Genesisi 17:12 - Bhiblia Yo Sawuleka

¹² Msana ka mtxhanu wa masiku ni mararu a kuvelekwa, votshe vanana va vafana va na yiswa wukwerani, kukhukhela ka wule a velekwako m'tini kwako, kala ka wule a xawako ngu male ka vamatiko, awule i ku si nga wa lihunzu lako.

Genesisi 17:12 Referans Kwoze

Levhi 12:3

Se ka ditshiku da wutxhanu ni mararu mwanana a na yiswa wukwerani.

Luka 2:21

Ngako ma di tshangani mtxhanu wa masiku ni mararu, kasiku Mwanana e yiswa wukwerani, va to m'raya ditina daku i Jesu, di nga wombwa ngu ngelozi na ene a sanzi kuva kona mndani ka mame wakwe.

Vafilipiya 3:5

ni yisilwe wukwerani ka ditshiku da wutxhanu ni mararu, ni wa lixaka la ka Israyeli, ka lihunzu la ka Bhenjamini, Muhebheru, mwanana wa Vahebheru, ngu mu ka milayo ni mfarisi,

Luka 1:59

Ka ditshiku da wutxhanu ni mararu, va tile va ta mu yisa wukwerani, va txi lava ku m'raya ditina da tate wakwe, Zakariya.

Varoma 2:28

M'judha wa ditshuri hi nga wule wa kutikomba hahanze dwe, ni wona wukwera wa ditshuri hi nga wule wu wonekako hahanze ha nyamani dwe;

Mithumo 7:8

Se Txizimu txi to mninga txitumelelano txa wukwera. Ngu konaho, Abrahamu, a di velekile Isaake a mu yisile wukwerani ngu ditshiku da wutxhanu ni mararu. Isaake a mahisile toneto ka Jakobe, se Jakobe nene e mahisa toneto ka vanana vakwe i ku vanyampande va tihunzu ta digumi ni timbidi ta Israyeli.”

Genesisi 21:4

Abrahamu a to yisa wukwera mwanana wakwe Isaake mbimo yi a nga va ni mtxhanu wa masiku ni mararu, nga ti ti nga leletiswa tona ngu Txizimu.

Genesisi 17:23

Sekoko Abrahamu a to teka Ismayeli, mwanana wakwe, ni votshe vavamna vale va nga velekwa m'tini kwakwe, ni votshe vale va nga xawa ngu male, votshe va mazambi, ava va kuho m'tini kwakwe, a to va yisa wukwera, ka donedo tshiku, nga ti Txizimu txi nga mleletisa tona.

Eksodha 12:44

Kambe ni yihi khumbi yile yi nga xawa ngu male, msana ka kuva yi di sinyisilwe wukwera, sekoko yi na dya m'buso wa Pasika.

Eksodha 22:30

U na maha nga toneto ngu matiwula a tihomu tako ni tinvuta tako; amu ka mtxhanu wa masiku ni mambidi si na zumba ni vamame va kona, se ngu ka ditshiku da wutxhanu ni mararu u na si hambanisa u txi si ninga ani.