe sivangwa si si hanyako ha mafuni.”

Levhi 26:44

Hambi ka toneto, ngako va di payutwe veya maneka ditikoni ka valala vawe, kha ni na mbi va leka, kha ni na mbi va tsukula aha koza ni txi va fuvisa, ni divala txitumelelano txi ni nga txi maha navo, nguko ani ngani Mkoma, Txizimu txawe.

2 Samuwele 7:24

Se u tsanisile vathu vako va ka Israyeli, kuva vathu vako kala kupinduka, kambe awe Mkoma u mahile Txizimu txawe.

1 Makronika 16:13

Anu liveleko la ka Israyeli, sithumi sakwe, ni nanu vanana va Jakobe, misawulwa yakwe.

1 Makronika 16:14

Ene Mkoma, Txizimu txathu; kululama kwakwe ku ka otshe mafu.