Genesisi 17:14 - Bhiblia Yo Sawuleka

¹⁴ M'thu wuhi ni wuhi wa wamwamna, awule a nga mbi yiswa wukwerani, awule a nga mbi wilwa didhowo da magwito ka nyama yakwe, a na tutumiswe hagari ka m'ti wa lihunzu la ka kwawe, nguko a eyisile Txitumelelano txangu.”

Genesisi 17:14 Referans Kwoze

Eksodha 12:19

Mndani ka mtxhanu wa masiku ni mambidi ku nga thuke ku txi maneka mtshumbelo tinyumbani kwanu; awule a no maneka a txi dya dipawu do tshumbelwa a na hambukiswa ka msengeletano wa ka Israyeli, hambi i di mluveli mwendo txizikwa txa ditiko.

1 Vakorinto 11:29

Awule a dyako ni kusela asi pimisi mmidi wa Mkoma, wo ti dyela ni ku ti selela txiabaniso txakwe apune.

1 Vakorinto 11:27

Ngu toneto, wuhi ni wuhi a dyako dipawu diya, mwendo kusela digombe diya, na a si nga ni fanelo, a ni mnandu ka mmidi ni mnoha wa Mkoma.

Jeremiya 31:32

Hi nga txitumelelano txo fana ni txi ni nga maha ni vatate vawe, ka ditshiku dile ni nga va ñola ngu dianza, kasi ku va humisa ngu ditikoni ka Egipta, se vona va txipisile txitumelelano txangu, hambiko ani ni ngadi va thembisile, kuwomba Mkoma.

Jeremiya 11:10

Va tshumelete sionhoni ka vakokwani vawe, va va nga lamba kuengisa timhaka tangu. Va londetete simwani sizimu, ve si khozela. Nyumba ya ka Israyeli ni nyumba ya ka Judha ti funyile txitumelelano txangu atxi ni nga txi maha ni vatate vawe.

Isaya 33:8

Tinzila ta hombe ti fuvile, va tsimbili va tona va ti lekile, a funyile txitumelelano, e txhipisa madhoropa, kambe kha khatali ngu m'thu ni wammweyo.

Isaya 24:5

Kha ditshuri, mafu ma nyetilwe ngu vaaki va ona, nguko va ndaka milayo, ve txitxelela sileleto, kambe va funya txitumelelano txa kala kupinduka.

Masalmo 55:20

Va guleta manza awe ve wukela vale va nga ti ni kudikha navo; ve bhenula txitumelelano txawe.

Levhi 19:8

Awule a yi dyako a na rwala mnandu, nguko a nyenyezisile wukhalo wo sawuleka wa Mkoma; se a na tovelwa hagari ka vathu va ka kwawe.

Levhi 18:29

Kkambe wule a no va a txi mahetela timhaka to nyenyeza, a na tovelwa hagari ka vathu va ka kwawe.

Levhi 7:27

Awule a tsanako a txi dya mnoha wa lixaka la ni txihi txi txi nga dawa, a na tutumiswa ka va ka kwawe.

Levhi 7:25

Ngako m'thu a txi dya mafura a txihari txi txi nga mahwa mningelo ka Mkoma, a na tutumiswa aha ka msengeletano wa va ka kwawe.

Eksodha 30:38

Awule a no maha tximaha txo fana kasiku e ti mahela dibaselo do bhumula, a na tutumiswa aha ka lihunzu la ka kwawe.”

Eksodha 30:33

Awule a no maha mamwani o fana nawo, mwendo kutota ngu ona m'thu wo mbi sawuleka, a na tutumiswa aha ka lixaka la ka kwawe.”

Eksodha 12:15

Mndani ka mtxhanu wa masiku ni mambidi mi na dya mapawu o mbi tshumbelwa, kukhukhela ka ditshiku do khata kala ka ditshiku da mtxhani ni mambidi, mi na thavisa mtshumbelo tinyumbani kwanu, nguko awule a no dya dipawu do tshumbelwa a na wilwa hagari ka va ka Israyeli.

Genesisi 17:15

Txizimu txi to kha txona kambe ka Abrahamu: “Msikati wako Sarayi, khu na mbiswa u txi m'dhana ku i Sarayi, aniko i nave Sara ditina dakwe.

Genesisi 34:14

Vona va va gete va txi kha vona: “Kha hi sikoti ku ti maha eto: Kuningela ndiyathu ka dikhutu, nguko hagari kwathu ta yila.

Levhi 23:29

Awule, ka ditshiku donedo, a no va asi xaniseki ngu sionho sakwe, a na fuviswa hagari ka va ka kwawe,

Mitengo 9:13

Kambe ngako m'thu a di sawulekile, a sa nga enda e leka kudya Pasika, eyo m'thu a na tutumiswa ka va ka kwawe, nguko kha nga humisa mningelo wa Mkoma ngu mbimo ya wona, eyo m'thu a na rwala mnandu wakwe apune.

Ezekhiyele 44:7

Nguko mi dhani vamatiko, va timbilu ta makhutu, kambe va makhutu nyamani kwawe, va txi ta maneka nyumbani kwangu ko sawuleka, ku ta yi nyenyezisa, mbimo yi mi no ni ninga dipawu, mafura ni mnoha; vona va txhipisile txitumelelano txangu, ngu mhaka ya kotshe kunyenyeza kwanu.