Genesisi 17:3 - Bhiblia Yo Sawuleka

³ Sekoko Abramu a to wa hahatshi ngu mbanza; Txizimu txi to womba kwakwe txi txi kha txona:

Genesisi 17:3 Referans Kwoze

Genesisi 17:17

Sekoko Abrahamu a to ti wisa hahatshi ngu mbanza na a txi seka, nguko a txi ti wotisa mbiluni kwakwe, a txi khene: “Ina wamwamna wu a ku ni 100 wa malembe a nga ngadi e veleka mwanana kani? Ni Sara wu a ku ni mtxhanu ni mune wa magumi a malembe, a nga ngadi e veleka mwanana kambe kani?”

Valamuli 13:20

Se ku to maheka taku, mbimo yile dituro da mndilo di nga kwela ngu ha txiluveloni di komba nzumani, Ngelozi ya Mkoma yi to kwela ngu kona hale ka dituro da ha txiluveloni; ngako Manowa ni msikati wakwe va di ti woni, va to wa hahatshi ngu tikhohe tawe.

Mtuletelo 1:17

Mbimo yi ni nga mu wona, ni to wa minengeni kwakwe, ni txi nga ni to fa. Ene a to ni sanzeka dianza dakwe da txinene, a txi ni gela ku khene: “U nga thave. Ani ngani wa kukhata ni kugwitisa,

Matewu 17:6

Mbimo yi va nga engisa mapswi awa, vagondiswa va to wa hahatshi ngu timbanza, va txi telwa ngu dizowa da hombe ngutu.

1 Vafumeli 18:39

Aha dibutho di nga ti wona tiya, di towa ngu tikhohe ta dona di txi kha dona: Mkoma ngene dwe i ku Txizimu! Mkoma ngene dwe i ku Txizimu!

Joxuwa 5:14

Se ene a to khene: “Ahim-him! Aniko konkuwa nita kota mthangeli wa dibutho da Mkoma.” Sekoko Joxuwa a to khizama e namisa khohe yakwe hahatshi, a txi mkhozela, e m'gela tiya: “U lava kuwomba txani, awe Nyamne wangu, ka txithumi txako kani?”

Mitengo 16:45

Khukhani hagari ka msengeletano wuwa, ni na wu lovisa ngu mbimwanyana; sekoko Mosi ni Aroni va to wa hahatshi ngu tikhohe tawe.

Dhaniyeli 10:9

Hambi keto, ni to pfa dipswi da timhaka takwe; se ni di pfite dipswi da timhaka takwe ni to wa hahatshi ngu khohe yangu ni tsivala.

Ezekhiyele 3:23

Se ni to khukha ni tsula mkovani, wona taku koneyo ku ti ni wudhundo wa Mkoma, wo fana ni wudhundo wule ni nga wu wona hafuni ni mnambo wa Kebhari; se ni to wa ngu khohe.

Ezekhiyele 1:28

Kufana ni kuphatima ka wulaho wa nyazimu, ngu ditshiku da kuwa ka mati, ku ti ti phatima madhawani. Aawa i ti ti mawonekelo a kufana ni wudhundo wa Mkoma; se mbimo yi ni nga ti wona tiya, ni to wa ngu khohe yangu, kambe ni pfite dipswi da wu a nga ti ti womba-womba.

Mitengo 16:22

Se vona va towa ngu tikhohe tawe, ve dila, va txi kha vona! Awe Txizimu! Txizimu txa mihefemulo ya nyama yotshe! Ina wa so henyela wotshe msengeletano, ngu mhaka ya txionho txa m'thu mmweyo kani?

Mitengo 14:5

Sekoko masoni ka wotshe msengeletano wa vanana va ka Israyeli, Mosi ni Aroni va to khizama, va txi wa hahatshi ngu tikhohe tawe.

Eksodha 3:6

Mkoma a to engeta a txi khene: “Ani ngani Txizimu txa vatate vako, Txizimu txa Abrahamu, Txizimu txa Isaake ni Txizimu txa Jakobe.” Konako Mosi a to fenengeta khohe, nguko a ti thava kuwona Txizimu.

Ezekhiyele 9:8

Ku to maheka koko taku, na va di va dayete, se ni sala ani nokha, ni to wa ngu khohe, ni dila, ni txi khani: Yowe! Mkoma Txizimu! U ni mhaka yo lava kufuvisa Vaisrayeli vale va nga sala, ngu kutheketa kuhenya kwako, txitimwi ka Jerusalema kani?

Genesisi 18:2

Se a to gula maso, e wona majaha mararu ma di emile, hafuhi kwakwe, neti a nga va wona, a to khukha ha txikeni ka ditenda dakwe e va hingeta, se a to ti wisa hahatshi masoni kwawe