Genesisi 16:8 - Bhiblia Yo Sawuleka

⁸ ngelozi yi to womba ka Hagari, yi txi kha yona: “Hagari, txithumi txa Sarayi, u ta ngu hani, na u txi ya hani kani?” Ene a xamute, a txi khene: “No thava masoni ka nyamne wangu Sarayi.”

Genesisi 16:8 Referans Kwoze

Genesisi 3:9

Se Mkoma Txizimu a to dhana Adhamu, a txi khene: “U hani kani?”

Genesisi 4:10

Se Txizimu txi to kha txona: “Njitxani u nga maha kani? Dipswi da mnoha wa mwananu, da pfala ha mafuni, kala tinzeveni kwangu.

Ekleziyaste 10:4

Ngako mfumeli atxi ku henyela, u nga leke wukhalo wako, nguko txitumelelano mrende wo malata sionho sa hombe.

1 Samuwele 26:19

Konkuwa koko, na ku kombela awe mfumeli nyamne wangu, ti to u engisa mapswi a txithumi txako: Ngako Mkoma a txi kukurumeta ku ni wukela, a na amukele mningelo wa sakudya; kambe ngako i di vanana va vathu va na ruketelwe masoni ka Mkoma; nguko nyamsi vona va ni tutumisile, kasi ku ni si mani txyavelo txa thomba ya Mkoma, va txi kha vona: Tsula, u ya thumela simwani sizimu.

Genesisi 16:4

Abramu a to amukela Hagari e zivana nayo, se Hagari e mana txirumbu. Mbimo yi Hagari a nga wona ti to ana ni txirumbu, a to khata kuwona nyamne wakwe Sarayi ngu maso a txieyiso.

Genesisi 16:1

Sarayi, msikati wa Abramu, a ti sa nga m'velekela mwanana. Aniko a ti ni txithumi txa Muegipta, txi nga ti dhanwa ku i Hagari.

Genesisi 16:9

Sekoko Ngelozi ya Mkoma yi m'gete yi txi kha yona: “Tshumela u txi ya ka nyamne wako, u txi ya mthumela ngu kutiveka hahatshi.”

1 Vafumeli 19:9

Se koneyo a to wulela amu ka diphala e otela kona wusikuwo; se dipswi da Mkoma di tile kwakwe di txi ta kha dona: Wo maha txani ahawa kani Elija?

1 Vafumeli 19:13

Se mbimo yile Elija a nga dipfa, a to fenengeta khohe yakwe ngu dijasi dakwe e huma hahanze, a to ema ha txikeni ka diphala; se kutota dipswi kwakwe, di nga ti kha dona: Wo maha txani ahawa kani Elija?

Genesisi 21:17

Txizimu txi to engisa kudila ka mwanana, se Ngelozi ya Txizimu, yi di nzumani, yi to dhana Hagari yi txi kha yona: “Njitxani u ku natxo awe Hagari kani? U nga thave, nguko Txizimu txi engisile kudila ka mwanana, txi di ka wukhalo wa txona.

Valamuli 19:17

Mbimo yile ene a nga gula maso, a to wona m'thu wule ha mtendelani ka didhoropa; se txikosana txi nje kha txona: “Uya hani, niku uta ngu hani kani?”

2 Vafumeli 5:25

Sekoko a to wulela e si veka masoni ka nyamne wakwe Elizewu. Se Elixa a to khene: U wuya ngu hani awe Gehazi. Gehazi a nje khene kha naya ka wukhalo ni wawumwewo.